九零年代初紅極一時的組合 Take That 在年多前重組，雖然沒有了 Robbie Williams ，但聲勢依然，單曲 Patience 和 Shine 都上過冠軍。除了唱片大賣之外，巡迴演唱會也叫好叫座。這張剛在二月底推出的演唱會 dvd 更是賣個滿堂紅，一個星期內在英國就賣出超過 64,000 張，成為英國有史以來銷售速度最快的音樂 dvd 。
《老友記》(Friends) 以前在電視上播放時一直都有追看，不過相信沒有多少人每個星期日晚都可以安坐電視機前觀看，所以之後就買 dvd 回來慢慢重溫。最初幾輯買的都是數百塊的正版貨，很肉痛，後來把心一橫，鋌而走險北上買些 A 貨回來。一分錢一分貨， A 貨始終是 A 貨，質素沒有保證，看到第八輯就沒有興趣看下去，最後連大結局也沒有看。這天看到新版以低價促銷，就即時先把最後一季買下來。
這齣卡通身邊每個看過的人都讚不絕口，一面看一面捧着肚子笑，早陣子貪便宜，花了一百塊買了 A 貨回家。不聽老人言，結果再一次吃虧在人前。 A 貨是電視偷錄版，除了經常沒有聲音和影像聲音不同步之外，很多時候播來播去都是同一集。這天終於掏腰包買下正版，以後就可以安安心心攤在沙發上盡情爆笑一餐了！回到家裏翻看舊照，原來多年前我曾探訪過花師奶一家。
三套 dvd 12 隻碟合共 1,225 分鐘，究竟實際要花上多少時間才能夠全部看完呢？
30 comments:
花師奶1晚就睇完啦~~
點可能一晚睇得晒呀！況且我每次只可以睇三兩集，因為唔想太快睇完啊。
Youtube都有得睇啦 ......
lala︰我都知 youtube 有得睇，但係我呢啲上世紀嘅人慣咗乜嘢都要電視睇架嘛！^u^
連A貨都慳番唔買啦! 我仲係未有耐性睇晒花師奶, 要等下一個長假期.
花師拉。。。真有品味
我鍾意細佬，成家入面較正常嗰個
以前Take That好似係四個人, 沒有了Robbie Williams, Video內仍然有四個人, 有新組員 ? 嘩.....佢地而家好有佬味, 尤其是肥仔Gary barlow現在無哂Baby fat, 仲型過以前。
你買o既係第一輯定第二輯嚟架？
Friends 開頭有睇，睇睇下覺得唔好睇就唔睇。
花師奶 Box 2 仲係原封不動，唔知幾時至會睇，其實一個 weekend 已經可以睇晒。
做咩扮花老爺？多年前唔靚仔牙？
花師奶 Box 2 仲係原封不動，咁我點算好呀~~
小彭︰復活節眨吓眼就到架喇！
我真係覺得花師奶好掂，好多生活細節同我地好相似，所以睇得份外投入。
naruto︰呀細佬好型仔，早兩晚睇咗一集話佢偷偷地煮宵夜，本來一切都有條有理，點知就畀呀柑搞亂晒，搞到佢好唔開心。嘩，型得佢吖！
依家我都識得畫呀桔，原來佢好易畫。^p^
galaxy︰唔係呀，take that 一開始就有五個，之後 robbie williams 走咗就一直得番四個呀。係喇，我都覺得 gary barlow 越嚟越型，不過佢地真係老咗好多。
光．軍︰我尋日買嘅係第一輯 box 2，因為我估之前買的 A 貨係 box 1。係喎，我記得你都話過好鍾意花師奶個喎！
意粉︰friends 開頭真係好好睇，不過之後都唔差吖，都仲好搞笑呀。今晚又買埋 season 8 同 9，有排煲。
依家仲唔煲花師奶，咪要等到四月？
張相成四年前，嗰陣時 x x 歲卜卜脆，費事畀人地話我依家殘得咁快喇！^t^
ellen︰你又跟我隊囉，不過應承唔到幾時畀到你喎。話時話，你都就飛喇！
睇完你地寫,我又好想看花師奶.
有冇好心人可以精選幾集推介比大家開心吓？
小妹︰上 youtube 喇，齊到我都唔信，真係駛乜買 A 貨！
lala︰啱啱睇完呢兩集講阿柑跟同學仔去野外，笑到我吖！http://www.youtube.com/watch?v=_IUHwQzAtcc&feature=related
http://www.youtube.com/watch?v=VkzrLgkaimw
四年前卜卜脆？好笑過花師奶！
卜卜脆？係咪講梗你d骨頭呀~ ^o^
真係鍾意你的風趣，睇你個blog令我開心不少，多謝！
有日晌人地屋企睇左集花師奶同花老爺去旅行, 又新幹線又自駕遊, 我睇到好投入! 不過, 我唔知得係邊集.
花師奶【別怪他】先最爆笑啦！TVB駛唔駛咁呀！
係花師奶唱【別怪他】
我覺得花老爺花師奶揸車想去富士山，搞唔掂啱啱裝既 GPS 果集都好有共鳴，哈哈。
TVB成日唔係”別怪他”就係”賣飛佛”，吳唱K真係有排玩！
頭先睇完賭聖(冇以前咁好笑o忝，仲訓著左)，o聽日北上，星期日先睇花師奶．
意粉︰四年前吖嘛，最衰嗰陣未識你，如果唔係你都驚為天人呀，哈哈！^D^
maymay︰骨頭係“岳岳”脆架，我就係卜卜脆囉，有分別架！
你睇得開心就好喇，其實我地身邊仲有美好嘅人和事(例如我 ^o^)，所以唔好成人諗埋一邊呀！
小彭︰嗰集咪係意粉講嗰集囉，好似係好前吓架。佢地最後有冇去到富士山，唔記得咗 lu 。
ellen︰《別怪他》真係紅爆呀，雖然我好似沒有聽過吳唱 K 唱。^p^
lala︰咦，係喎，賣飛佛都係吳唱 K 個喎！
《賭聖》好好笑架？我好似冇睇過，連電視重播都冇翻睇。
你就好喇，北上尋歡，玩得開心啲呀！^d^
（托眼鏡）一定會驚囉，呵呵 ~
我姪仔成日都話我們這一家的卡通片好好笑, 最近聽身邊既大人都看這片,看來我都要買來看看.
係呀！花師奶做o既嘢你真係"估佢唔到"．實在生鬼呀。我們這一家有兩輯o架喎。
意粉︰所以咪係要搵花老爺遮住我副尊容囉，hehe！
貝拉︰強烈推介呀我都！一係上 youtube 試睇一下啱心水先買！^e^
光．軍︰花師奶為咗慳垃圾袋將所有垃圾擠入垃圾袋嗰集都笑到我傻！^t^
依家係咪只出咗第一輯 box 1 同 2 咋？有第二輯嗱？
曾經見過"WideX"有第二輯。
WideX 是什麼東東來的？
晚上打開第一輯 box 2 看，原來很多 A 貨已經包括在內。>_<
WideSight是也。乜咁慘呀..
噢，係喎！
咦，咁搵日去瞄瞄先！
Post a Comment