Tuesday, September 21, 2010

Day 2︰東京から神戶まで

Hyatt Regency Tokyo 每天要到八點鐘才有第一班接駁巴士開往新宿站,可是預約了前去新大阪的ひかり 505 號在半個小時後就要從東京站發車。經過我們多番測試,半個小時應該來不及由西新宿的旅館去到東京站,於是我們只有提早出門,放棄接駁巴士走路到新宿站。


緊張的我每次趕車趕船趕飛機總會預留非常鬆動的時間,這次也不例外,結果乘中央線來到東京站才剛過了八點鐘。沒有吃過早餐,就在站內買了燒賣和三文治。


這程新幹線花了足足三個小時,不過我們就可以乘機補眠,所以也不算很難過。


按照計劃,我們本應在新大阪坐快速列車到神戶,然後才轉坐普通列車到兩個站之外的新長田看大鐵人。在月台研究班次的時候,發現原來普通列車可以直接到達新長田,時間或許用多了,但就不用煩惱轉車的問題。


不過事實證明,全程坐普通列車是要花上很多很多時間,我們足足搖了個多小時才搖到新長田。


大鐵人 28 佇立在新長田站外五分鐘路程的若松公園,不過在烈日當空兼且萬里無雲下這段路很不好走。


小時候我沒有看過電視嗎?還是大鐵人不屬於我的年代?怎麼好像對這個大鐵人沒有印象呢?


與昨天在靜岡看過的高達比較,大鐵人 28 明顯沒有那麼多細節,基本上就是簡簡單單一個巨型鐵人的模樣。當然,兩個機械人來自不同年代,這樣比較對大鐵人 28 太不公平了。


細心看,原來在新長田的不同角落都可以找到大鐵人的蹤影。


如果沒有大鐵人 28,我想我的日遊版圖不會包括新長田這個地方。


回到神戶站,確定了接載我們到今晚留宿的旅館的送迎巴士車站位置後,就找個地方坐下來喝杯冷飲。炎炎夏日,一杯冰凍的芒果乳酪絕對比一碗拉麵又或神戶牛柳實在得多。


要感謝路過的網友 TY 介紹的 Renaissance Naruto Resort,否則這次行程就會放棄去鳴門看旋渦,因為我一直沒有想過可以從本州經淡路島前去位於四國的鳴門。訂房的時候還發現這家旅館有包含往返神戶或者大阪難波送迎巴士的宿泊計劃,那就連前往旅館的交通問題也迎刃而解了。當然,也要感謝劉鄧替我訂房,還用積分扣減房租。


沒想過不是假日這家旅館也很旺場,這天的送迎巴士幾乎爆滿。滿載一眾興高采烈的住客的送迎巴士很快駛上高速公路,沒多久就來到通往淡路島的明石大橋。個多小時後,我們初次踏足四國的土地上。

23 comments:

naruto said...

你細個唔係鐵人28年代?有無咁後生呀?

我覺得好靚喎,仲配埋藍天㖭;但係新長田除左佢,無架啦?

Ahming said...

如果是我,就會搭夜行巴士,慳番一晚酒店錢!

largeheadboy said...

naruto︰但係我真係對大鐵人無乜印象喎,我剩係記得小露寶同埋小賓女~
無研究過新長田仲有乜呀,呀,係呀,大鐵人隔離有間喺銅鑼灣有落嘅大丸囉。

ah ming︰咁我買咗 pass 吖嘛。不過如果要慳時間,夜行巴士都唔錯~

maymay said...

日本人厲害呀,响山卡啦整個公仔,又吸引大把遊客。
(我都想去睇呀^_^)

supageti said...

帥哥:我次次都係經淡路島來回神戶四國個喎 ~~~

l.minor said...

大鐵人28嘅街燈好有型呀!

我對大鐵人28都有d印象模糊...

Off topic,以前除咗大鐵人28,係咪重有個鐵人17?

largeheadboy said...

maymay︰大鐵人你都有興趣咩?你不如去咗四國個麵包超人館先喇!我見到架麵包超人火車都唔知幾想上去坐下呀~

意粉︰你揸車吖嘛,況且我又唔見有火車行淡路島,攞住張 JR pass 喺手邊諗到原來可以搭巴士去四國~

l.minor︰係呀,大鐵人街燈都畀佢地諗到,強呀!你後生吖嘛,無乜印象大鐵人 28 正常吖。團友都有提過另一個大鐵人唔知幾多號,不過我真係唔係好熟佢地啊~

naruto said...

L.minor:
一個叫鐵人28,17果個通常叫大鐵人

卡臣 said...

大鐵人17個細佬係18號

Ahming said...

PASS一樣可以搭JR的夜行巴士^_^

largeheadboy said...

naruto︰講到似層層咁,堅定流呀?

卡臣︰又嚟多個 18 號?

ah ming︰得架原來?咁其他高速巴士都得個呵?咁我下次試下先,不過夜行巴士通常要預約個喎~

紅米奇 said...

又28又17, 以前D名咁鍾意有個數字跟尾GE ^^
專登去影張相都好吖, 我最鍾意做呢D行為~

歐巴桑 said...

我淨係識得17號咋~~:p

Rempei said...

夜行巴士呢款咁辛苦,我唔信你會坐囉~~

supageti said...

咁多野唔知 ~ 證明你唔係好師奶啫 ~~~

largeheadboy said...

紅米奇︰去大鐵人 28 真係淨係去影完相就走,之後行咗一陣大鐵人對面條商店街,喺啲藥房買下野咁,喺新長田留咗一個鐘都無,好彩有 pass 喺身,去邊都無問題。

歐巴桑︰17 號你都識得咁厲害!我真係懷疑我點解細個無睇過佢地,唔通我細個嗰陣未有電視?

rempei︰夜巴搭過架我,後生嗰陣試過由巴黎搭去倫敦,頂到架當年,不過日本就未試過,通宵嘅はまなす算唔算呢?

意粉︰師奶點會識大鐵人喎!師奶如我者淨係知邊度買菜心平兩蚊之嘛~ :p

TY said...

客氣客氣, 期待你既四國鳴門行的遊記

ROY said...

鐵人28我都無乜印象, 應該係比gundum早十年八年架係咪, 果時睇gundum係要一早起身睇架~
大鐵人17我有印象睇過~

largeheadboy said...

TY︰嚟緊架喇~
聽你講浸完八樓個浴場之後買咗支牛奶飲,真係唔錯啊,係 4.3 嚟架!

roy︰我淨係記得禮拜日朝早八點睇小甜甜咋,哈哈!

ROY said...

睇小甜甜, 咁你咪成4字頭囉......

largeheadboy said...

roy︰我 4 字頭咗好耐喇!

ayclui said...

燒賣和三文治 --> 燒賣個樣好得, 唔知味道如何呢? 三文治D 餡好勁, 脹卜卜啊, 一定好味~

largeheadboy said...

ayclui︰燒賣 ok 架,如果熱嘅會仲好味。嗰兩份三文治份量一啲都唔野少,滯到我地下晝都可以唔駛食野~