Monday, December 10, 2007

第一章︰關西七日六夜

素有“行家”之稱的我,為求這次紅葉之旅可以盡量遊遍事先安排好的各個紅葉名所,再次發揮了我的小宇宙,每天朝七晚十一,大清早睡眼惺忪便跳上電車,然後走呀走看呀看拍呀拍吃呀吃,經過一整天,到了晚上才跟一大群上班族擠進特急列車返回旅館。悠閒地在小店嘆杯珈琲,在這次行程中絕對是件奢侈品。結果,這次到了出乎意料地多的地方,口袋裏的乘車券更幾乎沒有閒着的一刻。



七日六夜所走過的路,說多不多說少不少,可能相當於由尖沙咀來回天水圍十二次、行路上廣州六次、橫越大西洋三次、環繞地球一周半,又或者足夠登陸月球。

第一天


第二天


第三天


第四天


第五天


第六天


第七天


雖然到了上面這麼多地方,但時間始終有限,一些事前想到的地方迫於無奈不得不放棄。回來後翻看照片,發現這列在伏見稲荷駅前平交道上的電車的目的地,正正是這次行程騰不出時間前去的奈良。



奈良,就留待下次吧。

19 comments:

lau2tang said...

好靚呀~
我妒忌~

largeheadboy said...

等吓喇,或者過多幾年十二月尾先有紅葉睇!
我睇返啲相都覺得好靚,但始終現場看更加震撼。

ROY said...

除左第4、5日差d,其他既天色都好藍~

Wendy said...

嘩, 好靚呀, 又勾起我05年既美好回憶添, 睇左幾年紅葉, 還是京都最合心意.

Ellen said...

唔好再提睇紅葉啦!唔該!

largeheadboy said...

roy︰第五日早上一直在下雨,要到了下午才轉晴。不過整體來說嗰幾日天氣都好得無話可說。

wendy︰你是 ec2 的網友吧!^t^
我前年都到了東北看紅葉,當然也很美麗,但原來京都的紅葉又比東北的高了一級。今次只待在京都三四天,覺得很不足夠,有機會要再慢慢細看。

ellen︰唔得喎,應該仲有排講喎!^t^
之後仲紅啲呀!

小妹 said...

何上妒忌呀? 嬲死人添呀!
嗚嗚嗚, 點解我無得去...

清水寺light up起晒星星喎.
你有搵到腳架位長曝?

Wendy said...

係呀.

我覺得睇紅葉, 東北同北海道始終不及京都. 我上次留左四天半, 但仲有好多景點都未去過, 睇嚟明年都係時候去重溫舊夢喇.

largeheadboy said...

小妹︰下年喇就!順便幫我買啲 mister donut !^t^
清水寺我等咗好耐至攝到位把相機放在一個斜的告示牌上,曝成 13 秒,單靠石膏手完全唔得呀!腳架,清水寺內隨處可見。

wendy︰我都係咁話,總覺得京都的紅葉密集和震撼得多,再加上寺院的襯托和附近的氣氛,感覺更好。唔怪得京都在紅葉季節啲房一早就大爆。下次看紅葉,我也會選京都。

Ellen said...

大頭~~
你知道不聽老師的話,後果是非常嚴重呀!

小彭 said...

影得好好喎! ^.^
其實個mister donut x simpsons係咩味架?

largeheadboy said...

ellen︰最多咪罰抄罰留堂,依家啲細路好反叛架!^t^

小彭︰睇嚟部新相機真係冇買錯!
件 mister donut x simpsons 蛋糕其實有四種口味︰栗子、古古力、草莓和綠茶,全部都好好味。cream 下面是海綿蛋糕,入面仲有啲吉士醬。好想再食!

Ellen said...

沒收芝士蛋糕呀~~~

largeheadboy said...

嘩,呢招最毒!

Ellen said...

更毒就是罰你睇住我地食,你無得食呀!

largeheadboy said...

嘩,呢啲係乜嘢老師嚟架?

Ellen said...

女王の教室~~

Rempei said...

你就好啦!又去日本!

largeheadboy said...

rempei ,你都起行有望啊!