Thursday, March 17, 2011

一場遊戲一場夢

航空公司順應民情,一改再改,現在終於容許買了近期飛日本機票的人退票,不收取額外費用。這幾天在網上不斷有人厲正詞嚴,一定要取回全費,現在總算可以平靜下來了。


很多事情在發生的時候你會感到很無助,束手無策,不知如何是好,甚至好像看不到未來。但走着走着,不知不覺間發覺自己就這樣熬過難關。走過了之後,又有輕舟已過萬重山的感覺。

只是在這一刻,一切仍然都是黑色的。


事過境遷,可能原來什麼都只是一場遊戲一場夢。

22 comments:

supageti said...

我地都係心情唔好唔開心啫。。。比起正在水深火熱中既日本國民算得咩呢。。。。。

joeyee said...

呢個星期都好灰啊!

lau2tang said...

廣東版好似係叫「幾分傷心幾分痴」喎!老友!國語版先係「一場遊戲一場夢」。
你打了電話去取消機位未呢?

maymay said...

有些事情可以解決,有些想解決都解決不來~>_<

Anonymous said...

電話很難接通,send email 去取消啦,但都要等一日時間,我今早send 了但仍未有回復。

naruto said...

你去完高達都散埋,唔好去,快D退飛

TY said...

唉...個心好酸, 希望日本大步檻過!

家族旅行雖然原定去關西, 但都已經取消了,就算去到都唔會有心情賞櫻...

卡臣 said...

不得不佩服日本人的精神
向福島五十致敬

Ahming said...

大頭哥
當你夢醒發現自己身在香江,簡直要慶幸....
一想到曰本前途未卜,我呢輪心都實!

p.s.隻高達重完好無缺!

largeheadboy said...

意粉︰咁又係,我地已經好幸福喇,起碼身邊仲有愛我地嘅人~

joeyee︰希望日本可以大步檻過。pray for japan~

劉鄧︰我知道架,不過我鐘意《一場遊戲一場夢》呢個歌名,但係就鐘意《幾分傷心幾分痴》呢首歌多啲啲。
未取消呀,散減啲人先喇~

maymay︰有些事情就算有錢都解決不來~

無名氏︰我六月至飛,唔急住取消,等啲急啲嗰啲人取消先囉,總之四月頭之前搞好就得了。希望你早日搞掂~

naruto︰唔好散佈謠言呀,意粉話靜岡個高達無事啊!

TY︰很可惜啊,咁難得!不過過到去真係無乜心情玩樂,雖則關西嘅影響都唔係好大。年尾喇,年尾再一家人去睇紅葉喇!

卡臣︰仲好似話有廿個自願去幫手嘅人,睇見咁樣都好心酸~

ah ming︰希望日本快啲搞掂好可以專心投入重建喇~

naruto said...

咁張高達相假架?

我諗過係咪佢未起好時影架,但無人答到我

supageti said...

睇《依度

歐巴桑 said...

之前還為了選不到心水機票覺得有點頹
現在才知是幸運了~~
希望他們可以盡快回復過來呀!

小彭 said...

我竟然無出呢張機票, 自己都覺得不可思議, 直頭係神蹟呀~

Anonymous said...

攪掂喇!6-8星期後錢退回入credit card 戶口

ayclui said...

一方面默默祈求日本可以大步檻過, 另一方面再次提醒自己唔好小小唔如意就有怨言, 須知道自己依家有瓦遮頭, 有飯食有涼沖有屋企人已經係好幸福.

largeheadboy said...

naruto︰你講嗰張高達相我都未見過添~

意粉︰好強呀你,咁都畀你搵到!

歐巴桑︰呢啲真係塞翁失馬啊!或者之後乜都搞好晒,又會推出一啲優惠機票鼓勵大家過去,到時又再搶過啊!

小彭︰你會唔會之前已經買咗機票喇?
如果真係有神蹟,就希望日本呢壇野聽日一起身就乜都搞好晒~

無名氏︰扣錢就即刻扣,回水就要等咁耐!不過算喇,佢地今次已經好好架喇~

ayclui︰弊在我地成日都改唔到,唔係怨呢樣就另外一樣,真係身在福中不知福。
今晚真係要誠心禱告,希望日本可以大步檻過,然後迅速復原過來~

Rempei said...

俾D心機!奸巴爹!

小彭 said...

奇就奇在一張機票都無訂過, 係有分可換都無換個種. 家族旅行定咗晌9月北海道, 我仲擇埋日字, 就係呢出咗呢張特價票, 知個agent會好忙費事攪住人, 諗住隔一個星期先訂, 點知... 家下唔去lu~

神蹟係唔會祈求的, 唔係拜神呀~

largeheadboy said...

rempei︰同我講定同啲日本災民講呀?我會架喇,我諗日本啲災民都會架喇~ :p

小彭︰九月都仲有成半年喎,希望到時日本已經適合去旅行喇~
拜得神多就有神庇佑,有神蹟都唔出奇啊~

lau2tang said...

樓上叫你搵工喎!哈哈~~
不過,佢句"抗失業潮低不用擔心被裁員",我睇極都唔明,呢份旬工睇怕唔會有我份嘞。

largeheadboy said...

劉鄧︰佢又知我要搵工?
唔知點解我個 blog 成日有個 box 彈出嚟話無法登入,跟住就死咗~