Thursday, May 13, 2010

中轉屋生活

在中轉屋的生活已經踏進第二個星期,我已經習慣晚上到附近的泰國餐廳吃泰式炒飯然後到超市買兩瓶 1.5 公升礦泉水;把堆積了幾天滿是汗臭的衣服拿去洗衣店清洗;睡覺前把雪櫃的電源拔掉;把窗戶緊緊關上只剩下半掩的浴室門好保持空氣流通;看過《飛女正傳》再看《千奇百趣香港地》和《晚間新聞》才睡覺。可是,這些都不是我一直所追求的。


今天下午回到自己的老家查看裝修工作的進展。跟上星期六上去時看見什麼都給拆掉相比,這幾天進度好像慢起來。廚房和浴室的地台算是平整好了,假天花也弄得七七八八,師傅說晚一點會送來地磚和窗框,明天應該可以舖地磚和裝上窗框。


這晚回到中轉屋,沒有把燈亮起來,只有讓外面昏黃的街燈射進這個不屬於我的空間。

24 comments:

小彭 said...

咁一定唔會唔捨得中轉屋啦, 咁咪好囉!
飯堂附近d泰國野ok喎!

lau2tang said...

死囉~
容乜易屈病架!

紅米奇 said...

點解瞓前要關雪櫃?

naruto said...

中轉屋喺邊區架?

ROY said...

睇黎真係要晌中轉屋打番幾圈搞旺佢~

supageti said...

豪裝喎!個雪櫃好嘈牙?

歐巴桑 said...

嘈都要開少少窗呀
空氣唔流通就病極都唔好啦~

maymay said...

比起我果間迷幻的綠,呢間中轉屋已經唔錯呀,起碼廁所冇漏水,又有得上網,周圍又多好野食.......

唔駛咁灰喎,整完靚靚就好開心架喇~^^

唔好咁慳電費啦,光光猛猛個人至精神架。

小妹 said...

無聊咪 call o下街坊食宵夜囉~
駛唔駛過來探下你呀? 我想食辣腸粉哦!
呀~ 你咳緊喎...咪再食泰國o野啦.

largeheadboy said...

小彭︰中轉屋會唔捨得佢個位置囉剩係,半個鐘就坐定定喺公司喇!飯堂行前啲嗰間泰國野食過一次下午茶,但係印象麻麻,唔知係咪你講嗰間呢?

劉鄧︰所以咳咗成個禮拜仲未有好嘅迹象囉~

紅米奇︰個雪櫃一陣間就會好似煲水咁“古古”聲,半夜瞓覺嗰陣特別覺,橫掂又無乜野放,咪索性唔插插蘇囉。

naruto︰都話紅磡咯,係咪想過嚟搵我食飯啫~

roy︰不過要抽一張枱、三張椅同埋一副麻雀上嚟喎,我無問題呀,等你呀吓~

意粉︰邊算豪裝,係大裝咋~
個雪櫃真係好嘈,依家就一天都光晒喇!

歐巴桑︰有條小隙仔架個浴室!開埋個窗嘈到個人好心煩,電視又要開到好大聲,一樣都好唔舒服啊~

maymay︰咁我都應該好過你當年嘅!依家好明白你當年點解冇晒心機閉關唔肯出嚟。我只希望間屋整得妥妥當當,唔好太多煩野就好喇~
唔開燈都夠夠地光架,仲有埋電視光哩!都唔知幾有朝偉喺《阿飛正傳》嘅 feel 呀都咪話!

小妹︰街坊夜收工嘛,我都係等佢 call 喇!不過話時話佢真係 call 過我喎,不過我就啱啱沖咗涼!
韓國野有老鼠呀尋晚,嚇到啲呀姐喺度尖叫,搞到我即刻兜路走呀!泰國野 ok 呀,香茅雞翼竟然 $28 有八隻喎!

naruto said...

紅磡咁遠,呵呵

係都喺你番屋果頭啦

Rempei said...

似足獨居長者生活噃~~~陰公咯~~~

lau2tang said...

薯嘜,
佢實習定都啱架喇~

largeheadboy said...

naruto︰係返工嗰頭啊呵~

ken san︰點止似呀,直頭係獨居長者生活喇!

劉鄧︰諗起都幾悲哀啊呵~

lau2tang said...

係架~
都叫你搬黎元朗啦,等我得閒可以探吓你、挽壺湯畀你呢個獨居長者!

largeheadboy said...

劉鄧︰我有話直頭上去劉公館住架,你唔招呼我之嘛~

小彭 said...

好早打比你架, 你唔聽我電話咋嘛~
我要食$28八隻雞翼呀!
去鴻福堂買個花膠海底椰川貝咩咩湯飲啦, "止咳"架! 飲落真係有川貝苦苦地個種味架!

largeheadboy said...

堂主︰係,係我唔啱~
早幾日去咗韓國野直行有間甜品鋪,要咗個番薯糖水加湯圓,都好薑呀!
今晚呀媽專登煲咗川貝雪梨過我,睇嚟要試下呢個花膠海底椰川貝,好似好有效喎個名。
雞翼原來係翻叮架尋晚發現,不過有八隻真係好過分呀!

lau2tang said...

我記得!我有叫你交租架,係你唔睬我之嘛。

largeheadboy said...

劉鄧︰咁依家仲受唔受租呀?

lau2tang said...

無喇~
租出了!

largeheadboy said...

啊!原本畀我瞓間房畀咗第二個!

maymay said...

劉鄧家陣一家四口架,仲邊有地方你瞓呀哥仔~~~

largeheadboy said...

咁我瞓廚櫃頂囉~