很喜歡打羽毛球，可以藉此機會跟網友聯誼一番之餘，又可以舒展一下漸硬的筋骨。你可知道，運動對人十分重要，尤其是那些已經步入中年，兼且皮帶扣已扣到最鬆的人。
咦，某網友果然無論上面和下面都入了鏡喎！唔知駛唔駛打格呢？
喜歡打羽毛球的另一個原因，就是可以讓自己盡情出一身汗，完全無需理會汗臭會影響到身邊的人。打完波後，即時來個冷水浴，那一刻，你彷彿可以感覺到身體的每一個毛孔都在呼吸着。最後再噴上些止汗劑，整個人頓時煥然一新。
家裏的三支止汗劑，分別購自三個我想念的地方。
其實，周末羽毛球活動最令人期待的地方，就是之後的飯局。在街坊的指點下，我們到了附近的一家酒樓，還剛剛好可以享用他們的下午茶優惠。對於一心只在乎傾計的我們來說，食物好吃與否都不太重要，不過這家酒樓的點心確實很不錯。
我們天南地北，扯東扯西，不知不覺便談到十畫還沒有一撇的日遊計劃。唔，難道我真的要在年底之前考個車牌回來？
25 comments:
大頭：你都好姿整下喎。
噴了Gatspy後,大頭會變成木材拓哉一般的有型嗎?
大頭
「家裏的三支止汗劑，分別購自三個我想念的地方。」
萬寧都是你想念的地方耶~~hehe~~
你考了車牌，就可以多架車載行李啦！
咩十畫還沒有一撇的日遊計劃呀？出左行程表啦~~有希望~~有希望
大頭仔，
你錯了，十畫已有一撇！還欠多少東風和一位有車牌的男士啫！
大頭咁鍾意食野梗係要做多 d 運動啦。
小妹，唔駛估喇話，呵呵！
究竟大頭晌萬寧發生過咩事令佢想念呢？
拿拿臨星期一就去問下學車事宜~奸爸爹
某某︰唔係姿整呀，係有需要呀！我很大汗，沒有它，出到街個人會冇晒自信心啊！
小妹︰老實講，噴唔噴都一樣咁有型架喇！^t^
最多今日畀你驗證一下囉，哈哈！
ellen︰萬寧好，怎樣也比屈銀紙好！
好灰呀，只有行李坐我架車！
出 post 時還未知某男團友和某女團友做晒功課，依家真係有一撇喇！有希望有希望！
劉鄧︰估唔到大家咁勤力，我都要做番啲嘢先。各位團友入住啲錢去我戶口度先，日圓再見 6.33 我就幫大家入貨吓！^t^
意粉︰我每星期至少有兩日打波架，所以先至有依家咁 fat ，噢，sorry ，是 fit 咋！
係喇，我都係咁話，唔駛估喇話！^r^
roy︰萬寧係因為佢當時有特價吖嘛！^u^
真的要去學車嗎？好大壓力喎！況且得半年時間都冇……
某網友是不是指被「遙舉球拍半遮面」的那一位？
唔只上面下面，仲有前面，哈哈！
phone 爸︰果然給你一看便看到了，有些人仲以為是“全身墮進網中人”添！哈哈！
意粉︰走唔甩了，依家上面下面仲有前面都露晒出嚟 lu ！某網友要小心仇家啊！^t^
原來大頭仔吾止係"行家", 仲鐘意打羽毛球! ^^
joeyee︰死喇，原來我“行家”之名咁響架！不過行多啲好啊，總算是種運動啊！
我每個禮拜都有一日在午飯時候跟同事打羽毛球架，不過就趕得多了。
大頭, 做下運動好丫。
另外你那三支是屬於止味劑, 即係話你仍然會出汗, 但噴左佢, 可以遮蓋出汗後的體味。
止汗劑是 Anti-perspirant, 搽左佢就真係減少或防止出汗。
長沙灣依個場好似唔錯喎，幾新淨咁呢！
下次仲想唔想再book呢到呀？
galaxy︰係呀，原來有止味劑和止汗劑的方別架！唔怪得我仲狂流汗喇！等我去找吓止汗劑先！
我都算好喜歡做運動，只是有時不易找到拍擋啊！
maymay︰你唔好畀張相呃呀，個場其實好舊，仲得四個 court 咋！而且更衣室很少啊！不過整體都可以的！下次你一定要復出啊！
長沙灣好~近我嘛:p 更衣室又有冷氣
大頭：家中問題已暫時解決，maymay可以重出江湖了！818來一場決戰如何？
大頭話個場好舊、萊少就話更衣室有冷氣好正，咁即係點呢？仲book唔book呢度？
長沙灣冇問題呀！下次之後仲可以去埋松記喎！
劉鄧話佢會卜 818 ，唔知成事沒有呢？其實如果有場，28 號都可以來個準決賽喎！今日 lunch 打了大半個鐘，唔係好夠喉！
28號上午我要上班，如果有埸都要兩點後才可以！
至於818，乜唔喺聽朝早先可以book 咩？
818未有得book架，我們祇能預早30天book場。
嗰日打完波，跟手夜晚擦番餐勁嘅！呵呵！
就算 728 唔得，804 都可以喎！劉鄧 805 才起行嗎？
818 聽日至 book 呀原來，咁你地話事喇，去邊我都冇問題。長沙灣都可以喎，之後去佐敦好方便。
728我有約呢，而且剛check過，交通適合的場已經full哂喇！
804都check過~full哂！
各波友請check e貓吖唔該！
謝謝 maymay！
勞煩晒maymay~
Post a Comment