Sunday, December 21, 2008

十三年前

還記得十三年之前你在做什麼嗎?

一九九五年的很大部分時間,我都賦閒在家,沒有工作也沒有收入,閒時會跟朋友吃頓飯或者上上卡拉OK,其餘時間就只會躲在家裏收聽叱吒 903。原來那段日子,在我沒有為意的時候,美元兌日圓曾經上升到 86 日圓的高位。這樣大的經濟新聞,當時一定有很大篇幅的報道,可是那個時候我的心裏面跟本沒有“日本”這兩個字,所以日圓是高是低,跟本與我無關。

猶如時光倒流般,十三年後的今天日圓又再次回到 86 這個位置。這一次,我的神經實實在在給觸動了。雖然近一年來日圓兌港元逐步爬上七算的水平,我覺得勉強還可以接受。只是八算,又未免過分了一點。


很快就要展開第十三次日遊,個多星期前終於在忍無可忍下,以我認為很高的價位 8.48 買了些日圓回來,手頭上終於有足夠現鈔應付這次的行程。早幾天,同事說可以多讓些日圓給我,我見日圓還是繼續向上走,多買一些也無妨。經過一輪交涉,最後我以全包宴優惠價 2,688 元,換來了 32,000 円。豁出去吧,六變七的滋味早已嘗過,七變八又有什麼大不了?


很多東西都回不了從前,但原來日圓是例外的。

15 comments:

紅米奇 said...

你就好啦, 我都迫住要唱, 是8.73呀, 應該仲唔夠, 想再唱多少許, 希望低翻D比個希望啦

supageti said...

好在我仲有兩個幾月,希望有機會回番 ~ ^^

lala said...

放心啦,恆指有日會上得番三萬嘅,買定o的盈苦啦.

Ellen老師 said...

大頭~~
算吧啦!
即使兌9,一來到日本就好開心咁用,根本日本兌幾都沒理會過,豁左出去啦!老友~~~

largeheadboy said...

紅米奇︰你都剩返唔多日子咗喎~
唔記得聽邊個講,話日皇生日之後可能會跌返啲喎,信不信由你。你仲等到吖。

意粉︰兩個月,點都回返啲啩?不過你唔係仲有好多貨嘅咩?

lala︰我都有信心會上得返三萬,但係唔知幾時囉。我仲邊有閒錢吖,一係就畀啲澳元“責”住,一係就入晒円。

老師︰咁又係,過到去仲邊會留意啲外匯價錢吖,一萬円就係一萬円,right?
等我呀!我捱多三日就得架喇!

supageti said...

得番幾萬 Yen,連酒店錢都唔夠。

maymay said...

邊個傻仔肯咁平換d円俾你呀?^^

largeheadboy said...

意粉︰好似我咁晚晚住東橫 inn 咪夠囉~ ^t^

maymay︰唔好話人傻仔呀,佢都唔知幾好人幾偉大呀!我仲要買番包 wasabi 豆畀佢多謝佢呀!(佢會嚟呢度架 ^o^)

rempei said...

去到日本要兌左幾多洗幾多,唔係點洩僨呀!

joeyee said...

1995年...13年前...哈哈...
原來我已經...哈哈哈....

多謝你提醒我呀大頭仔!

largeheadboy said...

rempei︰哈哈!你真係好兄弟呀!好,一於咁做~ ^t^

joeyee︰13 年前發生過咩事呢你?唔通……

小彭 said...

1995年個段, 好似寫緊我咁嘅...
你仲有得住東橫, 都好有錢啦! 家下東橫我都覺得貴!

largeheadboy said...

小彭︰你當年又係遊手好閒不事生產嗎?咁,會唔會喺卡拉 ok 撞過你呢?
我今次住新開嘅宇都宮,平成三千円架,仲有幾日休日特價添哩!你啱啱去完依家又去,梗係要住平啲喇!^_^

小彭 said...

係呀. 除左唱K, 我仲去打波同種菜, 簡直係上等人生活呀!
我睇黎睇去, 都夾唔到新開嘅東橫, 大阪東橫又唔就腳, 換唔到會員証喇!

largeheadboy said...

小彭︰嘩!仲種埋菜咁犀利呀!
我今次係第一次係新開嘅東橫咋,用到個優惠好開心。我諗路過即使唔住都可以換證啩。試吓喇~