Wednesday, June 08, 2011

Day 9︰大阪到着

發生日期︰2010年1月4日

滿以為不用太早預訂廣島到大阪的新幹線,怎料這樣就出事了。其實要是這天是平常日子的話,問題根本不會出現。只是這天是新年過後的第一個工作天,上行的新幹線不論のぞみ還是ひかり,指定席幾乎全部爆滿,只剩下早上七時前和晚上七時後的班次有座位。沒辦法,也不想到自由席碰運氣,就多留半天在廣島吧!


早上按原來計劃先到原爆ドーム,雖然是沉重了一點,但這個地方沒有理由不到。


在原爆ドーム旁,遇到由原爆生還者下一代擔任的義工在現場向遊人解說,對這場人類歷史上的災難算是多了一點認識。


不敢想像這條平靜的河川,當年是怎樣死傷枕藉。


原來在投放原子彈之前,美軍曾考慮過多個日本城市,最後廣島被選中了。


1945 年 8 月 6 日,廣島市像這天一樣晴空萬里,但這就決定了這個城市的命運。


慢慢看,絕對可以在原爆紀念館花上大半天,同時又令你紅了眼睛。不過我們來不及傷痛,因為時間實在不多了。


有想過在這個下午去尾道,但路途遙遠,最後還是選了廣島市附近的呉市。從地圖看,呉市比尾道近得多,但坐上每個站都停上一會兒的在來線,還是花了接近一個小時才到埗。


之前兩晚在廣島駅光顧的食店水車原來在呉駅也有分店,沒有多想就走進去吃午飯。怎料這店人手非常不足,等了近半個小時我們的天丼才送上來,但點了兩碗卻只來了一碗。不想再浪費時間,匆匆爬光後就趕忙結帳離開。


呉市位於瀨戶內海旁,基於地理因素一直以來都是日本的海事重鎮,造船業更是這裏很重要的工業。二次大戰太平洋戰爭中,日本的一號艦大和號軍艦就是在這裏建造。有大和號博物館之稱的呉市海事歴史科学館就在車站對開的不遠處,展出一比十的大和號模型。


吸引我來呉市的原因,並不是鼎鼎大名的大和號,而是在旁邊的海上自衛隊呉史料館,不是因為它入場無料,而是它展出了服役近二十年在 2004 年才退役的潛水艇あきしお。


在人來車往的大馬路旁看到這艘排水量達二千多公噸的潛水艇,感覺很超現實。


史料館內介紹了掃雷艦的工作和日本海上自衛隊的歷史,不過大家最感興趣的,當然是潛水艇的內部間隔。


在呉市海事歴史科学館和海上自衛隊呉史料館對開的大和碼頭,可以遠眺對面的船廠正在建造很巨型的貨船。


有機會的話,很想再訪呉市,還要坐上瀬戸内さざなみ線,吹着海風沿海岸線到三原那邊走。想不到幾個月之後,我真的重遊瀨戶內海,只是沒有走到這邊來。


回到廣島駅,距離預訂了的新幹線還有很多時間,就先到車站旁的超市補充物資,然後在新幹線名店街找東西吃。在廣島的最後一夜,就來個廣島燒吧!


晚上八點上行的新幹線指定席沒有預期中的爆滿,本來被劃分開坐的我們還可以坐在一起,於是我們可以在車廂裏盡情放肆了!


到達梅田中津的東横イン已經是十點,安頓好後還是要到外面走一走,可是在黑夜之中又再次迷路。大阪,還是要多來好幾次,好熟習一下環境。

16 comments:

紅米奇 said...

好野, 突然又殺出個Day 9,呢個時候回顧特別另一翻味道

supageti said...

差啲以為你真係大阪到着 ~~~ @@

卡臣 said...

原爆ドーム!!
我十幾年前去過
記憶中火車站有一個裝置
是很多很多很多隻千歲鶴
唔知現在還有嗎?

largeheadboy said...

紅米奇︰哈哈!應該下個禮拜又會殺出個 day 1 架喇~ :p

意粉︰我尋日仲係灣仔到着咋~

卡臣︰車站係咪有千歲鶴裝置我無留意啊,淨係記得原爆紀念館附近有好多嚟自世界各地嘅紙鶴,祝願世界和平~

ayclui said...

好o野又有遊記睇~不過飛o黎飛去我連接唔到囉...^^"
大頭你幾時出發去同日本打氣呀?

naruto said...

我係已經唔理你邊次打邊次,當睇相啦唯有。。。

有無喺廣島投下你嘅原子彈呀?

TY said...

果隻潛水艇真係好超現實啊!!!

幾時再有DAY1睇呀?! 雖然自己無得去, 不過睇下都開心呀!!

maymay said...

我都見唔到廣島站有千歲鶴裝置

樓上再樓上,你呢個問題唔錯~^o^

joeyee said...

哈哈, 我都以為你去左大阪!

largeheadboy said...

ayclui︰無所謂喇邊個打邊個,最緊要係 keep 住有得去 keep 住有遊記寫/睇就得架喇~
仲有一個禮拜呀,啲 yen 唔該回返啲喇!

naruto︰原子彈要研製好耐,氦氣彈就投咗x個~

TY︰我覺得架潛水艇成架放咗喺條馬路旁好型,之前做功課見到佢就諗住有機會一定要去現場睇睇。
day 1 應該下個禮拜登場架喇,畀啲耐性喇~ :p

maymay︰不過廣島站好大,又有新幹線同埋在來線,可能真係有唔知放咗去邊,況且我都無乜印象廣島站有個似樣嘅大堂~
我嘅原子彈唔講得小哩~

joeyee︰下個禮拜應該有成田到着架喇,我都好心急呀~ ^t^

小彭 said...

你有幾多個爛尾遊記呀其實? 仲想整多一個? 記得促進下當地經濟得啦!

largeheadboy said...

小彭︰我嘅爛尾遊記多到好似天上繁星,數極都數唔到呀。呢個應該註定都會係其中一個。下一日去城崎喇終於都~
我呢啲小人物,應該可以推高當地 GDP 0.000000000000000000000000000000000000000000000000000000000000000000000001 嘅~

ayclui said...

大頭出發咗未呢?

largeheadboy said...

ayclui︰我仲喺度,禮拜四至飛呀!

ROY said...

架潛水艇好得喎, 咁都俾你搵到既~

無影到大和號?

largeheadboy said...

roy︰我都係睇旅遊書至知道架潛水艇咋。大和號要畀錢入場至睇到,雖然喺窗外面都可以偷睇下~