Wednesday, October 01, 2008

久休復出

過去幾個月在政府德政下,全港市民得以免費享用各大大小小文康設施,結果我們的周末羽毛球訓練班被逼叫停。今天十月一日,一切終於回復正常。

實在是太久沒有在周末打球,出門前花了不少時間才從雜物堆中找回球拍,然後走到街上又發覺忘記了沐浴露,唯有在球場附近的便利店買樽新的回來。



幾個月沒有跟一眾波友在球場上碰面,大家顯然都不在狀態,有人肚子比以前更加圓潤,有人打了不到半小時就宣告投降。不過沒有變的,就是仍是有人在我們都流了半公升汗水之後才施施然到來。幸好這天來了位精壯的新力軍,否則真不知道這兩個小時應該怎樣撐下去。



出了一身大汗,之後的節目當然是大吃大喝一頓,大伙兒拉大隊到伊呂波吃燒肉。五份套餐豐富的食物擠滿桌上,非常壯觀,可惜依然有人投訴飯太乾、菠菜有草青味、雞肉沒有味道、珈琲不熱兼且只有半杯……(下刪一千字)



這個月餘下的兩堂訓練班,大家都要がんばって啊!

20 comments:

rempei said...

原來我背影都唔差喎~~

Ellen老師 said...

夠有人煩住晒打波啦!

lau2tang said...

我本來有氣打波架~!
唔知邊個引人笑到手軟呢~

largeheadboy said...

rempei︰單靠背影唔得架,仲要正面都得先至稱得上帥哥架!

老師︰究竟係邊個煩住晒打波咁克人憎?

劉鄧︰究竟又有邊個引到你笑到手軟呢?
咦,係呢,日遊專家都話鐮倉大晦日好正架!

lau2tang said...

邊個日遊專家呀?
我無話唔去睇鐮倉大晦日喎,不過我排到去2010年啫。

Ellen老師 said...

係【前】日遊專家呀!
佢久休好耐,還未重出江湖~~

largeheadboy said...

劉鄧︰你咁樣講好唔尊重日遊界前輩喎!^_^
好,2010 年就去鐮倉,到時唔好又話去成田呀!

老師︰雖則係【前】,總叫做仲有啲影響力吖~~

歐巴桑 said...

你們真係好叻呀
莫講話打波
而家連跑也跑不動呀~

maymay said...

我食親野都講腹語架,幾叻!哈哈~~

聽日得閒就爆下醜聞先~~

largeheadboy said...

歐巴桑︰我地真係好叻架,啲骨頭開始硬都搏晒命打波!
追吓巴士喇得閒,你就會發現你嘅潛能架喇!^p^

maymay︰咦,乜原來咁多嘢講嗰個係你呀?
有乜醜聞爆呀?我光明正大喎!

意粉 said...

原來薯嘜都幾高大威猛喎,唔怪得有人覺得灰啦,哈哈 ~~

maymay said...

我係最老實果個~~

貝拉 said...

我都停左3個星期無做運動,前天做完,肌肉痛左2天. 燒肉好勁卡路里.

lau2tang said...

我要知道是那一位日遊專家,先可以尊重架~

largeheadboy said...

意粉︰不過你睇埋薯嘜正面先至決定邊個至係真正的帥哥喇~~ ^A^

maymay︰又老又實?嘩,走喇!^p^

貝拉︰你都唔駛專登做運動喇,得閒抬 25 kg 得閒又抬 40 kg 返過嚟都 keep 到 fit 喇!^c^

劉鄧︰一睇就知喇!我地咁多個喺佢面前邊個敢認日遊專家喎。

小彭 said...

我覺得午餐和宴好, 晚餐就伊呂波好.

largeheadboy said...

小彭︰我覺得伊呂波午餐嘅選擇多好多,吃得好開心,而且又冇和宴咁寡,不過和宴碟泡菜好鍾意!

紅米奇 said...

五份套餐擺上枱一定壯觀啦
一講羽毛球就諗起超級丹.... 勁 XD

roy said...

我覺得個燒肉定食幾抵食~

largeheadboy said...

紅米奇︰五份套餐直頭唔夠位擺添呀!^o^
話時話,我地嗰日就喺當日超級丹嚟香港表現嘅羽毛球場打波啊!

roy︰我覺得超級抵食添呀!^t^