Sunday, August 08, 2010

俱往矣

搬回舊居已經一個月,可是到了今天我還沒有把散落在家中各個角落的東西收拾好。這個周末,總算立下決心,把一兩袋東西放到應該屬於它們的地方,其中包括把十多條領帶放進衣櫃裏去。



曾幾何時,每天上班總要結上領帶。我還記得初來這個辦公室,有一天沒有結領帶,旋即就被上司召見,叮囑我這裏的 dress code,害我午飯時立即買一條領帶回來。於是打從那天開始,不論春夏秋冬,領帶成為我的上班衣著的一部分,我開始為我衣櫃添置一條又一條領帶,有些甚至是從日本的 100 円店買回來。漸漸地,我習慣了被領帶緊扣着頸項的感覺。

然後過了一些日子,可以不用再結領帶上班了。起初我有點兒不習慣,總覺得身上欠缺了一些東西,身體多了些地方暴露在別人目光之前。間中有一兩天,我還是會如常結領帶上班。當然,不用過了多久,我又習慣了沒有領帶那無拘無束的日子。原來,很多你以為自己適應不來的東西,慢慢都會習慣過來。

看着這些擺放整齊的領帶,我在想不知道哪一天我又會把它們繫在頸上。

22 comments:

紅米奇 said...

似乎仲有5個位置, 應該要買翻5條呀
仲唔快D去日本100yen shop買
哈! 我都有買過100yen的領帶給爸爸, 款式OK架 XD

largeheadboy said...

紅米奇︰應該都唔駛點打,唔會再買喇!100 円店嗰啲真係唔差架,最左下嗰條就係,不過就仲未打過!
100 円店嘅呔直頭係手信佳品呀~

supageti said...

唔打就劈左佢啦 ~~~ 香港地地方最矜貴  ~~~

naruto said...

完全同樓上所寫一樣,唔用就掉,留一條看門呵就夠

maymay said...

我最近都劈左好多野。

我家裝修後,劉鄧曾經跟我講過"習慣說",果然是至理名言,你很快便會習慣下來。

不過,唔要嘅野唔好再眷戀喇,劈左佢啦,盞封塵架啫~~

光.軍 said...

我都有好多"沒有再打的呔"在櫃筒。真係拋棄容易,留下更難...

歐巴桑 said...

有斜紋又有圓點wor^O^

largeheadboy said...

意粉︰咁個衣櫃做咗咁樣一格格,唔放呔就唔知放乜喎!

naruto︰唔掉得架佢地,有啲係名牌幾百蚊一條、有啲又係人地送,點樣都叫做有啲簡情架嘛~

maymay︰其實都啱嘅,有一排無用嘅野真係可以掉咗佢,但係有時又談何容易呢?你咁多隻鑊點都有一兩隻冇用一年半載喇,你都唔會話掉就掉喇~

光.軍︰有啲野唔掉得就唔掉得,放不低就放不低~

歐巴桑︰因為我個人又細心又斯文又決斷吖嘛,哈哈!

supageti said...

晨早流流就想嘔 ~~~ :p

maymay said...

我d鑊送晒俾人喇,剩番一隻自已用咋~

largeheadboy said...

意粉︰咁斜紋代表細心斯文,圓點代表決斷吖嘛~

maymay︰又唔見你送畀我?又呷醋先!

supageti said...

送畀你咪盞嘥 ~~~~

Rempei said...

為了環保,以往每日上班總要結上領帶的日子已經過去最小5年了

largeheadboy said...

意粉︰我都嘥咗唔少野唔爭在嚟多樣囉~

薯嘜︰我都係大概五年前唔駛再打呔喎!呢個天時要打呔返工真係好辛苦,之前我多數返到公司先打呔,喺太陽下喺街度行好陰功啊!

galaxy said...

我的領帶已舖塵,有宴會時拿出來要拍塵才能用,哈哈~~

largeheadboy said...

galaxy︰收埋佢入櫃吖嘛!我之前都掛咗一條呔出嚟,名副其實真係封晒塵,早排裝修時就索性掉咗佢~

supageti said...

梗係 9 月 ~ 越快越好!雖然 11 月有紅葉 ~~~ :P

Rempei said...

我連冬天都唔會打呔, 如果突然要打返呔返工,咁就慘lu~~~

小彭 said...

俱往矣... 呢3粒字好沉重...

largeheadboy said...

意粉︰講中咗一半,另一個月份~係另外一件事~

薯嘜︰如果依家要打返呔一定好唔聚財,好彩應該唔會返轉頭。

小彭︰唉,呢三粒字近期成日掛在口邊~

小妹 said...

我...只想叫你調白平衡...

largeheadboy said...

小妹︰我好耐冇用相機影相喇,依家多數用手機隨便影,冇乜講究啊~