Wednesday, December 21, 2011

第一回︰京都へ

雖然多數睡不着,但就是喜歡坐凌晨機晚上還在香港但天一光就已經身處另一個國度的感覺。當然,盡用外遊時每一分每一秒向來也是我的旅遊方式。


所以這次到日本,當發覺大阪晚機返的班次已經賣光,我就選擇了東京的航班,即使行程應該飛大阪或名古屋比較適合。這個決定的代價,就是要多花一大筆張羅全國的火車證,而且到埗後還要直奔京都。


十二月中旬京都瘋狂的賞楓季節剛剛過去,旅館的房租從天價回落,選擇也多得很。幾經考慮,放棄了京都中心區四条河原町的旅館,改為住進京都駅的ホテル近鉄京都駅,因為這旅館在剛過去的十月才開張。更重要的是,它位處京都駅這龐大的建築物之內,亦即是所謂的“駅直結”。


早上六點鐘下機,折騰了一輪,來到京都已經過了正午。拖着行李,從新幹線中央口走出來,一分鐘就直達旅館,方便得無話可說。


ホテル近鉄京都駅的位置、房租和新淨程度絕對吸引,足以彌補房間不算太大的缺點。由於房間面積有限,掛衣服的地方就藏在床頭後面,不過我倒很喜歡這個設計。


房間外面還可以看到新幹線的月台,所以窗簾要經常拉下啊!


隨便逛過京都駅旁邊的 Aeon Mall 後,就回到車站一心去 Pastamore 吃份量加大、大和中一律是 780 円的意粉,不過途中卻被孫兵衛這個冬期限定的炸蠔定食攔途截劫。


每次來京都,總要替京都塔拍照留念,否則好像沒有來過京都一樣。類似的照片,我的電腦內不知已收藏了多少張。


今年京都的紅葉期比往年遲,所以我一直希望在京都的這兩三天可以看到尚未散落滿地的紅葉。趁下午陽光還算很燦爛的時候,就趕忙前去京都駅兩三個街口之外賞銀杏的好地方東本願寺


很可惜,這裏的銀杏樹等不到我,金黃色的葉片很多都已掉了下來,連地上面的都給很勤勞的工人清理掉。


不過只要細心一點,還可以找到它們的蹤影。


這次到京都,另一個目標就是到神戶看為紀念 1995 年阪神大地震而舉辦的神戶光之祭典。為期十二天的神戶光之祭典,每年都吸引數百萬人來觀看。數不盡的燈泡,把整個城市照亮起來。


有火車證在手,本應可以坐新幹線到新神戶。不過想到要在新神戶轉車到會場,有點轉折,還是坐慢一點的電車到神戶好了。


從元町駅走出來,已經看到實施了人潮管制措施,所有人都要按照指定的路線前去會場。之前做了功課,知道光之祭典的入口就在元町駅旁邊,所以坐新快速列車到了三ノ宮後再轉坐普通列車到元町,省下一些腳程。


在元町街頭跟着人潮走走停停差不多半個小時,終於來到位於仲町通的會場,全場即時被眼前的景象攝住,紛紛舉起相機來。


什麼東西都是在現場看來得震撼得多,一排一排的燈架,構成一條深邃而又極富立體感的光之隧道。


今年日本也經歷了一場世紀災難,這個為復興當地而舉辦的紀念活動也有向東北地區提供援助,令今年的光之祭典多了一重意義。


穿過光之隧道,回頭一看,全是密密麻麻的人頭。


別以為光之祭典只有這條光之隧道,東遊園地還有更精彩的東西等着你。


為了這些畫面,花一個鐘頭從京都過來然後再在冷風中走一個晚上也是值得的。


令你覺得物超所值的,還有一串才賣 400 円的神戶牛。


看夠後吃飽後是時間回京都了,這個時候三ノ宮駅的月台上擠滿回家的人潮。


前一晚在飛機上幾乎沒有睡過,然後今天又跑了一整天,精神有點委靡之餘雙腿也酸軟得像不屬於自己的。回到京都,到 Pastamore 吃了一盤加大份量的意粉,再加上 551 蓬萊的燒賣、草莓、蜜柑和牛奶做宵夜,算是給自己一個補償。

34 comments:

supageti said...

居然有遊記呀吓 ~~~ :P

小彭 said...

嘩... 好開心呀, 有爛尾遊記睇! ^^

Ah ming said...

好嘢,有直播呀,(鼓掌)!!!

largeheadboy said...

意粉、小彭︰或者下次去旅行只係去一兩日,咁個遊記包保唔會爛尾~

ah ming︰唔係直播架,呢日係 12 月 11 日發生嘅~

naruto said...

屋頂果張,我比好高分

今次去左幾日?諗住寫到幾日?我連茶果嶺都唔爛尾呀,搵次寫哂佢啦

largeheadboy said...

naruto︰好野,有人讚 :p
今次去咗八日,我諗應該可以寫到第五日嘅,如果我勤力啲嘅話~

卡臣 said...

我都好耐無去過京都...大約17年

largeheadboy said...

卡臣︰17 年無去過,一係就好掛住,一係就對呢個地方感情唔深。你係邊隻呢?

l.minor said...

好詳盡喎~

日本我唔知幾時先會再去,唉~

Cat said...

第十一張(本願寺)果張,好靚呀!
點影架?你係咪隊個相機埋去影架?

TY said...

有兩三日遊記睇我都好開心架啦~~加油啊!

來年三月我應該會去京都走一趟,為參加京都馬拉松的朋友打打氣~~

maymay said...

光之隧道熱唔熱架呢?

largeheadboy said...

l.minor︰依家日本周不時有特價飛,睇下你幾時忍唔到手先~

catherine︰好似好多人都好 like 呢張喎~
唔,相機有個功能叫 zoom 架嘛 ^_^

TY︰我會加油架喇!
嘩,去睇馬拉松好開心呀,你又跑埋一份嘛 :p

maymay︰嗰啲唔知係咪 LED 燈泡,完全唔覺得熱,反而天氣就有啲凍~

ayclui said...

本願寺果張,好靚呀 x 2
果間pastamore 係咪淨係得京都先有呢? 好吸引啊~
另外551燒賣好食嗎?
請繼續寫遊記丫, 好睇啊~

largeheadboy said...

ayclui︰thanks~
tabelog 話 pastamore 有另一分店喺神奈川武蔵溝ノ口駅,不過應該無乜機會會去架喇~
551 燒賣都 ok 架,成舊肉好滿足!
我會努力寫得一日得一日架喇 :p

lau2tang said...

想問,本願寺那張是用哪一部相機影的?

supageti said...

又話唔凍既?

largeheadboy said...

劉鄧:咪就係用我地嗰部 panasonic 囉。今次帶咗四部可以影相嘅嘢,另外仲有女友一號、canon 細機同埋 iphone, 畀人話我痴線~

意粉:其實整體係凍架,不過有時室內同埋行完好多路就好熱。好多時都標晒汗。

紅米奇 said...

咁不如倒轉來寫, 寫last day先, 咁可唔可以叫唔爛尾, 至多係爛頭囉

小 妹 said...

本願寺那張是zoom去影的, 對嗎? 我都好喜歡去用長焦鏡去捕捉細節.

551 燒賣, 次次見到都好想食, 但又覺得在日本食燒賣, 有點怪咁囉.

Rempei said...

祝聖誕快樂,工作順利。

卡臣 said...

聖誕快樂!

ayclui said...

大頭, 祝你聖誕快樂~

小彭 said...

其實日本燒賣都好味呀, 今次我食咗牛舌燒賣... 即係餃子咁, 日本餃子都好好味!

maymay said...

大頭哥 聖誕快樂!

largeheadboy said...

紅米奇︰你呢個提議好唔錯,我成日覺得行程最後嗰 part 冇記錄唔係咁好,就下次喇 :p

小妹︰係呀,部 lumix 有 18x 對焦嘛
日本燒賣好好食架都,冇香港啲咁實。本來想買埋 551 嘅蝦燒賣添,不過團友唔食得蝦~

rempei︰大家咁話呀!

卡臣︰你都係喇~ ^^

ayclui︰謝謝!

小彭︰牛舌燒賣咁過癮?即係好似我地啲豬潤燒賣咁呀?

maymay︰聖誕快樂呀!

joeyee said...

今朝睇左本雜誌講神戶光之祭, 我同自己講出年十二月要去一次, 估吾到夜晚對住個電腦又講多次. 靚靚呢.

吾夠瞓都可以食咁多野, 原來你都仲有好多本錢啊!

話時話, 好番未?

largeheadboy said...

joeyee︰咁依家睇多次出年十二月就可以揀第二度去喇~
唔單只唔夠瞓可以食咁多嘢,我連病都可以食咁多嘢架!
仲未好呀,依家仲咳醒咗瞓唔返~

lau2tang said...

有無睇醫生呀?病就要戒口啦~

largeheadboy said...

劉鄧:無睇醫生呀,諗住吽吓吽吓就好返,點知就病足成個假期,蝕晒。戒口哩......

galaxy said...

身體健康、新年快樂

largeheadboy said...

galaxy︰謝謝!你們一家人也是啊!

ayclui said...

大頭, 祝你新年快樂, 身體健康, 日日有食神, 時時有jetso~

largeheadboy said...

ayclui︰真係啱聽呀!大家咁話!