Thursday, May 20, 2010

離家出走

我會歸咎於中轉屋空氣差、不太利我,與我的八字相沖,害我咳了大半個月還沒有好過來。所以,這天我決定離家出走,離開一下這個鬼地方。不過之前,我還是到醫務所走了一轉。


蚵仔煎、珍珠奶茶、炸雞排、魷魚羹、大香腸、生煎包、藥燉排骨、生炒花枝,我跟你們有緣無份呀!

20 comments:

maymay said...

咁遠水路去到,食左先算啦,食完再食藥囉~
盡情吃喝玩樂啊老友~~

supageti said...

我唔信你忍得住囉 ~~~~~ :P

naruto said...

藥燉排骨食得喎,不過你八字可能同排骨相沖

galaxy said...

係o個 D 煎炸濕熱的食物累事就真 !

lau2tang said...

嚴格黎講,嗰個唔係「家」囉~
祝旅途愉快!

小彭 said...

咁我病歸咎於有D人搬左黎紅磡, 影響成個區... 你轉個運先好返黎啊! 係有D野唔食得姐, 仲有好多野食呀, 唔好為難個領隊喎, 咩都話唔食!

歐巴桑 said...

想吃就吃啦!
說不定負負得正呢^o^

紅米奇 said...

轉運都搞到搭飛機呀,飛轉好運歸來, 到時過多D料黎啦, 我都口痕呀, 話時話, 住呢間酒店 ^^

小妹 said...

唔緊要啦, 仲有牛肉麵食丫. 唔, 紅燒多數辣辣地...咁, 叫清湯啦!

ROY said...

有無得轉房呀?轉個方向可能有幫助喎~
凍奶茶好惹咳架~

lala said...

轉運唔係應該去日本咩 ......

largeheadboy said...

maymay︰你真知我為人,我今晚又去睇完醫生返嚟喇~

意粉︰你都好知我為人,咁多野食,典忍呀!

naruto︰可能真係同八字相沖呀,全程都冇食排骨啊!

劉鄧︰唔駛嚴格唔嚴格,呢個直頭唔係我嘅家呀!今晚又去完舊居睇進度,直頭唔想走啊~

galaxy︰只怪我一向都忍唔到口又唔戒口囉~

小彭︰你又病呀?一定係我成日喺你樓下行嚟行走喇!呢幾日我唔喺附近有冇見好啲呀?

歐巴桑︰呃人架負負得正,兩個負只有更大嘅負架咋,咳到我顛呀呢幾日~

紅米奇︰可惜好運仲未返嚟啊!我地住喜瑞飯店,個樣幾得,懶 hip 咁,不過啲房唔係好隔聲囉。去喇你又~

小妹︰得嗰三日,其實 quota 好有限呀,連牛肉麵都冇食到啊!

roy︰你講中轉屋?冇得轉架喇應該~
好耐冇飲 CT 喇,不過熱嘅仲有飲囉~

lala︰所以咪仲未轉到運囉,早知就去京都喇!

小彭 said...

我有排都未好得晒啦... 有無飲下湯, 尋日見鴻福堂有兩款川貝湯都應該啱你, 紅磡o個間晌火車站, 我個新蒲店, 全家都係靠晒佢.
最衰附近間京都大酒樓改左名, 如果唔係我地搵晚去食飯轉一轉運~

小頭 said...

大頭哥好番些少無?
今期飲食男女介紹來自信州的木蜜瓜,化痰止咳喎...
返娘家飲多些湯水啦,多點休息,保重身體呀。

largeheadboy said...

小彭︰唔好咁講,話唔定今晚好好瞓一覺聽朝就精神爽利哩!鴻福堂啲湯要自己返嚟整返熱個呵?中轉屋冇加熱設施呀,凍湯唔知功效差幾遠呢~
咁唔好去京都囉,試下行多幾步去加太賀睇下得唔得囉~

小頭︰今晚返完娘家嚟喇,不過無湯水啊~
發燒呀雙腿乏力呀依定,啱啱食咗六粒藥丸加喉糖加藥水,醫生話開啲勁啲畀我囉喎。我唔好意思又攞病假,今個五月我已經放咗三日病假喇,人地會懷疑我詐病架~
信州?咁要轉移陣地去信州喇!

supageti said...

你買左叫佢幫你叮熱先拎走囉,飲多啲清潤湯水會快好啲 ~~

小彭 said...

o個間鴻福堂有堂食, 亦有熱湯拎走架. 如果唔晌個度即飲, 我建議你要熱GE原包拎走返去先倒出黎飲, 咁就唔怕倒瀉, 叫佢比埋湯杯喎.(平時我拎凍佢都問我要唔要杯)

加太賀? 好呀好呀, 等人提議去都唔知幾耐喇!

largeheadboy said...

意粉︰今晚喺茶餐廳飲咗個唔知乜東東嘅例湯,唔知有冇幫助呢?

小彭︰謝謝你咁關心我呀,巧簡動呀!搵日真係要去買個湯飲下至得,之後仲可以順路買埋韓國野食~
都話你有上過獎門人架喇,你梗係有好多加太賀現金券喇~

小彭 said...

點止呀, 仲隨身帶住成疊鴻福堂湯券...
我病呀呢輪, 完全知道飲啖湯o個重要, 不過你個茶餐廳例湯... call我可能幫到你, 我雪櫃要keep住有兩三種湯先安心.

largeheadboy said...

小彭︰其實我都有一張鴻福堂湯券,不過搬屋前唔知放咗去邊~
call 你有湯水速遞服務咁開心呀?^t^