Thursday, January 10, 2008

第十章︰河童壽司

零四年春天,福島會津若松,偶然走進了河童壽司這家全國性的迴轉壽司連鎖店。105 円一皿的壽司當然是普通貨色,但那寬敞的座位和自成一國的空間,令我對這店子產生了一份很特別的感情。



零六年夏天,京都,祗園祭的晚上,經過一整天勞碌,在河童壽司位於三条河原町的店子大吃了一頓。



零七年秋天,京都,夜遊清水寺後,再次走到三条河原町的店子。沒見一年,店子除了一般的迴轉壽司帶之外,還增添了新幹線服務,只需按屏幕上的選項,沒多久一列新幹線就會把所選的壽司送到座位前。



這天,我們共吃了 28 皿壽司,很滿足,真的很滿足。



離去時還在店內買了兩個 kitty 電話繩。浸在三文魚子中的 kitty 怎樣也比那兩隻河童可愛。



零七年冬天,在城崎溫泉往天橋立的 312 號國道上,我再次與河童壽司相遇,可惜這次擦身而過。

16 comments:

光.軍 said...

28依個數字係咪為咗迎接2008 o架? o個兩雙Hello Mimi好Kawaii呢 :D

Anonymous said...

Next time we can always visit the restaurant again...don't worry about me (there are sufficient things to fill my stomach), Ricky

largeheadboy said...

光.軍︰哈,又冇咁諗過喎!不過食親迴轉壽司,我都鐘意食雙數數目,習慣咗!^t^

ricky︰係,有白飯架嘛!^p^

Anonymous said...

乜野係"一列新幹線就會把所選的壽司送到座位前"?

個hello mimi超可愛,好似漢緊泡泡浴咁好寫意~

Anonymous said...

乜野係"一列新幹線就會把所選的壽司送到座位前"?

個hello mimi超可愛,好似嘆緊泡泡浴咁好寫意~

supageti said...

28 皿,好利害喎!

largeheadboy said...

roy︰除咗壽司帶,佢地仲可以畀你點壽司,壽司會由另一條輸送帶經一列新幹線送來。左下角那張相便有架新幹線呀!幾好玩架!
係喇,mimi 仲要凸出兩隻腳喎!^t^

意粉︰我都話我大食架喇!其實食多一兩碟都冇問題。今次年末年始團友都見識到喇!

Anonymous said...

WOW... 用新幹線送來的壽司, 就算唔好食都真係好玩又得意呀!

maymay said...

呢兩隻kitty仲吸引過d壽司喎,如果你送俾ellen實開心死佢。

Anonymous said...

咁架新幹線會唔會被人截劫?

Ellen老師 said...

大頭聽到未呀?kitty送比我呀!哈哈!

的確,大頭確實好大食!

lau2tang said...

這樣才叫開懷大嚼嘛!
做你個領隊都叫做有啲安慰。

Anonymous said...

我反而被kitty吸引住,好可愛呀!

largeheadboy said...

小彭︰係呀,真係又好好玩架,連我地唔識日文都舞得掂啊!

maymay︰shhhh ,唔好咁大聲呀,畀佢知道唔得掂呀!

roy︰點會呀,佢會停喺你個位前面,仲會有鐘提醒你啊!就算真係畀人攞咗咪再叫過囉!^t^

ellen︰好,下次你過到去就知道邊道有特別 kitty 賣囉!
唔只大食,仲好為食!^p^

劉鄧︰係喇,返到嚟仲畀人話我肥咗臉又大咗添呀!

貝拉︰呢兩隻 kitty 真係好可愛,連不是大 fans 的我都忍唔住要買!

Anonymous said...

嘩! 28皿...我想我最勁是兩個人吃15皿吧?

河童吉蒂是真的和河童壽司crossover, 定咁o岩係河童造型來呢?

largeheadboy said...

小妹︰兩個人至 15 皿?我一個都得喇!
真係 crossover 嚟架,所以覺得特別有收藏價值。