Monday, October 27, 2008

雖然已經快要踏進十一月,但天氣仍然那麼和暖。不過,看到今天的新聞,就不期然感到有點寒意。

港股下午一度跌近二千點,跌穿萬一點支持,低見 10676 點,其後跌幅收窄,收市報 11015 點,下跌 1602 點,跌幅 12.7%,是九七年以來最大的單日跌幅。匯控更以全日最低位 75 元收市,跌幅接近一成半。



在日本,擁有 144 年歷史的橫濱松阪屋因業績欠佳,宣布結束營業。橫濱松阪屋於 1864 年創辦,是當地的老字號百貨公司。社長櫻井逸美在閉店前,向顧客鞠躬致意。最近受消費低迷影響,日本多間百貨公司被迫結束營業。



連鎖冬甩店 Krispy Kreme 撤出香港,大部分分店未有開門,公司委任財務顧問,着手處理餘下問題。勞工處表示,接獲公司多名員工求助。



股市下跌促使投資者放棄利差交易,尋求日圓和美元避險,日圓兌美元徘徊在十三年高位,兌歐元升至零二年五月高位。美元兌日圓跌 1.4% 至 92.97 日圓,歐元兌日圓跌 2.6% 至 115.79 日圓。



我是隻鴕鳥,從來不敢也不想面對現實。近期什麼都跌(當然我急需的日圓除外),我就連上網查看銀行的結餘也沒有勇氣。今天,要不是心血來潮想知道手頭上還有多少日圓,我也不想登入網上理財。原來我上次登入查看我的戶口,已經是個多月前的事。



寒冬未到,但四周卻陰霾密佈,叫人不寒而慄。銀行送上的兩張電影贈券,究竟是雪中送炭還是雪上加霜呢?

27 comments:

Anonymous said...

相信大家都要面對未來一段較長時間的經濟衰退時刻,荷包也要緊一點了!
但好奇怪,對於今次經濟衝擊,我反而有點莫名的期侍!

Anonymous said...

我都係呀 ... 雖然我都係受害人 ......

我希望襯機為未來幾年鋪鋪路.

supageti said...

我依家揸車一定唔聽收音機。

我都有瞓身撐股市嫁,不過越撐越心寒 ~~~ :P

lau2tang said...

Rempei & lala,
你地緊係手頭有好多"King"嘞~

意粉,
我隔個禮拜便入市支持,但個股票戶口銀碼結餘從沒有增長過,家姐話我擔沙填海喎~哈哈~

Anonymous said...

有d同事仲晌度玩緊股票, 我見到都寒!
我晌日本咩都唔敢買呀! 真係好彩無簽卡.

supageti said...

跌市有跌市既玩法,不過唔係一般股民玩得起,我依家係襯低吸納,買左就擺落保險箱,無眼睇 ~~~

希望海潚快啲過去,心情漸漸迫近沙士果陣咁 down ~

largeheadboy said...

rempei︰我一路以為自己可以好從容面對呢場風暴,就算上個禮拜立下心腸止蝕離場,我都覺得冇乜嘢。直到今日睇咗個戶口結餘,我真係有啲寒。
或者,呢個又係一個機會,但我真係唔知道。

lala︰依家風高浪急,真係要睇定啲啊!其實我都有啲想入市架,不過跌極都好似仲有得跌嘅!

意粉︰朝早返工唔係想聽新聞知道外面發生緊乜嘢事,我都寧願聽聽歌啊!
我當年的股票基金我諗依家都跌破晒招股價喇~~

劉鄧︰你好勇猛啊!到時我企喺你有份填嘅海上面,我一定會記得你啊!^_^

小彭︰你啲同事同劉鄧一樣都係敢死隊啊!
你上個禮拜仲係 7.x 啫,如果我過去時仲係好似依家咁,我諗晚晚松屋吉野家呀!

largeheadboy said...

意粉︰依家睇返轉頭,沙士都係半年搞掂,呢次睇嚟有排捱啊~~
襯低吸納,但係依家好似仲未算低啊~~

Anonymous said...

呢場海嘯唔知幾時至停,恒指及匯豐低到我唔信, 好恐怖! 我近年半已沒有玩了, 因為擔心這一天, 不過之前投資之錢都投晒去日本LU, 所以我都係大輸家..... 大家努力呀!

supageti said...

算啦,再跌又入貨囉,哈哈 ~

歐羅勁貴果陣你都去歐洲啦,駛咩咁 sad 呀又?

largeheadboy said...

貝拉︰之前以為呢場風暴會告一段落,估唔到越來越差~~匯豐呢,真係好抵咁呀!
唉,嬲嬲地過去日本大吃大喝算吧喇!

意粉︰唔好提喇,我都黑仔架喇,依家歐羅英鎊比我去嗰陣足足低咗兩成,呢兩成差好遠好遠架!>_<

光.軍 said...

尋日四點幾知到冬甩執笠.再睇埋恒指跌到11xxx都有少少心寒... 我地可以做o既都係面對現實啦。

Anonymous said...

真係有點心寒!
匯豐呢,真係好抵咁呀 — 但係都唔敢買,一來現金不多,二來不知是否見底,入左有什麼大吉利是要套現時,會蝕入肉。
比沙士時還要差,沙士是本土問題,現在全世界出事,不知何時才恢復元氣。但上次沙士每天有人死,好像世紀未,人心比現在還灰呢,正是人若賺得全世界,賠上了自己的生命,有甚麼益處呢?

Anonymous said...

今日我都鼓起最大勇氣, login去睇下! 咁又唔使晚晚松屋吉野家, 我今次好慳都覺得食得好好咁!

maymay said...

唔得架大頭哥,戶口要成日睇住架,如果唔係响網上俾人攞左錢都唔知呀!
我都覺得有危就有機,不過想整頓一下手頭上嘅蟹貨先~

Anonymous said...

咁岩我尋日都上網check番強積金基金戶口,全部見紅兼有幾十巴士跌幅,「一"鶴"眼淚」依四個字唔足以形容當時心情......

股票更係唔駛講,我自己都未算好慘,起碼只係輸左幾年積蓄,但萊嫂就欠落屋企人唔少......

largeheadboy said...

光.軍︰聽到呢啲消息真係唔到你唔寒,今日叫做好番啲,希望最壞的已經過去吧!
呢排新聞日日都係講經濟,真係好悶啊!

小頭︰如果今朝入咗匯豐或者其他勁升嘅股票,真係幾和味啊!不過,呢啲錢唔輪到我地賺個囉~
沙士係人命,依家嘅係錢,感覺真係好唔同,始終錢財係身外物,冇咗都可以搵得返。嗰陣時,比依家灰得多絕望得多。

小彭︰依家 check balance 真係一看一驚心啊!不過我走咗啲,嚟緊應該唔會有太大變動啩~
我講話去松屋吉野家啫,不過我地團長好似一早預備晒好豐富嘅一日幾餐畀我地班團友喇!^t^

maymay︰冇咁好彩啩~
其實我冇紅薄仔架,平時就只有靠月結單同埋上網查數,有時多咗少咗真係唔知架。當然,又點會無端端會多咗架~~
或者如果你尋日入咗市,今日可能有啲收穫啊!

roy︰強積金見紅呀?咁如果依家退休埋單計數咪好冇陰功囉?
慢慢嚟喇,依家點都叫做仲有份工,可以再儲過,番到身嘅!加油呀!^o^

Anonymous said...

大上大落好難係我呢d打工仔玩, 邊有時間睇住, 已收藏左唔少隻蟹, 成日話分段入貨, 最後都是入左d蟹 .... 唯有等N年啦, 扮長期投資者

lau2tang said...

網主,
大晦日晚上開始,你可以幫襯松屋同吉野家喇~

萊少,
錢始終是身外物,無咗可以再努力過,唔使咁悲!或者過得一年半載,隻隻蟹貨都升成倍呢!

Anonymous said...

大家又唔好咁灰,沙士都捱得過,海潚算咩吖 ~~ 時勢唔好慳啲駛囉 ~  

maymay said...

下次約去大排檔食飯好喇~

Anonymous said...

長 線 投 資 不 奢 求 在 最 頂 位 沽 貨 , 也 不 要 希 望 在 最 底 位 買 貨 。 每 一 次 入 市 或 離 場 , 都 應 利 用 分 段 吸 納 或 分 段 沽 貨 的 策 略 , 完 成 後 就 等 下 一 個 周 期 的 來 臨 。 現 水 平 繼 續 建 議 分 段 入 市 , 皆 因 大 家 不 知 道 大 市 的 底 部 水 平 。 雖 然 人 人 都 話 會 再 跌 , 但 跌 到 12000 就 會 有 人 話 10000 , 雖 到 10000 就 會 有 人 話 8000 , 沒 完 沒 了 的 調 低 目 標 , 根 本 意 義 不 大 。

largeheadboy said...

紅米奇︰哈哈,長期投資者呢個多幾好聽喎!
依家收埋收埋,過多幾年可能幾個開架!^_^

劉鄧︰大晦日同埋元旦仲有司機哥哥,應該仲有啲好嘢食嘅,不過之後就真係餐餐松屋吉野家喇~ ^t^
其實松屋吉野家我都好鍾意架!

意粉︰我地仲有份工每個月都有糧出已經算好好架喇,依家呢啲都係數字遊戲嚟啫~~

maymay︰大排檔你估平呀?不如去大 x 樂咁多個人叫一個火鍋,然後再買啲四寶丸呀烏冬算喇!^_^

largeheadboy said...

lala︰我呢度駛唔駛加番呢句呀?

投 資 涉 及 風 險 。 投 資 者 作 出 任 何 投 資 決 定 前 , 必 須 仔 細 考 慮 自 己 的 財 務 狀 況 及 投 資 目 標 。

Anonymous said...

一日唔賣,一日都係數字啫。

網主快啲整篇開心野,等大家笑下啦 ~~

largeheadboy said...

意粉︰簡直從善如流呀我!我都覺得搞到大家好灰咁,即刻整咗篇嘢出嚟,幾勁呀我!^t^

supageti said...

飽死 …