Tuesday, September 07, 2010

再見夏天

根據日本氣象廳剛剛發表的統計數字,這個夏天是 1898 年有記錄以來最炎熱的夏天,六月至八月的平均氣溫較過往的平均數高出 1.6 度。



全國共有 55 個氣象台需要調高平均氣溫的最高記錄。


踏進九月,氣溫沒有絲毫降低的迹象,每天太陽仍然高照。街上的行人、車箱裏的乘客,無不手持着毛巾,不停抹掉臉上的汗水。


而我,就只有用各種不同方式為自己降溫。


終於在行程快要完結的時候,從岡山開往東京的新幹線上,當列車離開京都進入滋賀県之後,天空突然轉暗,沒多久還下起大雨來。坐在車廂內,不期然感受到外面大雨降下來的清涼。


那天晚上走在新宿街頭,氣溫雖然還有 30 度,但間中吹來涼風,感覺沒有之前的悶熱。


來到這一刻,夏天似乎快要完結了。而一切一切,或許也會隨着這個夏天完結而告一段落。

19 comments:

supageti said...

夏天完結?發夢無咁早喎,帥哥 ~~~~

galaxy said...

同你剛剛相反,夏天好快就唔見左,我呢度真係夏天完左, 得十多二十度咋 !

歐巴桑 said...

唔覺唔覺又快到中秋啦
希望快些有"寒流"襲港可以吃火鍋~~:-p

maymay said...

帥哥直情變左蕉啦~^^

日本點熱,晚上都比香港舒服得多。

naruto said...

咁即係日日好天啦,等睇靚相

我好enjoy今個夏天呀:)

largeheadboy said...

意粉︰依家係殘暑吖嘛!不過對我來說,夏天已經完了~

galaxy︰十幾廿度嘅天氣反而對我地嚟講就話咁快唔見咗 lu~

歐巴桑︰除咗打邊爐,我仲好掛住瞓喺暖暖嘅被窩嘅感覺,不過過咗中秋我諗都仲有得熱。

maymay︰我呢啲唔係蕉,係炭嚟架!
唔係喎,日本夜晚都熱得好恐怖架!

naruto︰我諗全日本嘅人都好期望落下雨囉熱到哩~
很好啊!這個夏天你過得很開心,我就麻麻地喇~

l.minor said...

今年唔知點解九月重熱過八月,痴線架!

你最尾張相好靚好有感覺喎!好夾夏天散場feel!

唔好唔開心,希望在秋天呀!

joeyee said...

熱到痴肺!

largeheadboy said...

l.minor︰尋晚我仲要開冷氣瞓,其實今年我都唔係開咗好多晚~
呢張相係喺黃昏搭船離開直島嗰陣時影,太陽慢慢西下,想留也留不住。
對,希望在秋天,要努力面前!

joeyee︰唔好夏天去日本呀真係~~~不過鍾意流汗嘅就繼續去喇!今日返工同事話我係咪去完泰國嚟~

naruto said...

我今年喺西環開左兩日冷氣瞓咋,係咪勁呢?

小彭 said...

大頭好衰架, 將個夏天帶咗番黎香港, 天氣報告話日本炎熱天氣持續到9月中... 明明上星期六日涼咗d架喇, 我仲怕凍唔去游水怕冷襯~

largeheadboy said...

naruto︰好勁呀真係!我就開咗十晚左右喇~

小彭︰帶個夏天返嚟有鬼用咩!帶就帶成個日本返嚟又或者帶啲 yen 返嚟就話啫。
涼?好明顯有人搵藉口咋嘩~

ayclui said...

唔好夏天去日本呀真係 --> 贊成...
北海道都好鬼熱...

我最"咋", 晚晚開冷氣.... :p

naruto said...

你唔使晚晚開?咁叻仔?

ROY said...

俾我咁熱就日日行商場算喇~

largeheadboy said...

ayclui︰今年邊度都咁熱呀,仲諗住北海道好啲添~
晚晚開冷氣對身體唔好呀!

naruto︰政府畀我地嗰啲電費回贈我仲未用晒呀!

roy︰日日行商場我唔啱呀,雖則商場點都要行吓嘅。諗住夏天要曬下太陽吖嘛~

小彭 said...

家下風扇都無開, 去游水一定冷襯啦! 今個weekend又唔使游lu~

lala said...

今日又熱番喇~
而家30黎講,叫做涼快 ......

新幹線幅相我感覺到你對我嘅掛念(羞~)

largeheadboy said...

小彭︰唔得呀,我依家仲涼緊風扇,啱啱鋪完床單成身汗。下個禮拜又熱返,可以遊喇~

lala︰我記得嗰幾日睇新聞話京都唔知邊度 39.9 度呀~
呢張都有啲啲喇,反而之前架新幹線停咗喺京都我影咗張相,嗰一刻好掛住你呀!