Saturday, August 30, 2008

Payday

終於等到出糧的大日子,這天就盡點綿力推動一下經濟吧!

午飯時跑到中環,替姊姊買來兩張公益金珍藏版迷你八達通卡。這卡賣 $138 ,但就沒有預設儲值金額,所有善款都用作慈善用途。我沒有也為自己買一張,反而在銀行開了澳元定期戶口,希望六厘多的利息能夠幫補高位買入澳元的損失。



下班時經過灣仔的唱片店,看見這套台譯《不思議幸福列車》原來叫《旅の贈りもの 0:00発》的 dvd ,被片名吸引住,又說這戲是首部“療傷系”電影。我沒有什麼傷要療,但就覺得這戲好像蠻有意思,而且也有很多日本風景看,考慮一會就把它買下。同時購入的,還有陳奕迅的 cd+dvd 精選和《愛與狗同行》。



晚上到銅鑼灣味十味吃串燒,大吃大喝點完這個然後再點那個,由起初以為不會吃得飽,到最後捧着肚子走,荷包雖然瘦了點,但卻度過了很輕鬆的幾個小時。這頓飯的另一個得着之處,就是第一次面對面跟 Jason 打聲招呼。



隨後三十天,又要努力工作了。

19 comments:

supageti said...

八達通睇落以為係包 tissue,哈哈 ~

依餐的確食得好輕鬆,出左糧,駛多 d $ 唔緊起啦!^^

maymay said...

帥哥呢晚咪好滿足囉!
jason又去呢樹食飯呀?
有冇計過要收幾耐息先至填番個氹呀?
我有時都係為左睇日本風景而睇日本電影架~

光.軍 said...

E神隻精選出咗幾日.你就買咗喇喎.唔知會唔會有第二版呢..

Anonymous said...

每月最盼望都係呢日
可惜份糧絕大部分都不能在戶口過多過24小時XDD

Anonymous said...

幸會,幸會,早知俾埋張嗥你^^

largeheadboy said...

意粉︰哈哈,我又覺得有啲似銀行存摺喎!
諗返起尋日張枱真係最好,我唔嚟嘅話你地就坐唔到喇~~

maymay︰係呀,真係好橋呀!
冇計過呀,同埋都廢事記喇!冇心機呀,以後都唔信銀行啲人叫我買乜買乜呀!>_<

光.軍︰唔好啩,第二版仲可以有乜呀?
我買呢隻碟其實係為咗張 dvd ,因為啲歌其實都有晒咁濟……不過係 mp3。

歐巴桑︰咁慘?你自己收收埋埋另一個戶口唔畀大叔知咋?^t^

jason︰嘻,所以我地等你地埋咗單先同你地打招呼囉!^v^

Anonymous said...

對我黎講味+味都只會係lunch食...

Ellen老師 said...

大頭叔~~
未掛住食,記住做野呀!

largeheadboy said...

roy︰其實呢餐都幾貴啊,雖然啲嘢都幾好食。對,下次要去食 lunch!

ellen︰事情有變喎!晏啲出貓~~

supageti said...

我反而係因為睇左日劇/電影而想去裡面既地方 ~

Anonymous said...

大頭,麵屋一平安係銅鑼灣開左間分店,有無意思下次您出開銅鑼灣時一齊試吓?^^

largeheadboy said...

意粉︰兩樣都會喇!今朝睇電視講伊豆,好想去啊!

rempei︰咦,喺邊個位呀?早幾個星期日都跟你去咗尖咀嗰間,但係原來禮拜冇套餐架!
好呀,銅鑼灣我經常都會出開架~~

supageti said...

伊豆幾唔錯嫁,而且今年好似好 hit 呢 ~

largeheadboy said...

伊豆今年好 hit 咩?不過依家日本邊一忽唔 hit 架~~

supageti said...

你上多 d ec2 咁知邊樹 hit 囉。^^

Anonymous said...

係軒尼詩道499號永光商業大厦4樓。

另請望望您的yahoo blog!

largeheadboy said...

意粉︰ec2 好靜,少咗上去 lu,不過間唔中都會去睇下有乜着數情報~~ ^o^

rempei︰好呀,就搵日去試下佢喇!

Anonymous said...

總是覺得大頭很幸福, 可以分一點給我嗎?

largeheadboy said...

嘿,我收收埋埋啲唔開心嘢冇話過你知啫~~
如果你覺得我啲幸福啱駛,就隨便攞啲走喇 ^t^