Monday, April 11, 2011

我們的星期日

文字雲下,什麼都一目了然。原來這些年來,我都不是一個人過。


原本打算打掃過家居後就出去找些東西吃,但發覺電視將會播放鄧光榮監製的《阿飛正傳》,於是就坐定定再一次重溫這齣幾乎熟讀每一句對白的經典作品。


到了近來常到的茶餐廳吃下午茶,點了賣 $26 的雞脾沙律厚多士。下次再來,或許會點這個精選常餐,不過會轉多士,然後再轉豬扒雞翼出前一丁和配上鮮奶,那應該會是史上最昂貴的常餐。


是年紀大了還是身體還沒有適應逐漸和暖的天氣?從來冷飲不離口的我這陣子多了喝熱飲,除了在茶餐廳多會點熱奶茶之外,這天到糖水店也要了熱的紅豆豆腐花。


兜兜轉轉,一個月後又走上旺角這家音響店。過兩天,家裏這個空位就會給一個黑膠唱盤佔去。


徇眾要求,追加跟我非常相襯的型仔唱盤。

25 comments:

maymay said...

好一句我們~^^

紅米奇 said...

我最近愛吃奶油脆豬茶餐, 包熱飲要$17, 經濟過你:P
黑膠唱盤拱型^^

卡臣 said...

從此,我哋就係一分鐘嘅朋友,呢個係事實,妳係改變唔到

naruto said...

黑膠盤㖭呀?真係當自己係無雀嘅腳仔

小頭 said...

嘩,高音甜、中音準、低音勁

大頭哥今年大人之休日去邊呀?

largeheadboy said...

maymay︰其實“我們”呢兩個字,簡單得嚟又好複雜~

紅米奇︰咁我有雞脾喎,單賣都要十蚊喇,都係我抵啲~ :p
好型呵?十幾年前第一次去日本抬咗個黑膠唱盤返嚟,依家 play 唔到喇,所以要買個新嘅返嚟。

卡臣︰因為你,我會記得嗰一分鐘~

naruto︰無雀嘅腳仔?有啲驚驚喎~
我好踏實架,呢個唱盤有 usb 插頭,可以將黑膠轉做 mp3 架~

小頭︰本來去東北架,不過依家無 lu~

l.minor said...

重有我們的星期一二三四五六系列啊

黑膠盤?型啊!

ayclui said...

忽然想問: 大頭家有無盆栽嘅呢?

supageti said...

我想問大頭家仲有無小強就真 ~~~

TY said...

見到個常餐餐牌, 就想食煎雙蛋加個公仔麵~

L L said...

唉,我也像你一樣,漸漸不愛冷飲。就算飲清水,也要和暖的。

galaxy said...

可能我太復雜, 個文字雲, 我試來試去都話沒法分析我 !

largeheadboy said...

l.minor︰一二三四五六好沉悶架,都係返工放工食下飯咁架咋~
個唱盤今晚送咗嚟,真係幾型架,襯晒我!:p

ayclui︰好耐好耐之前有種過架,不過應該好易打理嘅長春藤都畀我種瓜,另外又有啲畀寄居喺我呢度嘅巴斯食咗,之後就無再種喇~

意粉︰剛剛裝修完不時會有小強出現,我覺得係跟埋大陸運落嚟啲傢俬一齊落埋嚟,搞到要買小強藥餌,之後就絕咗跡咁濟。touch wood, touch wood~

TY︰仲要有埋厚切餐肉就 perfect 喇!

laulong︰係呀,以前我喺公司斟水一定係斟凍水,依家就會兩溝,自自然咁轉變......

galaxy︰係喎,唔得嘅你,會唔會有係個 username 有另一個呢?

ayclui said...

文字雲係咩o黎o架?

largeheadboy said...

ayclui︰文字雲會分析你個 blog 邊啲字出現得最多,越大隻就即係代表出現得越多,好有趣架!跟住條 link 就去到架喇~

supageti said...

邊個話長春藤好易打理嫁?

BTW 你估我出現最多係咩?

largeheadboy said...

意粉︰長春藤好粗生,剩係浸佢喺水就得架嘛,唔係架?
我當然知你最多出現嘅係乜野字喇,因為我幫你整過吖嘛~ :p

supageti said...

浸喺水果啲好似叫黃金葛喎 ~~~

你個八卦公吖 ~~~ @@

largeheadboy said...

意粉︰咦,係喎!不過我應該兩樣都種過,不過都係悲劇收場~
先賭為快吖嘛!:P

ayclui said...

我部腦無裝果D software, 無得玩文字雲呀...(虾子餅唔比我亂咁攪)

largeheadboy said...

ayclui︰用 firefox 上網就得架喇,好簡單架咋,一係試下自己裝喇~ :p

小頭 said...

大頭哥,貼個經典黑膠唱盤等大家懷舊下...

largeheadboy said...

小頭︰加咗喇!不過個黑膠唱盤外型唔係好懷舊,仲幾新潮添,襯晒我吖嘛~ :p

小頭 said...

嘩,個黑膠唱盤好新潮,外形上真的看不出!
大頭哥仲儲埋有黑膠唱碟嗎?厲害

largeheadboy said...

小頭︰有好多黑膠架屋企,我係上世紀嘅人嘛~