Tuesday, September 14, 2010

Day 1︰靜岡から東京まで

看過高達,我們來到清水市的 S-Pulse Dream Plaza 探望櫻桃小丸子。


來自靜岡県清水市的小丸子在 1965 年出生,今年應該 45 歲了。


小丸子樂園地方不算很大,但就齊集各個主要場景和不同人物的造型,感覺很親切。


看,小丸子的房間很混亂啊!但怎樣也應該比我的房子整潔。


在《我們這一家》之前,我最喜歡的卡通片要數《櫻桃小丸子》這齣了。《櫻桃小丸子》其後還有真人版本,不過感覺總是怪怪的,扮演小丸子的女孩有點老積,遠遠不及卡通片的可愛。


樂園入場料金 500 円,不過就會送上夏日消暑佳品紙扇一把,算是不會空手而回。要是再答對隱藏在各個場景的五條問題(很奇怪,日文的問題跟中文的不是一樣),更會得到小禮物一份。憑着對櫻桃小丸子的一丁點兒認識,我們得到小丸子和有錢的城崎同學的小貼紙。


像 S-Pulse Dream Plaza 這類的商場怎少得大型的超市,我們看見新鮮的水果就發了瘋似的,一口氣買了靜岡県產的無花果、山梨県產的葡萄和產地不詳的黃金桃,然後把它們全都放進商場的無料儲物櫃內。


清水市是個漁港,商場內就設有壽司橫丁,除有多家壽司店,還有一個臨時位置邀請全國有名的壽司店來開設期間限定的店子。


我們都不太餓,但來到這裏怎樣也要吃些壽司。考慮了一會,我們走進了まぐろや。


有十款壽司的 omakase set 賣 945 円,要求不能太高。


S-Pulse Dream Plaza 位處清水港旁,坐在外面的長凳看着船隻和在海邊嬉水的小孩,感覺很悠閒。這裏還有一座據稱可以遠眺富士山的摩天輪,不過在烈日下摩天輪應該跟蒸籠沒有兩樣。


要逛的要看的都做過了,不如早一點回東京吧!


這幾年到東京,幾乎每次都住在新宿歌舞伎町東横イン,但年末年始那一次突然對這家港人熱門的東横イン有點厭倦。我還記得住在上野 Super Hotel 的那一晚,就花了不少時間搜尋有沒有其他住宿選擇。今次買的是包酒店的套票,於是就很順理成章地不用再住進新宿歌舞伎町東横イン。西新宿的 Hyatt Regency Tokyo 在 Jalan 等訂房網站的起錶價通常要二萬円,現在住它兩晚就等如機票不用付錢了!有時就要靠這些自以為很大的優惠來令自己高興,很阿Q吧。


不過真正令人高興的,是我們這晚獲升級到面積達 33 平方米面向都廳的房間。


有全國證在手,當然要多搭車,短遊過池袋後就來到上野。雖然已經入夜,但這一刻氣溫仍高達 32 度。


有想過到 OIOI 的 Pastel 吃意粉,但套餐價錢不太相宜,最後還是回到阿美橫丁。這家外表不錯的魚河岸 まぐろ市場以前路過多次,但都沒有嘗過,這次就試試它吧!


市場丼和ちらし丼的食材都很新鮮,再加上蜆肉味噌湯就叫人非常滿足了。這家連鎖式食店絕對可以再來。


飯後再到附近的吉池,買了沖繩產味道普通還帶點酸的柑橘,然後趕快回到新宿,趕及十點前最後一班返回飯店的接駁巴士。


果然是一分錢一分貨,Hyatt Regency Tokyo 的大床很舒服,躺上去不到十秒就睡着了。

18 comments:

紅米奇 said...

突然見你買咁多水果, 好有中秋feel ^^

largeheadboy said...

紅米奇︰嘩,好快手!
見到咁多生果真係忍唔手,除咗夜晚買嘅柑其餘全部即晚就食晒。啲柑又唔甜又無味,就留咗喺個喼存放喺酒店,幾日之後返嚟開箱再食好似甜咗~

maymay said...

幾時都係{泊記住}好啦,今次十二月呢轉齋買機票,不知幾失落呀~>_<

naruto said...

小丸子好可愛,你今次行程我like呀

largeheadboy said...

maymay︰有時機票有得飛撲架嘛,同埋 package 又限死晒,我今次都有諗過放棄一晚 hyatt 架!不過下次都會留意下啲 package。齋機票咪晚晚仙台 dormy inn 囉,唔駛愁喎~

naruto︰你唔係鐘意花輪同事嘅咩,baby~
第二日仲有大鐵人 28 呀!呢個直頭係動漫之旅呀!

Rempei said...

帥哥今次好快手, 希望不會爛尾啦!

l.minor said...

有冇見到45歲的真人版小丸子?哈哈...

睇完高達又睇小丸子會唔會好急呢?好似一日去到咁多地方咁,真係好,睇見都開心!

ROY said...

個心跳商場幾0岩同細路去行喎, 不過我對小丸子完全無興趣...

歐巴桑 said...

間酒店好得呀~~
希望小丸子姐姐唔好變成花師奶咁樣就好啦...

largeheadboy said...

rempei︰我永遠都係有頭威無尾陣,所以唔好有乜野期望呀~

l.minor︰如果有 45 歲真人版小丸子見下都唔拘呀。呢一日都唔覺得好趕,因為其實兩個地方都唔係用咗好多時間,尤其係高達,半個鐘唔駛就走人。

roy︰個場都有清水心跳啲波衫買架~

歐巴桑︰呢次應該係咁耐以嚟喺東京住得最豪嘅一次,我不嬲係開 cheap cheap 東橫 inn 架嘛~
我覺得小丸子依家應該係又高又瘦,唔會似花師奶卦~

supageti said...

小丸子我鍾意睇真人版多啲 ~~~ 點解鬆弛熊覺豬都咩住個袋既?哈哈!

largeheadboy said...

意粉︰咁夜仲未瞓~
各有所好喇,不過我都好似只係睇過一集半集真人版。
鬆弛熊驚火燭,咩住個袋準備隨時走佬吖嘛

naruto said...

to Rempei:
雖然今次好似快手,但我買。。。。爛尾

largeheadboy said...

naruto︰我都買爛尾!

bethlehemstar said...

無花果好唔好食?又唔留d俾人食...嗚嗚~

largeheadboy said...

jackie︰無花果梗係好食,之前完全無諗過日本都有無花果。
唔,下次喇下次喇~

lala said...

咦?呢輪無花果大賣 ... 請問應該點食?我望住佢唔知點入手所以冇買。

largeheadboy said...

lala︰日本原來有咁多無花果架~
我剩係識沖乾淨然後連皮食,剩返個“椗”囉。無花果嚟度賣好貴又有益又唔常見,見到一定要食多啲呀!