Sunday, January 14, 2007

富士山下

從沒計劃到富士山,只記得某年在東京池袋大都會飯店頂樓的餐廳吃早餐時,看到遠處有一座類似富士山的物體。那一刻,餐廳內的歐巴桑都像看到神祇一樣。



富士山還沒有到過,但同樣是“山”,離它幾百公里以外的高山反而半年內來了兩次。



兩次到高山,都是搭單順帶一遊。上次是為了盡用那 14 天全國火車證,北至知床,南至京都,在北海道與本洲之間狠狠的走了一遍。高山,只是為了令那火車證沒有閒置的一天。



今次再遊高山,也只是為了取道到白川鄉看合掌屋去。高山是否真的沒有什麼吸引之處讓我只為它而來嗎?



每次走在高山市的宮川上,看着紅色欄杆的中橋,都會想像每年四月高山祭時,人群和屋台在櫻花下互相擠擁的風光。



或者不用等到櫻花開了幾轉,在四月,我會再次跳上高山本線往高山去,目的就是純粹為了到高山去。



在這一刻,我想,富士山的確如《富士山下》的歌詞一樣,一早比一世遙遠。

不過,既然陳奕迅都可以拿走無線的最受歡迎男歌手獎,也許是時候要到富士山去。

18 comments:

Wordy said...

不知何故,讀完此篇,我就如盒子上那笑不攏嘴的猴寶寶 :)

如果你四月去富士山/高山,七月去北海道(據你所言),讓我想想有什麼水貨讓你帶回來……吓 :)

大頭仔 said...

能令你開心不用日日傷春悲秋何樂而不為呢?

Roy said...

大頭4月又飛嗱?

小彭 said...

大頭以行家的身份, 絕對可以行上富士山! ^.^

Wordy said...

好端端的話,我不會無緣無故傷春悲秋的。假如我得五歲智商,事情發生了就馬上能忘得一乾二淨,該多好啊,哈哈!

Roy:
佢講你又信?

Ah ming said...

做乜今日個個係度放毒,搞到我家陣又症發

大頭仔 said...

萊少︰我真係好想好似你舊年四月去轉高山啊!

小彭︰咁又係,我依家仲算有氣有力行得一陣,過多幾年就唔敢包 ^x^

wordy︰那你去找《無痛失戀》裏面的醫生吧 ^d^

ah ming︰你今年是否又會在四五月過去呀?

Wordy said...

找來幹嗎?我又不用刪掉什麼記憶。還是你經常光顧?

Anonymous said...

大頭:想去就去啦。^o^

其實呢隻歌既歌詞寫得好差,唔明點解可以炒到咁熱。

貝拉 said...

大頭原來文筆也不錯呢! 日本幾時都想去啦!

二月魚魚 said...

如果今年唔係eason攞,而係古巨基的話,你咪要入深山搵human﹖努力賺OT同賺錢,一定有得你去﹗

大頭仔 said...

wordy︰對,一切記憶都是成長一部分。

意粉︰我淨係覺得《富士山下》呢首歌好好 feel 。

貝拉︰唔好讚我啦,我會囂架 ^g^

二月魚魚︰好彩唔係古巨基攞啫!仲有,補假係唔可以外遊的 ^p^

Roy said...

睇黎大頭真係好鐘意高山~
4月去既話可以去埋奧飛驒,平湯,松本果頭......

大頭仔 said...

奧飛驒同埋平湯溫泉都好想去
可惜太多地方太少時間太少金錢 ^t^

Anonymous said...

時間同金錢大頭多的是啦!

小妹 said...

唔明最後果句"既然陳奕迅都可以拿走無線的最受歡迎男歌手獎"呀? 係咪因為你唔like陳奕迅呢?

大頭仔 said...

意粉︰時間同錢相信無人會嫌少

小妹︰心想以陳奕迅跟其他男歌星與無線的關係,他獲獎確令人感到意外
我好鍾意陳奕迅架 ^w^

lau2tang said...

你又知他們的關係欠佳?
坊間的傳聞,尤其是傳媒的炒作,不能盡信!