Sunday, September 12, 2010

Day 1︰東京から靜岡まで

在沒有周詳計劃也沒有充足準備下,我又展開另一次日本之旅。

八月初收到的消息,讓我在一兩天內決定在夏天完結前到日本走一轉。三個星期後,八月最後一天的大清早,我身處東京羽田空港。


乘 monorail 再轉山手線,還沒到八點鐘就來到東京駅。把行李放進儲物櫃,再辦好七天的全國火車證,旋即跳上開往靜岡的新幹線。


靜岡是行走東京與大阪之間的新幹線必然會經過的地方,但我就從來沒有想過在這裏途中下車。這次來靜岡,純粹是要找個地方去,盡用我以兌換率高達 9.2 買入的全國火車證。


從靜岡轉乘東海道本線來到東靜岡,高 18 米的 RX-78 高達就在北口不遠處,可是我還是先往南口那邊走,因為雖然登機前吃了炒飯和魚蛋米粉,在飛機上又幹掉味道還算不錯的飛機餐,但在那一刻肚子還是有不少空間。


コメダ珈琲店來自名古屋,名物是シロノワール雪糕麵包,但這個時候點這東西似乎不太合適,所以我們只點了夏日果汁和雪糕朱古力。只點飲品足夠嗎?不用擔心,十一點之前惠顧任何飲品都會免費奉上多士和雞蛋。我們當然是有備而來。



很喜歡コメダ珈琲店的氣氛和布置,如果不是有緊湊的行程排在後面,能夠呆在這裏多一會兒就更好了。


我不是高達迷,當年應該甚至沒有怎樣看過這齣動畫。去年夏天當很多人談論着擺放在東京台場的高達時,我這個電車男反而只走到中野逛跟我們旺角信和很相似的 Broadway。


冒着猛烈的太陽,流了不知多少汗水,終於來到高達的會場。想不到高達的粉絲男女老幼都有,很多人還在旁邊的賣店大出血,純粹來看和拍照的相信全場就只得我們。



走在完全沒有遮掩的會場,汗水是會不斷從頭蓋流下來。要是在高達胯下遺留下一灘汗水就好像對高達有點兒不敬了,這個時候就不如早點撤退吧。


再走上東海道本線前去清水市,然後坐上接駁巴士,中午過後就來到有戲院有商鋪有餐廳有摩天輪的 S-Pulse Dream Plaza。S-Pulse Dream Plaza 對我最大的吸引力,就是有櫻桃小丸子樂園。老實說,我對小丸子的興趣比高達大得多。

20 comments:

小妹 said...

係囉! 高達無興趣哦... 快d去片小丸子啦~

naruto said...

好多張高達呀!

Ellen老師 said...

既然不是高達迷,又話咁熱,咁去個道做咩?

紅米奇 said...

好鍾意第一張高達相, 顯得特別高大, 枱和凳都反而像模型,好想去睇高達tim, 可惜無假又無錢~ 巧羨慕你話行就行^^

largeheadboy said...

小妹:小丸子好快做架喇,做完高達就做架喇!

Naruto:你鐘意高達架?又唔早講~

老師:去靜岡純粹係要搵個地方去,咁呢度又唔係太遠,又仲有小丸子,所以咪去囉~

紅米奇:哈哈,我求奇架咋,我邊有咁高技巧吖,同埋咁熱,影完就算喇。高達係咪去到下年一月呀?到時你都可能去咗幾轉喇!

supageti said...

證明你一定係患左某種強迫症 ~~~ @@

l.minor said...

雖然我都唔係高達迷,不過呢個高達又唔錯喎!幾形呀!

小彭 said...

我唔係高達迷, 不過1:1又真係好型好有氣勢咁!
快D出小丸子啦~

Rempei said...

コメダ珈琲店咁既優惠都俾您揾到, 真係要寫個服字俾你!
我雖然算叫係高達迷,但精品我都只會看多過買

Ahming said...

跟著呢?

largeheadboy said...

意粉︰我覺得我病情好嚴重架,有一日冇用過張火車證我都唔知幾 down 呀~

l.minor︰係喇,第二張高達對眼好似啤住你咁,幾懾人啊!

小彭︰都幾多唔係高達迷喎~
有型有氣勢都係咁話,我摸過佢腳板架!:p
小丸子嚟緊嚟緊~

rempei︰我今次又冇專登搵野食,咁啱見到コメダ珈琲店個名物好想食,睇睇下至知道有早餐 service~
係高達迷就快啲去朝聖喇,唔買都去睇下嘛!

ah ming︰跟住嗰啲嚟緊架喇應該,畀啲時間我喇~

supageti said...

竟然有一日冇用過張火車證?不是吧(一定要用普通話講)?

歐巴桑 said...

期待小丸子呀~~

galaxy said...

高達好有氣勢, 如果可以爬埋上去高達膊頭影相,仲正。
現場D color係咪咁sharp,定你在相片上造手腳 ?

ROY said...

我細個時都幾鍾意gundam架,入會場要俾幾多錢入場費?

largeheadboy said...

意粉︰嗰日離開小豆島,搭船去岡山港再轉巴士返岡山,全日冇用過個 pass,其實可以兜路搭船去高松,然後搭 JR 經瀨戶內海大橋返岡山。時間相差無幾,仲唔駛畀咁多錢搭船。到依家仲耿耿於懷呀~

歐巴桑︰原來咁多人鍾意小丸子架?有啲壓力添~

galaxy︰18 米高喎,爬上去好牙煙喎~
我啲相全部都原汁原味架,我邊有咁有閒情慢慢逐張執喎。

roy︰無料入場架!不過有一個搭出嚟嘅館要畀錢,咁我當然冇入去兼冇理佢做乜喇~

ayclui said...

兌換率高達 9.2 買入的全國火車證...真係好鬼肉刺呀...好彩上次d yen 係8幾換嘅...唉~

高達d相好靚 (我唔係粉絲)

Unknown said...

快說小丸子的部份。期待......

maymay said...

我都超愛JR Pass~^^
靜岡好似好靜下呀呵~
小丸子樂園係典架?冇相睇嘅?

largeheadboy said...

ayclui︰呢幾日啲 yen 仲上緊呀!好彩啲旅費都仲係 8.x 入,唔係就大大鑊啊!
高達啲相靚呀?thanks~

蘭子︰今晚晏啲會有架喇!

maymay︰JR Pass 簡直係日遊恩物呀,剩係靠佢入閘出閘喺啲站唔駛兜路都有着數。
靜岡好啲架喇,東靜岡好荒蕪架。
小丸子一陣就上架喇~