Tuesday, July 26, 2011

第四章︰酒田的禮儀師

在沒有其他人的高屋站等上了半個小時,電車終於來到了。


再次跳上陸羽西線,穿越一片又一片稻田,沒多久就來到日本海旁邊的酒田市。


最初把酒田編進行程,純粹是基於順路,後來才發覺八零年代日本電視劇《阿信的故事》的背景就是這裏,再加上相馬樓和山居倉庫等景點,應該可以待上多一點時間。


最近兩三年,酒田市還多了一個吸引遊客的地方,就是拿過奧斯卡最佳外語片的《禮儀師》。這齣戲不少令人印象深刻的場面,都是在這個城市取景。


酒田站內的觀光案內所有單車免費供遊客租用,不過我們覺得要兼顧單車有點麻煩,索性以走路的方式看這個地方。


跟不少日本城市一樣,酒田市的商店街給人很荒涼破落的感覺。不說不知,原來《禮儀師》中本木雅弘飾演的男主角大悟曾跟社長坐車經過這條街。


冒着雨,走了大概二十分鐘就來到山居倉庫。


山形県是盛產稻米的地方,這裏出產的庄內米很有名,一點也不比新潟米遜色。這排共 12 個有百多年歷史的倉庫,從前就全用來貯存米糧。


時移世易,現在這些倉庫除了部分還會用作貯存之外,有些已經有別的用途。到訪的旅客必定會到的酒田夢の倶楽,就有餐廳和觀光物產館。


如果想了解庄內米背後的故事,還可以到庄內米歷史資料館參觀。我們時間有限,就不花錢進去看當年阿信怎樣艱苦地揹着重甸甸的白米四處跑了。


遊客來這裏除了看倉庫,還一定會走到後面看這一排共 41 株櫸樹。當年種植這些櫸樹,是為了調節倉庫的溫差,現在它們多了一個功能,就是成為遊人拍照的對象。


這個時候雨越下越大,我們的雨傘連同行李鎖進車站的儲物櫃,幸好在大樹下找到一把應該是給人遺棄的傘子。


酒田是名副其實的魚米之鄉,除了盛產庄內米,來自日本海的魚穫也很有名。さかた海鮮市場二樓的海鮮どんや とびしま價廉物美,每日只限賣二十客的刺身船定食更是這裏的熱賣。不過,真的沒有想到慕名而來的人可以從二樓一路排到地面。與其花時間排隊,倒不如先去NKエージェント事務所,之後再回來看看人潮散去了沒有。


有看過電影《禮儀師》的,應該對戲中男主角大悟工作的NKエージェント事務所有點印象。從さかた海鮮市場走十多分鐘,就來到這個從外面看來有點破舊的建築。


不太記得大悟第一次來到NKエージェント事務所時候的模樣?不緊要,門外有海報展示大悟當時來這裏見工時的情況,地上還劃有腳印,讓你知道當時他疑慮地看着這幢建築的位置。


付過象徵式 100円的清潔費,就可以走進去一窺這齣電影的多個場景。


這座前身是高級食店的旧割烹小幡荒廢了好一段日子,現在又給重新賦予了生命。


地下一層是NKエージェント事務所的辦事處,一景一物,不管是水壺、沙發,還是靠在牆邊的三具棺木,完完全全是在電影中看到的模樣。


桌面還放上男主角大悟當初看到的“旅行啟程助理”招聘廣告。


浴場鶴乃湯老闆娘入殮的地方,就在二樓的一角。


走上三樓,是社長一面燒着魚子一面和大悟談人生哲理的地方。看,那兩件魚子還在烤網上。


其實電影中還有一些場景想去,例如大悟在平原上彈着大提琴的地方,就在遊佐町的月光川河川公園,而鶴乃湯就在幾個站之外的鶴岡市,但奈何一南一北,電車班次也不很頻密,只好作罷。況且,我們還要趕回さかた海鮮市場吃午飯啊!

25 comments:

naruto said...

浴場個場景呢?仲有山上面劏雞個景呢?

卡臣 said...

去到禮儀司個景
好嘢呀

largeheadboy said...

naruto︰咪講咗浴場同埋有山上面劏雞嗰度喺邊囉,不過無時間去啊~

卡臣︰其實男主角扮死人拍片嗰個劇場都喺酒田市內,不過都係時間關係,殘念啊!

l.minor said...

多謝你嘅禮儀師場景嘅分享,咁酒田市重有冇其他野睇呢?

瘋膏 said...

果然好少人, 完成醒唔起可以看禮儀師的場景, 謝謝介紹。

小彭 said...

好想去呀~
如果你去埋大悟晌平原上拉大提琴嘅地方, 我可能會即刻打電話訂機票都似, 仲帶埋支笛去吹~

galaxy said...

哎呀, 日本加實景版universal studio

largeheadboy said...

l.minor︰咪仲有個山居倉庫同埋相馬樓囉。跟住去食嗰間野都係長龍店,留意下集呀!:p

瘋膏︰其實都有啲人架,不過無入鏡之嘛。呢度真係值得一看架。

小彭︰去喇去喇,最多我喺河邊搵多幾塊石畀你片喇。$1,888 咋 jal~

galaxy︰不過就無得畀人試瞓落個棺材囉。噢,大吉利是~ :p

紅米奇 said...

原本已忘記的戲被你D相勾起回憶啊, 尤其是見工那幕

largeheadboy said...

紅米奇︰呢齣戲幾好睇啊,之前電視播返我都有睇,如果依家又有得睇應該有唔同嘅感覺。

小彭 said...

你帶團呀? 好呀好呀! 要去埋皇居同鐵塔喎!出咗機票未呀你? 我揀坐內陸機去呀! 已經練緊大悟拉大提琴個段樂曲架喇!

largeheadboy said...

小彭︰團長都未出機票你咁快就出咗先?飛庄内空港呀?不過記住後面個山要有雪先好去呀!

lau2tang said...

大頭你帶團呀!
好嘢!我又跟~

小彭 said...

未出呀, 等緊你呀嘛~

largeheadboy said...

劉鄧︰你夠膽跟我呢個“行家團”我唔介意帶呀!:p

小彭︰又有新低喎,西北 $1,540,要從長計議過!

ROY said...

套戲無睇過呀,我好怕睇d喊苦喊忽既戲......

飛啦飛啦,遲d yen十二算添呀~

lau2tang said...

大頭帥哥,
無咗西北好耐囉喎~
你就到我的時間ge話,行就行啦!
呢兩日無租車,真係行到我腳跛!睇黎都係返唔到轉頭架嘞~

ayclui said...

NKエージェント事務所--> 呢個正呀~套戲真係睇到我眼濕濕...酒田市好似好清靜咁, 無乜人嘅?

快d 出下集啦, 我都出咗 DAY 8 啦~

largeheadboy said...

roy︰呢齣戲都唔算好喊苦喊忽吖,有機會喺返電視做咪睇下囉~
我等緊日本出手搞下啲 yen,但係依家個勢真係十二都嚟緊喇!

劉鄧︰達美好唔順口呀,同埋我呢啲上一輩嘅,改唔到口呀,正如唔會話搭港鐵都仲係地鐵囉。
呢兩日札幌小樽之嘛你,行極都有個譜啫。

ayclui︰酒田市除咗山居倉庫同埋個海鮮市場,真係想搵個人都幾難呀!呢齣戲我都有啲眼濕濕呀,我簡情的豐富架嘛~ :p
嘩,你突然去到第九日喇,要追返先~

小彭 said...

先生叫我唔好食日本東北嘅牛肉喎, 咁應該連當地物產都唔好食, 咁點呀?!

largeheadboy said...

小彭︰我之前喺青森食咗四碟牛,仲食咗好多果物飲咗好多牛奶,要唔要過去 check 下呀?

小彭 said...

要呀, 快d返去日本check下啦~
$1540, 唔去等幾時呀!

largeheadboy said...

小彭︰但係尋日新聞又話福島個核電廠啲幅射又突然超標好多喎,都唔知點~

lau2tang said...

我係桑園Aeon見到一箱福島水蜜桃9個中號size都係賣980円,想抬一箱返黎,點知`大寶制止~如果係我自己一個人,我一定買一箱返黎!

largeheadboy said...

劉鄧︰桑園 Aeon 正呀!可以行得好開心架!係我就抬夠兩箱返嚟喇,不過福島產嘅就......