Sunday, March 11, 2007

星期日.加油

自一月中開始過了個半月“臨時工”生涯,能夠暫時放下現有工作,幹些新鮮的刺激的,人也份外有朝氣。剛過去的這個星期,終於要返回自己的工作崗位,繼續應付不知如何入手的工作,感到沮喪之餘也有點不習慣。再加上這幾天工作很多,人累得很,下班後什麼東西都提不起勁。最慘的就是連天氣也是陰陰寒寒,整個人像失去了方向,沒有動力。



今天,決定效法網友意粉來個美食治療。

中午到了尖沙咀的和宴吃燒烤,點了雞肉定食和雜錦定食各一。一不做二不休,兩份定食也選了大盛。



泡菜和沙律都很開胃,絕對可以下一大碗白飯。



燒肉實在很好吃,我忍不住連吃了兩碗白飯。



美食治療過後到了中環,打算到剛開幕的 H&M 進行另一類治療。香港人真的很貪新鮮(當然我也是),我們輪候了差不多半個小時才可以進入店鋪內。不過排排隊也是值得的,因為這裏的衣服確是很不錯,一個多小時下來在你擠我我擠你之間,我們共掃了三袋衣服。



星期日不替自己加加油,隨後的五天真是不知如何撐下去。

26 comments:

Wordy said...

燒肉已經很肥膩,還要兩碗白飯,你真是豁了出去,哈哈 ~

你不是說只在日本買衣服的嗎?介紹一下 H&M 的戰利品,等人少了我有錢時,去掃掃貨嘛。

lau2tang said...

多謝大頭仔來振興香港的經濟!

largeheadboy said...

wordy︰豬肉真的很肥,但下飯一流!況且今日很肚餓。
排了咁耐隊,唔買啲嘢好似好對唔住自己!唔駛有好多錢都買到嘢架!你少吃一頓壽司廣也買到幾件衫喇 ^t^

劉鄧︰今天的確大出血!香港有希望了 ^u^

Anonymous said...

哎呀~唔記得H&M要開添,星期六在中原電器花清光晒D利是錢啦!

工作方面, 加油哦!

supageti said...

和宴午市定食好抵食,不過,下次美食治療記住請埋我,效果一定更好!

largeheadboy said...

小妹︰過多一兩個禮拜先去 H&M 相信更好,有些衣服已斷了碼,到時可能先有新貨,而且應該少些人。
在中原買了些什麼?相機?

意粉︰或者我以後個個禮拜都會去和宴,實在太抵食了!你肯賞面,點大盛再加烏冬又點話吖 ^t^

Wordy said...

和宴晚市的牛排肉和牛舌都不錯,但午市價錢實在吸引。很少吃米飯,太肥膩肚子會整天不踏實。

去壽司廣也可以吃得便宜。純看購物袋和少許風評,H&M 像番鬼佬佐記,但未碰過物料,不知是否物如所值。「排了隊不買白不買」?怪不得有人喊你「師奶」,哈哈 ~

Anonymous said...

對啦, 新DC入手啦.
不過...唔好問我做乜去完旅行至買! >.<
去和宴食lunch, 也要預埋我哦!

Anonymous said...

食咁多野,大頭仔想變"大肥仔"乎?!

Anonymous said...

wordy︰和宴午市實在超值,晚市巧貴,要為荷包著想啊!
h&m 的確像佐記或 uniqlo,但價錢平,款式不錯。百零二百蚊,你仲想點?

小妹︰買了萊少那部?唔緊要喇,下次再去拍些更好的回來!
呢度都好多和宴 fans 喎 ^o^

maymay︰一 d 都唔多啊,兩碗飯男仔好正常啊!況且燒肉超好吃 ^t^

lau2tang said...

和宴我都未去過喎!
做乜唔叫埋我呀?

Anonymous said...

劉鄧︰你搵日出開黎真係要試下,超好吃、超想再吃!又搵個周未喇就(個 list 越來越長添 ^t^)!

Anonymous said...

我尋日都去咗H&M 呀.
但.. 比我想像差喎. 啲款好BASIC, 唔算TRENDY, 但價錢真係出口店咁喎!
但我有把H&M 縮骨UMBREALL, 唔洗錢呀!!!!!!!!
因為我排隊時下了點點RAIN, 所以佢地好貼比咁送了把UMBREALL.
印象分唔錯.
咁, 唔差在請埋我一份喎. 大家識咁耐!!

Anonymous said...

grace︰你昨天什麼時間到 h&m ?跟你緣慳一面添!尋日排隊我都有落雨呀,但冇人派遮呀,成百幾蚊把架!搵日落大雨再去排過先 ^t^
我一把年紀,basic 野最啱我,太潮的玩唔起啊!你有乜收獲?

Ellen老師 said...

H&M真係咁值得去一趟???

Anonymous said...

係咪約埋一齊去和宴食lunch?

小妹部新dc唔係我果部~

頭先買左兩個永樂園熱狗聽朝早餐食~~~

Anonymous said...

ellen︰H&M 價廉物美,絕對值得一遊,不過呢排應該仲會好逼人。

萊少︰去和宴食 lunch 我絕對無問題,日日奉陪都得呀 ^t^
仲以為小妹看上你部玩具添!
好似話永樂園啲熱狗加咗一蚊喎!點解唔即場幹掉呀?

lau2tang said...

熱狗擺過夜仲好食o架咩?

largeheadboy said...

係呀,啲醬汁會搞到個包濕立立 >_<

Anonymous said...

今朝做早餐嘛,都ok既,尋晚買7蚊隻。

日日食燒肉我頂唔順架....

Anonymous said...

7 蚊就真係起了 1 蚊了。佢地唔憂做似的。

咁就每個禮拜先食一次燒肉喇 ^e^

Anonymous said...

我去到點幾, 無人排隊. 但走咗去檀島食咗野先. 再去已經有人排隊. 好彩一陣啫. 你呢?
把遮咁貴咩? 唔會啩? 佢啲野都算平喎. 我買咗件t-shirt 咋. 好多人.. 真係怕怕, 看到無心機.

Anonymous said...

原來繼皮蛋加左5毫,熱狗都加左1蚊.......

largeheadboy said...

grace︰我三點幾到囉!早知早啲去啦!把遮真係百幾架,唔要畀我喇!

萊少︰可惜我地人工仲未加,嗚~~

Anonymous said...

咁我相信大家一定曾經同時間在店內, 只是無緣踫面啫.

largeheadboy said...

那時候我應在地庫埋首摷衫,就算你喺隔離我都唔得閒理你!^d^