Sunday, April 26, 2009

五天精華遊之第三天加時十二碼

早兩天從松本到信濃大町時經過一個開滿櫻花的公園,那時候來不及按下相機快門,現在回程時怎樣也要把握機會把滿開的櫻花拍下來。不過,為什麼每次在電車上拍照,總是會遇上不通氣的電線杆呢?


返抵松本,我們先去意粉當年遊松本時也曾光顧過的どんぐり。我對這家和式洋食餐廳特別有印象,全因為當時意粉是以“大件夾抵食”來形容它。


我們看不懂餐牌的日文,隨便點了兩個附清湯、沙律和飲品的蛋包飯套餐,然後侍應送上什麼我們就吃什麼。吃到一半的時候,侍應又捧來另一碟飯,好像是說之前其中一碟搞錯了。在大家都無法溝通下,侍應放下第三碟飯就走了。就這樣,我們兩個人分享了三大碟飯。意粉果然沒有介紹錯,這店的確是“大件夾抵食”。


吃飽了,我們就以急步走到松本城,希望趕得及在八點半關門之前參加這年度最後一天的松本城夜櫻會(今年櫻花開得早,松本城夜櫻會在四月十六日就結束了,要是今年同一時間才遊松本,應該錯過了很多)。


松本城夜櫻會每年都會在櫻花滿開的那一個星期舉行,期間可以免費進入松本城的本丸庭園,不過天守閣當然就不能上去了。除了有賣豚汁和團子的攤檔外,夜櫻會還有我完全不懂欣賞的雅樂演奏表現。


或者是吃得太飽,但更可能是之前走得太急,偏偏在這個時候肚子痛起來,連帶慢慢細心拍夜櫻的心情也沒有了。看,沒有一張相片是拍得像樣的。橫豎早兩天已來過這裏看夜櫻,還是速速返回旅館吧!


問題解決了,見時間尚早,沒理由就留在房內看電視虛渡光陰,於是我們冒着寒風走到松本駅,查看明天開往下諏訪的電車會在哪個月台出發。


松本市入夜後很冷清,大部分商店一早就已經關門,我們唯有鑽進旅館旁邊也快要打烊的 mister donut 喝杯珈琲。這幾天 mister donut 有雙倍積分,於是我們就多買兩件冬甩,剛好得到足夠積分換了一套杯碟。


意猶未盡,臨睡前再來個甜品就心滿意足了。

16 comments:

lau2tang said...

做乜趕遊記呀?

小彭 said...

諗左好耐,呢個TRIP幾時架... 家下有番個分類, 都好D.

歐巴桑 said...

多吃壞肚皮呀~~呵呵!

lala said...

雅樂表演我都有睇,好有型呀!

largeheadboy said...

劉鄧︰都唔係趕嘅,其實呢日寫咗好耐但係未搞啲相所以咪放埋咗一邊,今日心血來潮就整埋佢~

小彭︰唔駛理邊次行程架喇,總之有遊記睇大家都會好開心架~
個分類確實好有用,遲下浮返歐洲遊記、年末年始同埋早春東京都可以一目了然。:p

歐巴桑︰咁三碟飯放喺面前又無理由唔食晒佢地架,尤其係我地身處好有衣食嘅日本添。諗返起嗰陣時真係飽得好過分。

lala︰我就覺得雅樂好惡聽,好似人地吹“啲打”咁。

maymay said...

突然間又轉左台嘅,好得閒牙?

唔好再食咁多喇,雙下巴兼大肚腩呀!

largeheadboy said...

maymay︰我呢度好多元化架嘛,內容仲好豐富添呀!^o^
係喇,條腰真係越來越粗,塊臉又越來越圓~

joeyee said...

噢! 原來已是一年前的事!

小彭 said...

我晌日本真係都好有衣食o架! 晌hk有時真係食唔落架.

largeheadboy said...

joeyee︰一年之後睇返一年前嘅遊記,感覺仲好 update 啊呵,仲緊貼住花期添呀!^t^

小彭︰你咁樣唔得個喎,要去到邊都要有衣食至得架!我喺香港時不時都負責清埋啲餸頭餸尾架~

supageti said...

咦 ~ 原來有我份 ga ~~

largeheadboy said...

意粉︰係呀!所以寫遊記真係可以造福後人架,等我快手埋咗呢個尾先~

rempei said...

係咪俾我講得你多,所以趁我出發前補充~~~(不過我估唔係多)

largeheadboy said...

rempei︰咪講笑呀,專登等你出發前搞好埋個松本架!仲有啲啲睇吓你等唔等到喇!:p

naruto said...

看不懂餐牌的日文.....你唔係苦讀咩?我就睇唔明啫

無得睇夜櫻㖭!

largeheadboy said...

naruto︰一年前我仲未開始苦讀嘛!不過就算依家我都唔會知道餐牌講乜~
夜櫻實有機會睇嘅,下年喇!^p^