Wednesday, April 14, 2010

灣仔之友懷舊夜

不經不覺,灣仔之友已經組成了兩三年,曾幾何時總算紅透灣仔大佛口一帶,方圓五十米之內無人不識無人不曉。可惜這段咤吒風雲的日子來得快也離得快,近來灣仔之友的聲勢已經大大不復當年,成員走的走、淡出的淡出,更有遠走他方尋找更理想的發展,可謂名存實亡、無以為繼。這晚,灣仔之友難得再次聚首一堂,一起懷緬過去的光輝歲月。

重點是這晚只有三隻酒杯。


重點是超好味的蝦頭味噌湯。


另外兩位灣仔之友日前分別從台灣和日本登台回來,幸好還沒有忘記久未發市的我,給我送上當地的特產,就此謝過。


身處其中一位灣仔之友的飯堂,怎可能沒有店家送贈的甜品呢?原來灣仔之友的影響力曾經一度超越灣仔。


下次灣仔之友全體成員聚會的日子,會不會是在一年之後?

25 comments:

小彭 said...

陀飛輪~
有d感觸添~
手信有iphone 3gs, 嘩!

largeheadboy said...

小彭︰以前幾風光啊呵~
我有思覺失調,成日幻想有人會送部 3 豬過我吖嘛~

supageti said...

哇 ~ 成箱台灣柑呀 ~~~

maymay said...

依家開始召集,就唔駛等一年咁耐啦,除非有人又話突然要整熱水爐......

naruto said...

有D咪就係成日怨囉

送你”小團圓“

一起約好過年
缺席人物 多於往年

只能齊集 仍在的臉
趕快地拍下照片
你要記 記住這歡聚 而不是太短

Ellen老師 said...

意粉姨想要成箱台灣柑呀?
我有幾箱,送箱你啦!哈哈

lala said...

唔使成年下化,唔係攪東京懷舊之旅咩?

largeheadboy said...

意粉︰仲有成箱荔枝成箱提子添呀~

maymay︰都未必架,又或者有人屋企爆渠哩~

naruto︰歌詞幾好。淨係睇個名我仲以為係張愛玲本書。呢首歌未聽過,同時代脫晒節呀我,呢啲咪又成日怨囉~ ^t^

老師︰你都有呀,下次攞出嚟一齊慢慢嘆喇!

lala︰有人夠話整個 blog 但係都仲未有件事咯~

lala said...

整左架喇,未得閒貼野之嘛,今個禮拜尾啦。

小彭 said...

IVANA嘅歌真係幾好聽!
搵日要去灣仔行下先得... 我今晚又去荃灣懷緬下以前d風光日子~

largeheadboy said...

lala︰咁我等住睇呀吓~

小彭︰ivana 我仲聽緊佢同張敬軒合唱嗰首~
唔,對我嚟講,灣仔唔駛搵日,荃灣就要喇~

正宗灣仔之友 said...

唉...只有我仍然死守灣仔囉...(愁)
果間原來是明愛開的賓館, 月租要成$9xxx呀~

老師 : 幣...

largeheadboy said...

呀灣仔之友,我都仲死守灣仔隔離呀,差兩步啫~
$9xxx?我都係每日天濛光出門口轉幾輪返工算喇!
唔,我知乜事喇......

小頭 said...

我這個老餅,覺得友情歲月都好啱...

消失的光陰散在風裡 彷彿想不起再面對
流浪日子 你在伴隨 有緣再聚

天真的聲音已在減退 彼此為著目標相距
凝望夜空 往日飯堂 腩部脂肪囤聚

來忘掉錯對 來懷念過去
曾共渡覓食日子總有樂趣
不相信會絕望 不感覺到躊躇
在美味裡競爭 每日拚命進取

奔波的風雨裡 不羈的醒與醉
所有故事像已發生飄泊歲月裡
風吹過已靜下 將心意再還誰
讓眼淚已帶走夜憔悴

largeheadboy said...

小頭︰咁灣仔之友又無古惑仔浩男佢地咁風雲,不過腩部脂肪囤聚又真係幾啱,至少係我喇!

lala said...

雖然一打開都仲係呢篇,不過睇落都仲咁好笑。

largeheadboy said...

lala︰好忙啊呢排,而且又好懶~
我知你得閒有嚟探我架!每次我去我左手邊嗰個地圖,見到有人來自 nakagyo-ku, kyoto,就知係你嚟架喇!

lala said...

無所遁形!不過我可以轉一轉個IP呃下人,日本唔準去Youku同Tudou架,講明你個region唔去得呢o的site,要做少少手腳先可以online睇日劇。

largeheadboy said...

lala︰你駛乜跨牆睇日劇呀,現場睇咪得囉!話時話,土豆真係睇得好開心架~

lala said...

我覺得Youku有時快o的,我要睇有字幕架!

largeheadboy said...

仲睇咩字幕吖,當做聽解練習喇~
我依家開始睇第六季《絕望的主婦》,有雙語字幕架土豆,好正呀~

小彭 said...

嗚~
南瓜饅頭師傅暫別飯堂~
串燒又暫停, 要過一兩個星期先有~

largeheadboy said...

南瓜饅頭我記得係第一次去嘅時候食過~
串燒去食乳豬嗰度食吖,都好正架!

lala said...

《絕望的主婦》我甩左好耐。

largeheadboy said...

《絕望的主婦》一直都戒唔到
仲覺得越來越好睇添
之前每個禮拜上 tvb.com 重溫的日子幾時再返嚟呢~~