之前看到薯嘜煮日式咖哩飯，引得我食指大動，想到原來自己也很久沒有自製咖哩飯吃了。星期一那天，終於炮製了一大碟有薯仔、洋蔥、紅蘿蔔和雞肉的咖哩飯。再另加一碗野菜沙津，就成為一頓蠻豐富的晚餐。美中不足的，可能就是沒有伴咖哩飯吃的紅薑片。
今天為了留在家看奧運女排比賽，同時也要清理前天晚上到酒樓吃剩的餸菜，就再一次入廚大顯身手。椰菜吸收了燒鵝的油份，味道即時濃郁起來；冷豆腐在炎夏就最適合。不過這晚烤鯖魚的魚皮很靭，一點都不脆。如此下去，這包新開的兩公斤白米可望在賞味期限前幹掉。
甜品方面，好不好就吃掉 maymay 大力推介的白桃雪糕呢？
12 comments:
咁即係有無食唧？
未呀，或者等佢過咗期先食~~
今日七仔有大量白桃雪糕供應，可惜我唔食得，見到都唔敢買！>_<
電視汁撈飯最好味^^
我早兩日再食多盒，覺得依隻白桃味太香，好唔自然~
大叔淨係識食同玩!
仲使乜食白桃雪糕呢!!!
maymay︰買住先囉，擺得吖嘛，遲下再食過囉。
rempei︰齋睇電視我送唔到飯架，我要有好多餸至得架！^e^
roy︰等我遲下試清楚先。其實吉吉島嘅白桃啫哩都好好味，不過越賣越貴，每次見到都忍唔住買幾個返屋企。
歐巴桑︰唔係仲有食飽就瞓咩？^t^
劉鄧︰梗係，有新鮮梗係食新鮮先。尋晚即刻食咗一個，好香好好味，多謝晒呀！
下次個凍豆腐切兩粒蔥花再磨D薑蓉洒上面, 就可以呃得下人喇!
小彭︰我屋企想搵條蔥都難啊！不過舊豆腐真係有薑汁味架~~
吃飽飯最好就係食雪糕,呢排友人送上兩大盒菲律賓雪糕,攪到我晚晚吃, 又要努力做多D運動....
貝拉︰為咗食雪糕，我又唔介意做多啲運動呀！雖則幫補唔係太多！^r^
Post a Comment