Saturday, August 28, 2010

大收穫之夜

這晚的飯局在八點半才開始,下班後的兩個多小時做些什麼好呢?沒理由回家小睡片刻吧,於是先到飯局進行的地點深水埗逛逛。

下星期出發到日本,決定不帶 iphone 同行,害怕丟掉了之餘更害怕不小心啟動資料漫遊被收取天文數字的費用,還是買張電話卡套進舊手機好了。鴨寮街的歐巴桑很詳盡向我講解應該買哪款電話卡,最後還少收我幾塊錢,非常感激。順手購入的還有也會陪伴我出埠的滑鼠。



黃金商場永遠都是人頭湧湧,看見有過期的電腦雜誌任取,我當然不會放過。翻一翻看,不太熟悉電腦的我也覺得這本雜誌有點不濟,難怪現在淪落到這個田地了。


有點口渴,走到附近沒有光顧好一陣子的綠林甜品,吃了我很喜歡的紅豆豆腐花。這家甜品店在區內很有名,因此出現了不少翻版,前一天就在不遠處的一家翻版店吃了一碗很像生粉水的杏仁露。


還有一丁點兒時間,就到西九龍中心走走,無意中發現了這家在日本有很多分店的 Village Vanguard 竟然靜悄悄落戶在香港。去年夏天,我就在東京高円寺的店子買了鬆弛熊的 ipod nano 膠套和村上春樹的袖珍版小說。


店內的裝潢跟日本的很接近,貨品種類也很多,絕對比我們的 log on 好逛。令人感動的就是竟然給我遇上剛好這期詳盡介紹下星期我將會前去的瀨戶內國際藝術祭的 casa brutus 月刊,兌換率還要是“很有人性”的十一算。找天定要再來慢慢細看這家店子。


期待以久的飯局終於在九點鐘開動了!

18 comments:

supageti said...

關閉左 data roaming 咪得囉,用依張卡點計嫁呢?仲有,3 有斷日計既 data roaming 放題 plan,用至收錢唔用唔收喎,有無了解過呀?

maymay said...

咁驚就咪出iphone啦~@@

果晚行多兩步咪唔駛吃生粉水囉~

Ellen老師 said...

你都唔開兼唔打電話,買張電話卡做咩?

lau2tang said...

咁乖ge~
我話電聯,你就走去買張咭,等我得閒打吓電話叫你買嘢先。
呢間Village Vanguard 有無其他旅遊書賣架?
間飯店係賣豬仔呀呵?

lau2tang said...

我老花,睇錯咗個標題,變咗大穫之夜添!^b^

ayclui said...

下星期出發到日本--> 去邊庶呀? 玩得開心D, 食勁D 呀~

naruto said...

to lau2tang:
我都以為係呀

iphone唔識用就咪買啦,hehe

largeheadboy said...

意粉︰關咗個 data roaming 架喇,咁即係啲 apps 就冇得 update 個囉呵?不過部 iphone 太巨型,阻頭阻勢呀,有 data roaming 放題 plan 呢樣野都未必帶 lu~

maymay︰我不嬲都驚驚青青架喇~
你地邊肯行咁遠喎,同埋呢間夜咗真係好旺架。

老師︰其實帶部電話過去主要係搵佢做鬧鐘,真係唔會點開架~

劉鄧︰唔會接電話架我!
Village Vanguard 都有日語旅遊書賣,不過就唔係 rurubu 嗰啲囉,啲樣未見過架,可以唔駛為咗旅遊書去喎。
全中,咪就係賣豬仔囉。
哈,咁大鑊!

ayclui︰去四國同埋瀨戶內海踩吓單車同埋行吓啲島咁囉,會玩得好開心架喇應該~ :p

naruto︰原來有老花嘅唔止劉鄧~
iphone 我依家主力用嚟玩遊戲架咋,打電話都係其次~

lau2tang said...

唔接電話你買張咭做乜?
咪連張咭ge錢都蝕埋!平咗幾蚊都補唔番啦~

Ellen老師 said...

返工就話較鬧鐘,去旅行係攞時間黎hea,瞓到幾點都無所謂啦!

小彭 said...

可能大頭諗諗下有張pass, 咪南至九州, 北至北海道先至抵, 咪唔較鬧鐘點得囉!

l.minor said...

以前成日經過綠林,不過只幫襯過一次,可能唔啱我口味,如果落深水埗,都係會行遠小小,去松記食

有時間我都去西九行下間Village Vanguard ,睇下有冇野啱洗

最尾果張係容記小菜王?

supageti said...

iPhone 大唔過你個頭吖!:p

largeheadboy said...

劉鄧︰啲電話好似要有張可以用的 sim card 至開到嚟用架嘛!不過如來其實我部舊電話唔駛架~

老師︰我去旅行不嬲都係朝七晚十一仲辛苦過返工架,瞓到九點十點對我太奢侈喇~

小彭︰如果今次要去埋九州上埋北海道,我一定要全日廿四小時不眠不休至得啊!不過其實今次都爭唔幾架喇!

l.minor︰松記我都有去,不過當我想食啲中式糖水就多數去綠林。
Village Vanguard 好多野睇,香港好難見到呢類雜貨鋪,我尋日先至又去行過一轉~
嗰間係賣豬仔嚟架,唔錯架,喺松記後面兩條街之嘛~

意粉︰但係佢值錢過我個頭喎~ :p

lau2tang said...

其實我唔係好想請你食早餐咋喎,可惜礙於形勢,我唔想有人要洗碗,免為其難咁囉~
不過,我好似好耐無咁樣同你傾話囉~

ROY said...

咁借部"唉瘋"黎幾日啦,要用黎check股價呀~

西九龍廣場係邊豎呀? 定係西九龍中心呀...

naruto said...

IPHONE值錢過你個頭?又大又唔值錢

largeheadboy said...

劉鄧︰我係好想請你食架!咁下次喇,我爭你呀吓,下次要食牛油厚多士。
之後有買到靚栗子啊呵?

roy︰駛乜 check 吖,聽日大升架喇,乜都返到家鄉架喇!
係西九龍中心呀,等我改番先~

naruto︰真係又大又唔值錢架,十蚊買到兩斤架喇!:p