用了幾天，還沒有發覺 vista 有什麼大問題。或者我平日都只是上上網打打字，對電腦的其他操作一概不聞不問，所以到目前為止我還是對 vista 很滿意。
新電腦來了，舊電腦又怎樣處置好呢？今天下午走到深水埗，買了一個 19 吋屏幕、一個 router 和兩條 LAN 線，然後立即跑回家裏裝裝拆拆。花了個多小時，想不到我這個電腦白痴也可以成功把兩台電腦連線起來。
看，現在我的家終於轉型成為網吧了！
the boring, routine but sometimes funny bits and pieces from the world of largeheadboy
Sunday, January 20, 2008
網吧
上星期逛電器店，看到一台不連顯示屏的電腦才賣三千元，規格也很合心意，考慮了一會就決定把它抬回家，取代我那台用了三年多、慢得可憐，有時恨不得狠狠把顯示屏打爆的舊電腦。就這樣，我現在也晉身成為 vista 的用家。
用了幾天，還沒有發覺 vista 有什麼大問題。或者我平日都只是上上網打打字，對電腦的其他操作一概不聞不問，所以到目前為止我還是對 vista 很滿意。
新電腦來了，舊電腦又怎樣處置好呢？今天下午走到深水埗，買了一個 19 吋屏幕、一個 router 和兩條 LAN 線，然後立即跑回家裏裝裝拆拆。花了個多小時，想不到我這個電腦白痴也可以成功把兩台電腦連線起來。
看，現在我的家終於轉型成為網吧了！
用了幾天，還沒有發覺 vista 有什麼大問題。或者我平日都只是上上網打打字，對電腦的其他操作一概不聞不問，所以到目前為止我還是對 vista 很滿意。
新電腦來了，舊電腦又怎樣處置好呢？今天下午走到深水埗，買了一個 19 吋屏幕、一個 router 和兩條 LAN 線，然後立即跑回家裏裝裝拆拆。花了個多小時，想不到我這個電腦白痴也可以成功把兩台電腦連線起來。
看，現在我的家終於轉型成為網吧了！
Subscribe to:
Post Comments (Atom)
22 comments:
基本上舊機有用既野搬去新機度就可以退休了~
部舊機仲用黎做乜鬼？
一個人點樣可以同時用兩部機？唔通左手同右手對打？舊機就用來做backup算喇。
嘻嘻!我們家2人3機,書房的陳設簡直像個老翻工場
恭喜你成為網吧主人了.....好極,我都唔識將兩部電腦連埋一齊......
roy︰部舊機仲用到啊！我想等佢自動退休先，用到佢盡吖嘛！^t^
意粉︰兩部機上網就唔駛再排住隊喇！雖然用部舊機上網真係好龜速。
劉鄧︰我都話我一家大細，成日爭機用架喇！依家一人一電腦，人人有網上呀！^o^
歐巴桑︰哈哈，做完網吧之後我下一個目標都係轉做老翻工場！
貝拉︰原來買個 router 番嚟跟住說明書做就可以兩部腦同時上到網架喇！真係簡單到自己都唔信！你叫小蝦幫手喇！
一家大細？
喺噃，我唔記得你屋企有小強添~
話時話，三千元一部電腦真是平得好緊要！我記得家中第一部電腦買時要接近一萬。
砌機平好多，不過要自己囉．
用o左三年等佢自動退休有排o咼，等到睇見佢都眼怨會快o的 ......
劉鄧︰我依家呢部 2G RAM，320G hard disk 才賣三千蚊，所以真係覺得幾抵玩。依家啲電腦嘢也越賣越平，19 吋 mon 也是千七，以前唔過二千都唔駛諗呀！
小娜︰我以前都砌過機架，但係唔知搞錯啲乜，行得唔係咁順，所以依家寧願買廠機好了。
舊機眼冤咪用新機囉！^t^
點解睇到大頭話屋企變網吧, 我會想起"行運超人"裡的鄭中基嘅!
恭喜哂喎榮升老闆 :p 要請網上輔導員的話．記得優先考慮我呀。部舊機用嚟做Backup都唔錯架。
家陣用慣 vista，覺得好ok喎！
小彭︰冇睇過《行運超人》添，搭唔到咀。不過最緊要唔好似鄭中基在《龍咁威》的空姐 look 就得喇！
光．軍︰哈，咁你留意吓勞工處的職業博覽會唔會見到我請人喇！^t^
其實我唔係咁放心用部舊機做 backup ，因為怕佢操勞過度，backup 的工作就由新機負責吧！
ellen︰咁快手嘅！？^t^
我都覺得 vista 好企理，仲好快添(其實應該係之前部機實在太慢！
除了公司外, 居企的電腦全都超過三年,
我剛剛送左部七八年的電腦比人, 用來上網都仲ok嫁。另外一部就用了四五年話左要退休,點知講左成兩年都仲用緊佢, 叫做最新的那部都用左三年咯, 它們的表現還可接受。
galaxy︰我部舊電腦真係慢得好過分，開個 ms word 可以用成五分鐘，真係人都顛呀！或者遲下 format 吓佢畀多次機會佢喇！
用window就喺咁，越用越慢！
你有無用系統內的「清理磁碟」同「磁碟重組工具」清一清你部電腦的虛擬體。
劉鄧有見地。
大頭再uninstall 那些無用的software, 再scan一次 virus, 比埋呢次機會佢,睇下點。
留番D錢去英國嘛。
劉鄧︰我好間唔中(例如係兩三年)都會重組吓部機，有時佢話可以唔駛重組咪唔重組囉。部舊機慢，可能係個 RAM 只得 128 mb！
galaxy︰又係啊呵！有些跟機的 software 真係未用過，可以剷得。
錢呢，唔花在呢啲地方都會唔知點解唔見咗，呢兩日我啲錢都唔見晒喇！^^
幾年前買左新 notebook 後，諗住 format 過舊 notebook，但到依家都係依然故我囉 ~
意粉︰哈哈，我諗我都會步你後塵！
"個RAM只得128 mb"
噢~朋友,握個手! ^^
好彩前幾個月幫我砌機的朋友,好艱難至同我揾到支舊款RAM, up到256咋. 不過都係唔多得啦...
小妹︰不如你都同你部舊機講再見吧，勉強真係冇幸福架！^O^
Post a Comment