Friday, December 04, 2009

決戰前夕

這個星期很戀家,除了星期一下班後到銅鑼灣打羽毛球之外,其餘每個晚上我都留在家裏做飯。

星期日
下午在半年一度的超市感謝日大出血後,晚上還是回到家裏吃不要再在外面花錢了。忌廉湯、凱撒沙律和明太子醬汁意粉雖然都不是什麼高級貨色,不過全都是我喜愛的。


星期二
購自日本用來混進白飯的野菜包剛剛過了期,大抵不會吃壞肚子吧!在香噴噴的熱飯再加上幾塊鹽漬三文魚,然後泡一碗味噌湯,感覺很日本啊!


星期三
這天的晚飯是少有的奢華,有北海道稚內產的巨型帶子刺身、快到賞味期限所以大特賣的澳洲青口,還有一大盤壽司和凱撒沙律。滿以為份量太多定會把食物吃剩,但三扒兩撥轉眼就全吃光了,還後悔沒有甜點作結。


星期四
意粉醬是我這個宅男家中必備的東西,有了它一頓豐富的晚餐通常不用半小時就搞妥。這晚的肉醬意粉超好吃,之後再來一個為了鬆弛熊而買的芝士撻。唔,這個冬天應該有足夠脂肪禦寒了。


星期五
可能是之前幾天的晚飯太叫人回味,這晚就來個集大成吧!除了 encore 的凱撒沙律、帶子刺身和野菜飯之外,還有新登場的鹵水汁雞翼。好了好了,終於可以解決長期霸佔冰箱一角的鹵水汁了。


整個星期都躲在家裏,理應是大好機會預備後天舉行的日語能力試,可是我似乎已經放棄了自己,這幾天完全沒有拿出已經塵封的日語書,昨天晚上還捲在被窩在沙發上動也不動看了兩個多小時電視。

星期日,一個手無寸鐵、疏於操練的死士即將步向戰場。

27 comments:

rempei said...

唓~~~仲大大聲話要揾書,本來想約上來我處打牌添~~~

喂~~盡最後努力啦!

小妹 said...

日日都以日本菜催谷, 考試都應該大丈夫啦~

rempei said...

佢咪剩係識食唔識講囉~~(其實我都係,嘻嘻)

supageti said...

照計依排仲係糧頭吖 ~~~

joeyee said...

努力呀! 祝你好運!
不過呢......我相信呢個世界係好公平架! ^^

largeheadboy said...

薯嘜︰第二日就考試,就算唔溫書走去打麻雀點都說唔過去吖。下個禮拜先喇,到時做乜都得呀~

小妹︰今次唔同喇,呢次應該唔會有乜野成效架喇~ >_<

意粉︰其實我依家已經唔駛理糧頭定糧尾,尤其係唔駛再供樓之後~

joeyee︰世界真係好公平架,所以我唔會期望今次會合格。去考,純粹因為係畀咗錢~

歐巴桑 said...

以前成績最好的幾個同學都堅稱自己上課打瞌睡放學吃喝玩樂不溫書的~~哈哈

maymay said...

d伙食都唔錯啊!
餐餐响屋企吃飯,慳埋咁多錢可以買個靚鑊啦~^^

lau2tang said...

Maymay,
其實你係咪有份副業係賣鑊架?

supageti said...

做左無數練習、模擬試題同 past paper 之後,發覺最容易既就係 past paper,只要稍為溫習下應該大丈夫。^^

雖然話世界好公平,不過我覺得傻人有傻福囉,哈哈!

Ellen老師 said...

撞2,3,命中率幾高呀!聽日試下啦!
傻人有傻福~~~咁天無眼囉!

naruto said...

我睇完只覺你抵死

largeheadboy said...

歐巴桑︰真係架,佢地成日話唔駛讀書又唔會死背書,但最後又次次考第一喎。不過可惜我唔係佢地囉~

maymay︰有時喺屋企食仲貴過出街架!
有閒錢我都用嚟買 yen 喇!

劉鄧︰maymay 副業點止賣鑊呀,佢仲係利苑呀梅酒呀帝苑間越南餐廳嘅代言人,最近仲做埋高山嘅代言人添~

意粉︰頭先望過啲 past paper,深到吖~
傻人有傻福,都啱嘅,不過啲福唔會喺係試場上面囉!

老師︰2 同埋 3,好,等我記住先。不過我驚我撞 2 佢其實係 3,然後撞 3 又其實係 2~

naruto︰講得好呀!今時今日搞到咁都係我一手一腳造成架!繼續鬧喇!

小彭 said...

其實唔識咪撞2又或3, 不過要揀定1個, 唔好又2又3呀! 你手無串鐵, 不過有支鉛筆揸手都好過無啦, 仲應該有粒擦膠!

lala said...

我 ... 仲未想訓 ...

largeheadboy said...

小彭︰唉,有鉛筆有擦膠都無用喇依家。不過快啲過埋呢個下晝都好,咁我就可以完完全全放低呢件包袱~

lala︰考緊喇你,唔會無精神吖嘛你咁夜都未瞓~

supageti said...

尋晚成兩點先上床,不過都要碌左一陣先瞓得著 ~~ ^^

largeheadboy said...

我尋晚十一點半就瞓咗,超眼瞓呀~

maymay said...

考成典呀?

小彭 said...

點解係個包袱呀? 講日本語(特別晌日本嘅時候)可以係一件好開心嘅事!

largeheadboy said...

maymay︰啲人成日話四級好容易一定唔會唔合格,對有溫習嘅人嚟講當然係,不過對我呢啲尋晚至攞本書嚟睇嘅,合格實在係太遙遠嘅事。都係嗰句,只可以怪自己太懶~

小彭︰終於都一了百了!讀呢轉日文當中,我好明白到我係一個已經唔可能再專心用功嘅一個人,又或者,從小到大我根本就未用功過。喺日本,我都係會繼續淨係講すみません架咋~
好彩無乜撞 2 同 3 咋,頭四題都係 1 呀,如果我無錯嘅話~ :p

naruto said...

你連去考試呢篇都唔寫呀?

largeheadboy said...

naruto︰係喇,又成日話無野寫喎,依家有咁好題材又唔攞嚟寫喎!:p

小頭 said...

聽住先啦,遲下大頭哥可能又報喜話 pass 左,於是在朋友慫恿下又繼續讀下去...

galaxy said...

咦~~~睇落有D功夫喎!!!

rempei said...

我揾您打牌都唔去,睇黎頗為用功的,如果咁都係唔合格,就真係唔底喇呵~~

largeheadboy said...

小頭︰pass 的話我就要請食飯大排延席慶祝啊!
自己知自己事,我唔想成日都有樣野牽掛住喇~

galaxy︰你話我廚藝唔錯呀?係呀,我有時都覺得自己唔差架!^t^

薯嘜︰唔合格係正常合格至唔正常呀!
牌,幾時打都得喇!:p