Tuesday, August 17, 2010

開不了心

那天打開信箱,看到很熟悉的字迹。老師從日本寄來的名信片很漂亮,正如薯嘜所說,客氣說話不說了,一切盡不言中。



家人來我家吃飯,我花了一個下午為他們預備食物。下了不少功夫的粟米南瓜湯喝剩了很多,反而最簡單的凱撒沙律卻大受好評。


下過一場大雨,即使坐在海旁沒有空調的星巴克也覺得很舒服。對着藍藍的天發呆,就這樣過了一個多小時。


兩星期前預訂的 iphone 4 到手了,過兩天轉到新的電訊公司後,我就可以親身體驗 iphone 的魔力。


照道理說,我應該很開心,但為什麼我還是眉頭深鎖?

18 comments:

小妹 said...

嘩~乜原來有首咁"啜核"的歌, 真的多謝晒!
想o下又就快出發囉, 好快又會開心晒架啦.

紅米奇 said...

原來你也被iphone 4吸引了, 係law, 潮人物品喎, 應該開心呀, XD

naruto said...

試下寫埋個遊記,投入番當時嘅開心,有幫助架

ps:其實會唔會係便秘影響心情呢?

lala said...

你錢多呀,咪煩囉。

largeheadboy said...

小妹︰eason 好多 side tracks 都唔錯架,呢首我都係同排至發現咋~

紅米奇︰其實我畀啲 apps 吸引咗,我鐘意玩食鬼睇地圖睇天氣咁囉~

naruto︰咁都畀你踢爆!
好呀,咁我得閒就整多篇遊記出嚟先(仲有好多貨仔)。

lala︰錢解決都嘅問題就唔係問題喇,弊在有啲係錢解決唔到架嘛~

l.minor said...

那個禮物很靚!

maymay said...

開不了心即係唔開心牙?

Rempei said...

依家係咪晒命咁話呀~~~點解我個台咁耐都未call我架呢~~~我無錢俾咩~~~嗚~~~嗚~~嗚~~~

小彭 said...

久唔久我都會好似你咁發吓瘟, 不過如果有廿七八萬円就可能會好小小...

iphone4唔好期望咁高囉, 不過如果你之前未用過就問題唔大, 最攪笑係佢個可轉換鏡頭嘅新功能. 始終我都係接受唔到d i咩囉!

supageti said...

啲有錢人通常都話自己唔開心既 ~~~

LostAndFound said...

幾好聽喎, 真係唔知Eason有首咁既歌,多謝介紹.Anyways...最後塵埃跌定,我便會翻身!

歐巴桑 said...

難道是中年危機.....
通常啲有錢人最大的唔開心就是無人信佢地會唔開心啦~~

largeheadboy said...

i.minor︰你好!你都話靚啊呵~

maymay︰個心開唔到,咁你話開心定唔開心吖~

薯嘜︰今日用緊新機喇,想同你交流下心得都唔得添你又仲未有機!:p

小彭︰有廿七八萬円就可以令人發瘟冇咁嚴重,果然有錢能可以解決好多問題!
我之前未用過 iphone 呀,依家覺得好正囉,成日會掛住搞下部機囉。可轉換鏡頭唔係一直都有嘅咩?新架原來?

意粉︰哈哈!不過冇乜錢嘅人都會成日話自己唔開心架~

lostandfound︰你好!呢首歌好唔錯呀,eason 吧聲好 raw,幾鍾意呀。
希望最後大家都翻身喇!

歐巴桑︰咦,似喎!點算好呢?其實,好好彩,我算係一個成日都好開心嘅人,不過間唔中都有 down 的日子~

supageti said...

有人上個月至買咗部 se 好細部又幾好玩嘅 smart phone 咋喎 ~ 呵呵 ~~~

lau2tang said...

咁唔開心就搵我地飲啡傾計啦~

largeheadboy said...

意粉︰嗰部我嫌細過頭,唔好揸手,都係艾瘋好玩啲~ :p

劉鄧︰要呀要呀!我依然有加一蚊多一杯同埋 free upgrade 供應呀!

lau2tang said...

你呢篇個title原來早有玄機~

largeheadboy said...

劉鄧︰又唔可以咁講~