Monday, November 08, 2010

倒數

說了好幾個月,也因為這個消息讓我之前去了一轉日本,可是回來後什麼進展也沒有。然後個多星期前,一下子一切塵埃落定,我在金鐘的日子只剩下一個月。


我的工作每隔幾年就要調職一次,這十多年來我去過四個不同的辦公室,金鐘要算是我工作得時間最長的地方,轉了兩個辦公室合共度過了快將九年的光陰。雖說金鐘不是很理想的上班地點,但這幾年來什麼都習慣了。


每天搖大半個小時巴士上班,雖然間中會遇上塞車,但總好過坐地鐵彷如面對千軍萬馬般叫人透不過氣來。


牛油多士和少甜奶茶是正常上班日子的早餐,再加上每星期兩天到香港公園的體育館做運動,令我這幾年的體重一直維持在尚算合理的水平。沒有了這些,實在不敢想像幾個月後我會發脹到什麼模樣。


幾年下來,什麼統一碼、大五碼,以至那些完全不懂怎樣發音的漢字,都算是有了點頭緒。之後新的工作要面對新的人和事,應該又要花好些時間重新適應。


這一刻,除了要開始收拾桌面和書架上的雜物,還要好好清理藏在電腦裏的檔案和鍵盤下面的千年餅碎。


下個月開始,我將會正式成為灣仔之友!

16 comments:

galaxy said...

唯有無糖奶茶,半片牛油多士,keep得幾多得幾多。
彎仔咪仲方便。

supageti said...

Change ~ my friend ~~ haha ~~~ :p

largeheadboy said...

galaxy︰無糖奶茶好難飲啊!
灣仔就方便啲,搵野食仲有大把選擇,所以日子有功條腰應該會完全消失 :p

意粉︰係囉,人生就是不斷的轉變,有時自己想唔變都唔得~

灣仔之友 said...

歡迎~歡迎~
之但係...灣仔lunch time越來越難搵食囉, 我都少了出街食啦!

naruto said...

灣仔喺金鐘隔離咋嘛,交通有幾大唔同呀?

你要嘅早餐我唔信灣仔無囉

想唔脹,帶飯囉

歐巴桑 said...

灣仔好方便呀!
多東西吃又不用塞車那麼久呢

largeheadboy said...

灣仔之友︰我未來公司好似就喺你隔離架咋!呢期我都多咗落灣仔食晏,駱克道啲酒吧有啲都唔錯喎。

naruto︰有架,朝早可以早兩個站落車喇!:p
我怕我會畀啲餐蛋麵吸引咗,日日食一碗做早餐吖嘛。帶飯呢家野,我依家間唔中都有做架!

歐巴桑︰灣仔真係方便好多,又多野行多野食啲,不過好多同事以後就唔會好似依家咁成日撞到喇~

l.minor said...

灣仔同金鐘都好近姐!食野就灣仔比金鐘多選擇,好事來的

至於,做野又要重新適應過先係最辛苦,始終人越大,就越唔想d野變來變去

我都係灣仔之友!

卡臣 said...

祝新工工作愉快

Ahming said...

車,灣仔都不是好遠姐!

largeheadboy said...

l.minor︰係呀,人越大越嚟越唔想有咩大改變,不過呢啲真係唔到你控制,話走就要走。
睇下遲下有冇機會撞到你~

卡臣︰承你貴言啊!

ah ming︰其實今日都行咗落灣仔食晏~

紅米奇 said...

轉一轉, 新環境兼『薪』好境

largeheadboy said...

紅米奇︰邊有人工加咁開心,不過食飯食平咗就當加咗人工囉~ ^t^

ayclui said...

灣仔?賣飛佛啦...食飯要幾平有幾平, 要貴又可以食窮人, 交通方便又多o野睇, 咁好嘅地方邊庶搵丫...

個BLOG 轉咗黃色, 好靚呀~

祝新工作愉快~

Low b said...

灣仔都幾好呀!! 我都做咗6年灣仔人...好多野食..放心!!

largeheadboy said...

ayclui︰食完飯仲可以去街市買下生果再飲杯果汁至返工,爽呀!
得閒轉下版面有啲新意嘛~ :p

low b︰你好~
原來我從未試過喺灣仔返工,我諗我都會做五六年,到時大把時間發掘灣仔嘅美食~