Tuesday, May 04, 2010

從A到B

本來無一物,何處惹塵埃。今天的舊居已經面目全非,塵土飛揚。


可惡的管理處居然斗膽指名道姓向全幢大廈的人宣布我的家正在裝修,害我這天來回了幾轉管理處。不過,親愛的左鄰右里,這陣子還是要辛苦你們了。


中轉屋算是很快就適應過來,只是外面環境吵了點,但今天我還是睡到九點鐘才起床。


這裏交通非常方便,夜了搭的士回家也不會太肉痛;美食也多不勝數,昨天吃了泰國菜,今天改吃韓國菜。


兩個月之後,我會捨不得這間中轉屋嗎?

23 comments:

supageti said...

間房好似好窄喎 ~~ 今日仲放假咩?

小彭 said...

係咪o個間外賣店?
呢兩個月麻煩你發掘一下, 話我知呢頭有咩食啦!

largeheadboy said...

意粉︰都可以架喇,仲大個我自己屋企嘅睡房添。諗住搬屋搞一日未必得,所以咪攞咗兩日囉,點知尋日乜都搞好晒,所以其實今日可以唔駛放~

小彭︰係你介紹嗰間呀,唔係我邊識。街坊,你住呢頭咁多年,唔好耍我喎!

歐巴桑 said...

從前住市區的時候常常賴床搞到動不動就乘的士上班
住得遠反而比從前準時起來呢

小妹 said...

哎呀~ 早兩日我先叫過小彭帶我去食, 果間外賣店咋! 不過我同佢講我要食辣腸粉...

naruto said...

中轉屋個冷氣著左喎,咁快就開?

largeheadboy said...

歐巴桑︰係喇,人就係有呢種惰性~
今日係中轉屋第一個上班日,半個鐘多啲就返到公司,真係幾爽!

小妹︰嗰啲係辣腸粉嚟架?我仲以為係腸仔添。我尋日食嗰啲太卷唔錯呀~

naruto︰咁都畀你留意到。出面好嘈,開冷氣會好啲,尋晚焗住都要開冷氣瞓。

supageti said...

水電煤唔係全包嫁咩?開冷氣好瞓啲呀 ~~~

lau2tang said...

以你個性格,應該唔會唔捨得中轉屋囉~

maymay said...

做乜舊屋幅牆污糟成貢架~@@

maymay said...

有間咁正嘅中轉屋真係幸福呀,
我上次果間簡直唔係人住架~~~

ROY said...

呀...乜管理處會出通告邊間裝修架咩?

間中轉屋擺唔擺得落張麻雀檯同四張櫈先?

Rempei said...

嘩~~你平時放假有無打掃吓屋企架?你舊居又真係dirty左D喎,好似係地盤的貨櫃屋咁~~~

去中轉屋住咪當往緊東橫inn囉,佈局一樣!

largeheadboy said...

意粉︰除咗電之外乜都包,所以冷氣唔可以長開。尋晚開住瞓就唔係好太覺出面啲車聲。

劉鄧︰呢度嘅交通同埋飲飲食食贏晒,不過當然自己屋企永遠都自在得多。

maymay︰唉,今年濕成咁,道牆發晒霉,抹完又出現返,之後決定裝修,就索性由得佢喇!
有得上網我就得架喇,所以我對呢間中轉屋都好滿意。你上次嗰間裝潢都好特別吖~

roy︰會架,佢地會貼出嚟邊層單位裝緊修,但就唔會好似我咁寫明埋邊個單位出嚟囉。
唔,中轉屋絕對容納到麻雀檯同四張櫈,個間局直頭同間雀房無分別呀!

ken san︰呢半年間屋突然殘得好明顯,唔係我都唔咁心急要搞裝修,睇嚟以後要搵人清潔,keep 住乾淨。
話時話,依家真係幾有東橫 inn feel 架,返嚟之前仲點都會行一陣便利店添~

小彭 said...

我未食過o個間韓國野o個喎, 只係見過佢條人龍咋! 我食開嘅地方, 兩隻手數晒架喇!
呢個係太卷? er...

largeheadboy said...

小彭︰我嗰晚唔駛排咁濟,話買就買,下次再試下其他先。你又快啲試下喇!
我自己由佢做太卷咋,我唔知佢地係咪真係咁叫。

maymay said...

犀利哥好番未呀?
今晚又去左邊度流浪呀?

largeheadboy said...

maymay︰好返啲啲喇,不過仲有幾聲咳~
你出去行下油尖旺隨時都見到我架喇!

紅米奇 said...

有幾聲咳仲走去油尖旺, 空氣差喎
去D郊外地區吸下新鮮空氣嘛, 例如:輕井沢 XD

largeheadboy said...

紅米奇︰我間中轉屋空氣仲差呀陰功~
唔好引我喇輕井沢,嗚~~~

Rempei said...

D咳好返未呀?

maymay said...

獨居老人去左邊?
應下人啦,你唔係咩野左吖嘛~~

largeheadboy said...

薯嘜︰仲未好返呀!咳咗成個禮拜都未好~

Maymay︰住咗中轉屋成個人好灰,乜野心機都冇晒呀!