Wednesday, August 11, 2010

大人の休日

2010 的夏天沒多久就會走到盡頭,但這幾個月來我一直為裝修的大大小小事情忙過不停,沒有好好放過假,細看藍天白雲和一望無際的大海。如果現在突如其來有一個星期假期,我應該到哪裏走呢?

Day 1
到靜岡看 18 米高的高達,然後還可以順道探訪櫻桃小丸子一家人。




Day 2
一月天氣還是冷冰冰的時候到過岡山後樂園,不知道熱辣辣的後樂園又會是什麼模樣?


Day 3
在 30 度的氣溫下在尾道窄窄長長的坂道中亂闖,應該會大汗淋漓吧!


Day 4
踏着單車穿越しまなみ海道,看着一座又一座大橋和一個又一個小島,絕對是件爽透的事。


Day 5
炎炎夏日,在道後溫泉泡熱湯中暑的百分率有多高呢?

Day 6
既畏高又怕水的我長途跋涉走去看鳴門旋渦,會是種享受嗎?


Day 7
不如花半天到高尾山,在仍然是很翠綠的山頭遠眺東京,看看這個大都會的另一面。


請容許我繼續造夢下去。

46 comments:

lau2tang said...

呢個月行呢條線,中暑機率係超高~

小頭 said...

駛 mud 發夢呢,傳說中大頭哥仲有三十萬円,快快起程啦

lau2tang said...

唔係傳說,係真有其事~
推多一把,今日priceline出了東京package,坐日航或都香港航空都係只需2,999起~

小妹 said...

唔...好明顯, 我想你都快會出機票了!

largeheadboy said...

劉鄧︰唔會咁邪卦我諗,我都試過七月喺美瑛踩咗一日單車,係變咗炭燒麵包啫~
priceline 呢個 package 出咗幾日架喇,實不相瞞,我就係買咗呢個 package。

小頭︰我返數過喇,原來無三十萬,得廿七八萬咋,希望夠駛喇!
我決定買張全國證呀!follow me la~

小妹︰小妹果然明察秋毫,不過唔係就快,係已經出咗喇~

naruto said...

咁貴都捨得去,好!

supageti said...

都話帥哥腰纏萬貫啦,哈哈!

largeheadboy said...

naruto︰咁我仲有幾廿萬円 cash 吖嘛!哈哈!

意粉︰仲大頭過我喎~
呢次會一鋪清袋架喇,之後就兩袖清風。

maymay said...

九月?十月?
又去後樂園做乜?

supageti said...

師妹:帥哥買全國趴士仲唔行鑊甘咩?:p

lau2tang said...

咁坐日航定係香港航空?

largeheadboy said...

maymay︰我幾鐘意後樂園吖嘛,有機會都想見下秋天嘅佢~

意粉︰梗係,有張 pass 我就萬能架喇!

劉鄧︰坐日航呀,飛羽田成田返玩足七日呀!兩晚酒店可以分開住,我就一頭一尾,中間就四圍去囉!仲未落實行程,到時或者要你幫手訂房(貪你啲分嘛)~

ROY said...

凌晨機去?
有幾日行程真係會曬屎人架喎...

lau2tang said...

都估到你無好嘢搵我架啦~

largeheadboy said...

roy︰凌晨機呀!所以咪諗住落咗機出咗 pass 就直落靜岡囉~
我 31 號至飛,都應該仲有成卅度 @_@

劉鄧︰我仲未砌好個行程,定好就搵你~ :p
不過今日都訂咗一晚岡山東橫 inn 先,9 月 7 日岡山駅東口有新店,住唔到平房添~

Rempei said...

我都好想飛呀~~機票咁平~~

maymay said...

劉鄧呀劉鄧,唔好俾晒d分大頭人,留番d俾我呀))))))))))

largeheadboy said...

薯嘜︰咁就飛一轉喇,係円貴啲啲之嘛!

maymay︰我緊急啲喎,況且我年中都有貢獻啲分畀劉鄧,所以劉鄧一鋪清晒畀我得架喇!

lau2tang said...

睇吓邊個對我好啲,我就畀的分邊個啦~

TY said...

路過..
誠意推介 Renaissance Naruto Resort...今年四月係果度住過, 唔係好新, 但係夜晚有阿波舞睇,有好味自助餐, 免費學整手打烏冬,仲要有免費shuttle bus車你去鳴門大橋睇漩渦..
同埋最重要係平, 一個人約一萬YEN (樂天價).

岡山後樂園都真係幾靚..我諗紅葉時有另一番景緻!

娜娜 said...

呢個星期京都已經冇咁熱,相信其他地方都差唔多,我諗你要持續中暑呢個願望有D難。

galaxy said...

就算識游水,跌落個旋渦都一樣死緊。
自殺聖地 ?!

largeheadboy said...

劉鄧︰團長應該心裏有數知道邊個對你好啲架喇~ :p

TY︰謝謝你的建議!經你咁講又見間 Renaissance Naruto Resort 好唔錯,本來已經放棄咗鳴門依家應該會住一晚。jalan 仲有包埋神戶嘅送迎巴士都係 13,000 円添,非常順路啊!真係非常感謝你~
之後第二日會去金刀比羅宮然後下一日就去踩單車。

娜娜︰咁快就開始冇咁熱喇!香港呢度仲熱到傻。唔知有冇時間停京都呢?

galaxy︰畀你咁講完都覺得可能有人會喺嗰度尋短個喎,驚驚~

ROY said...

去埋神戶睇鐵人28啦
http://www.kobe-tetsujin.com/index.html

金戶比羅宮
http://www.konpira.or.jp/

小彭 said...

你一定要去day one行程呀, 順便探究吓有咩食有咩玩啦唔該! ^^

Anonymous said...

十月頭到中去日本那裏好呀?Ricky

lau2tang said...

司機哥哥,
十月頭到中,去立山黑部啦~
應該有少少紅葉睇,我估你會鍾意!

娜娜 said...

尾站停京都啦,順便留底用剩既盤川。

largeheadboy said...

roy︰鐵人 28 就喺神戶下一個站咗喎,上巴士去鳴門之前可以去行下喎如果夠時間。金刀比羅宮都應該去嘅,夠時間嘅話。謝謝~

小彭︰我見小丸子嗰個 mall 都好似幾多野食,仲喺海邊,希望環境唔錯喇!你又去呀?

ricky︰團長講得啱呀,立山黑部啲紅葉幾紅架喇,就算上東北都應該周圍都開始紅架喇,天氣又舒服~

劉鄧︰都係嗰句,麻煩晒~

largeheadboy said...

lala︰東京走喎我,不如我幫你駛吓你嗰啲 8.x 入嘅円仲好喇,9 喇陰功!

小彭 said...

睇吓有咩睇先決定去唔去囉!
你個廿七八萬円, 睇黎都使唔晒架啦, 兌9都唔關你事啦! 分d比大家啦~

lala said...

8.x一早使哂喇,就黎要交學費同屋租,仲話使我果啲,冇陰公呀!

largeheadboy said...

小彭︰如果想睇我講有乜野睇,恐怕你去完第二次返嚟都未有喎!
兌九緊係關我事喇,我將我僅餘嘅兌番港紙賺十零廿蚊都好呀~

lala︰8.x 洗晒咪用收埋喺曲奇餅罐 7.x 嗰啲囉,唔好話我知冇呀~

TY said...

我無留意原來仲有送迎巴士係神戶或者難波添!蝕左添!!! 哈~
你喜歡飲牛奶嗎? 八樓溫泉隔離果個小休息室有架自動售賣機賣牛奶..果隻牛奶超級好飲!!! 不過因為玻璃樽, 所以無拎多幾樽返香港, 至今依然回味呀! btw,鳴門地區好曬, 記住搽防曬!

先祝你旅途愉快啊!

小彭 said...

你行完兩轉我都未出發啦, 話晒你有廿七八萬円......

largeheadboy said...

TY︰包埋送迎巴士呢個 plan 我都剩係見九月至有咋!你講到咁得,點都會買樽牛奶嚟試下。依家覺得會花好在時間喺車程上,不過無計喇,去得嗰幾日又大把地方想去~
謝謝你,雖則仲有兩個禮拜至飛,不過個心已經飛咗去~

小彭︰廿七八萬好快就唔見晒架喇,下一次去要籌錢架喇!諗起張 pass 要用九算買都好愁呀~

lau2tang said...

都唔明你,出張東京機票,又要鬼死咁遠貢去四國,梗係花時間啦~

largeheadboy said...

劉鄧︰咁我想去東京又想搭凌晨機又想趁夏天同埋趁仲有氣有力去しまなみ海道踩單車吖嘛。如果可以去多一兩日就無咁愁囉~

supageti said...

終於明晒『其實我們專喜愛得不到的』點解 ~~~ :p

lau2tang said...

飛大阪都有零晨機啫~
去到東京又點,你咪又晨咁早趕車落靜岡!
你呢啲就叫做兩頭唔到岸,辛苦自己。

largeheadboy said...

意粉︰呢句係嚟自 eason 我好鐘意嘅《一切還好》。咦,你有乜領悟呀?

劉鄧︰大阪凌晨機要十月定十一月至有吖嘛,同埋我要去東京買野呀!我唔單止晨咁早要趕落靜岡,下晏又要趕返東京,然後第二日一朝早又趕去神戶添呀 @_@

lamlamma said...

大頭:

由東京去四國都要成四個鐘! 有時間可以去吓小豆島/直島, 都幾好玩。我剛剛去完道後溫泉都無中暑, 不過熱到變佐舊炭。

largeheadboy said...

lamlamma︰原來你都啱啱去完四國呀!我依家都諗住去埋小豆島同埋直島,仲搵咗劉鄧幫我訂小豆島對住 angel road 嗰間飯店。我對小豆島好大期望呀,不過坐巴士好似唔太方便。你去咗小豆島邊度呀?
由於時間所限,直島只有四個鐘,你覺得夠唔夠呀?我見你玩咗大半日。我好想睇嗰兩個大南瓜啊!
希望九月頭好天得嚟又唔會太熱喇,好大想頭哩~

lamlamma said...

大頭:

我去唔到小豆島, 因為時間唔夠。小豆島有定期観光バス , http://www.shodoshima.or.jp/access/access-tounai.html#no9 你可以考慮。
至於直島我地用5小時,其實大半日可以。天氣因該無8 月甘熱。

lau2tang said...

頭先行過OK,見到Hong Kong Walker出了新一輯,係介紹直島同小豆島,八蚊雞,不如買本睇吓啦~

largeheadboy said...

lamlamma︰瀬戸内海實在有太多個島喇,個個都想去吓感受一下寧靜純樸嘅氣氛。原本我冇諗過去呢邊啲島架,一心只係諗去しまなみ海道嗰邊,依家反而重點就喺直島同埋小豆島呢邊~

劉鄧︰聽你講買咗喇,其實主要係講瀬戸内海芸術祭,不過好簡單只得四頁介紹,不過都好過乜都冇。謝謝通知~