Friday, October 10, 2008

大手入貨

原來低處真的未算低。

當這幾個星期什麼都跌了那麼多,各有關方面又做了那麼多,大家滿以為可以鬆一口氣之際,原來更兇更恐怖的還陸續有來。



我的身家應該蒸發了一大截,不過我實在沒有勇氣上網查看我現在的結餘還剩下多少。是你的始終是你的,不是你的你死攬着也沒有用。

雖然這一刻外面風大雨大,我今天還是義無反顧大手入了貨。

早幾天從紅米奇那裏知道 agnès b 的蛋糕買一送一,價位異常吸引,創出新低兼跌破 250 天平均線,於是這天下班後就親身跑到又一城的分店掃貨。本來只想買兩件試試反應,但看見現價格實在太吸引,最後還是很豪氣的買了六件回來。



今時今日,有多餘錢的,除了可以放在銀行安份守己賺那少得可憐的利息之外,就只有花在大吃大喝之上讓自己開懷一下。

25 comments:

lala said...

果然係炒家,蛋糕都唔放過.

Ellen老師 said...

下次,多餘錢花在大吃大喝之上的話,記住叫埋老師呀?唔該!

歐巴桑 said...

前兩日心血來潮想上網看看公積金蒸發了多少
點知忘掉密碼被鎖網上戶口
今次真係無眼睇啦:-p

意粉 said...

依排日日聽個跌字,其實都有啲驚驚地 ~~

大頭,有多餘錢都要慳啲洗。^^

maymay said...

呢間d缾唔好吃架~~

largeheadboy said...

lala︰總之有乜嘢沉底我就會即時入貨架喇!^t^

ellen︰我點會漏咗你吖!聽日唔好遲呀!^g^

歐巴桑︰唔睇好過睇呀有時真係,睇完冇晒心機就無謂喇~~
依家未嘗唔係好事啊!

意粉︰今日睇新聞見日本有保險公司申請破產,我就諗到如果東橫 inn 都有事就大鑊喇~~
我好慳架,今晚買咗包菇煮麵食(因為啲錢買晒蛋糕 lu ^p^)。

maymay︰唔係呀,今晚吃了兩件,都好好味呀~~依家好飽添!

意粉 said...

神經病 ~~

小彭 said...

食左落肚又真係好過人間蒸發.

光.軍 said...

估唔到你睇得咁準喎.襯低位入咗六件貨.再平的話不防再溝一溝貨喎 :P 可能一B還有一B低o架 :D~

roy said...

間餅鋪係咪晌agnes b入便?

紅米奇 said...

好鍾意呢句『大吃大喝之上讓自己開懷一下』
怕且我的股票要翻到成本價都又要N年後了,本應諗住15,000點就入貨溝溝佢, 但現在跌到14,xxx點時又唔咁入住, 股票呢家野真係比佢玩死 @-@, 所以食得是福, 都係食左佢益下自己個肚啦

largeheadboy said...

意粉︰我真係有啲擔心架,如果大吉利是去到發現佢地閉咗店冇地方住好陰功架。佢地又擴充得咁快~~ :p

小彭︰手頭上有嗰啲就狂跌,缺貨又要入嗰啲就“吧吧”聲咁升,真係好灰呀!
都係去 snoopy 飲杯珈琲仲好過~~ ^t^

光.軍︰現價應該見底架喇,因為個 promote 做埋下個禮拜就完,我會趁低價入多啲貨!^t^

roy︰係呀,不過係高啲嗰間 sports 入面。不過要用 AE 卡個 bor~

紅米奇︰睇個勢可能仲有排跌呀,都係睇定啲先好啊~
食咗佢開開心心好過日日擔驚受怕啊!

rempei said...

咩買一送一個promotion做到下個禮拜咩? 我好想試吓呢間d餅~~

largeheadboy said...

rempei︰做到禮拜三咋,有買趁手呀!我都問點解自己咁遲至知道~~ >_<

小妹 said...

損手爛腳我連$30兩件cake都唔捨得呀...陰功!
(細細聲)CX果張算不算AE架?

largeheadboy said...

小妹︰唔駛卅蚊,廿八蚊咋,計起上嚟 $14 件同美心差不多咋~~
我就係用 CX 張 AE 啊!時間無多呀!^_^

貝拉 said...

最後個段寫得好好,原來你也喜歡狂買的.

紅米奇 said...

好一句義無反顧入左貨, 你就醒啦, 升翻好多, 長線定短炒呀? 要諗諗佢播 haha

largeheadboy said...

貝拉︰我當然喜歡狂買喇,試問邊個唔鍾意呢?不過如果係特價嘅話就仲好啊!^f^

紅米奇︰如果我大手入咗 5 號仔呀就話醒啫,我啲蛋糕如果長揸唔知有冇人肯接呢?

意粉 said...

唔係吖,我覺得你都算幾慳家。

largeheadboy said...

意粉︰係呀,我好好仔嚟架!^t^

意粉 said...

有啲人真係唔讚得 ~~ 呵呵 ~~

largeheadboy said...

樓上嗰位其實會唔會係想寫︰
有啲人真係唔讚唔得~~

意粉 said...

有啲人真係唔打唔得就真 ~~

largeheadboy said...

意粉︰幾時得閒出嚟同我地食餐飯呀?到時你鐘意打又得讚又得!^_^