看到意粉近來弄過多次雞翼，很是吸引，這晚也就有樣學樣。煎香了雞翼，然後再加上洋蔥和雜菌再煮一會，就完成了這道既香口又有營養的洋蔥雞翼了。
一直以來對菜心都沒有好感，最主要原因是每次回娘家吃飯，飯桌上總會有一碟枯枯黃黃的菜心，味道當然也不會好到那裏去了。今天在超級市場看到這北京菜心樣子不錯，蠻新鮮的，就決定給它一次改過自新的機會吧！把菜心放進雞湯裏煮數分鐘，一碟嫩綠的菜心就弄好了，不明白為什麼媽媽每次都是失手呢？
我家很少吃米飯，因為家裏的紅米糙米要預早浸泡，不太方便，同時清理飯煲也是件很惱人的事，所以通常我只會吃麵條，省些功夫和時間。這晚就煮了鮑魚麵和瑤柱麵，味道也很不錯啊！
這頓晚飯本應可以吃得很稱心，可是電視上的財經新聞卻令我什麼胃口都沒有了。歐美股市繼續下跌、金價油價齊創新高都算了吧。對我打擊最大的，還是歐元兌美元再創新高，美元兌日圓就一度跌穿 100 日圓十二年低位。對，是十二年低位！天啊！天啊！怎麼會這樣子呢？
看來我的自炊生活要繼續好一段日子了！
36 comments:
唔需要太緊張吖，外幣嘅嘢，一係就升，一係就跌，你等佢跌嘅時候就入，升嘅時候就沽，咁咪唔使怕蝕囉．
我今晚做完野返黎見到美元兌日圓個價，我直頭面青、口唇白再加心跳加速!!!!都唔知點算????
外匯專家︰我呢啲師奶，通常升嘅時候買，跌嘅時候就放。>_<
照你咁講，你應該一早發咗達囉喎！唱啲 yen 過我好喎！^o^
rempei︰係家真係好危急啊！早幾日 7.5 仲諗住咁高，遲下實跌返啲，到時至入，點估到佢一路有得升！我都見暈呀！
大頭, 咁啱嘅, 我係高入低沽嘅人喎! 中鐵抽唔到不特止仲蝕左$50. 其實D YEN兌幾多, 都係會照去架啦, 最多節衣縮食, 呢幾日放工都係搭巴士.
大頭師奶：咩野叫做"桔桔黃黃"呀？
碟雜菌雞翼好似好得喎，個汁係咪用"史人昆"清龜湯煮嫁？
自食其力好吖，菜心其實滾一滾就可以上碟。老人家無牙又怕唔熟，通常煮野都會過左火，不過意粉爹灼既菜「淋」得黎又唔黃嫁。
今次去唔駛買 yen，求其o係柜桶底摷 d 出黎都夠洗，呵呵 ~~
哈!加分加分!
會煮飯的男生最抵惜XD
我外婆一樣愛把菜灼到又黃又霉
可能上一代都覺得這樣好吃啦^^
乜洗飯煲好難o架？
難到寧願唔食飯都有嘅？
yen咁貴就cut我份手信黎補貼吓囉。
D yen 真係好貴呀~~
雞翼好似緊緊熟,唔夠煎香喎~~
小彭︰好彩我仲係用白表抽，如果唔係又蝕多兩錢啊！
低就唔好沽嘛，留喺身邊遲早實用到啊！
maymay︰呢排睇得花師奶睇得太多，成日諗住佢對仔女呀柑同呀桔，一時錯手添，即改！^t^
碟雞翼冇加乜嘢呀，淨係用咗鹽、豉油同埋胡椒咋，碟菜就用咗龜湯煮。^o^
意粉︰係呀，正因為你講的原因，娘家的菜永遠都好淋好熟，我理解的，最多咪食其他餸囉。不過話時話，我媽的煮藝真係有待改進啊！^e^
其實我手頭上仲有足夠 yen 架，只不過依家真係太高喇，影響心情啊！
歐巴桑︰依家啲男仔唔識煮嘢食好蝕底架！哈，大叔又如何呢？
老人家無牙，又真係難怪佢地一般煮嘢都會太熟太淋啊！
劉鄧︰屋企仲係用緊舊式飯煲，會黏底啊！尋日痴線到諗過在樓下茶餐廳買兩個白飯添呀！:p
100 yen 店貨仔都係畀多一蚊啫，手信冇問題吖！^r^
ellen︰咁你仲有冇現貨呀？
嘩，好眼力喎，啲雞翼的確可以再煎耐啲，不過就好夠熟呀，啲肉仲幾滑添！
係"中鐵建"呀，抽唔到都無大緊啦，升得咁少~
d yen去到7.7X，哈哈，有d心涼添......
我都係白表，抽唔到，張cheque要星期一先入到戶口 ... 蝕息 ...... x_x
roy︰係呀，係叫中鐵建呀原來？我都冇留意添！:P
哈哈，咁黑心，因住兩年之後可以再出動時升到上十蚊呀！^w^
小娜︰算喇，依家啲息咁低，都冇所謂喇！
係喎，唔記得你係大戶嚟個喎！^t^
呵呵!大叔佢......都係算吧啦....
人係無十全十美o架啦
其實佢已經叻咗好多lor
初初同佢一齊果陣
佢連燈泡有釘頭同鏍絲頭都唔知XDD
上到十蚊？！
大頭仔，希望你個唔喺烏鴉口啦！^m^
唔通你兩年後唔再去咩？
歐巴桑︰哈哈！不如你又問下佢知唔知燈膽又有粗頭同幼頭之分。係喇，你都講咯，冇十全十美吖嘛，可能大叔有其他方面優勝哩！^O^
劉鄧︰唉，我見啲 yen 升到咁誇張，都豁出去喇！升到十算就十算喇！
呀，依家入，仲有兩蚊升幅賺喎！^R^
隻股放左，賺得500，都唔夠彌補D yen呀！大家D手信，唔好有期望啦！hehe~~
有 $500 賺仲想點呀！
你大阪返啊呵？芝士蛋糕、莓一衣同埋 tiramisu 朱古力吖唔該！
咁喺咪我依家入定啲yen,到時升唔夠十算，賺唔到嗰兩蚊，就問你收番差額咁呢？
你依家入，到時暑假升到上九蚊你多謝我都多謝唔切呀！仲想問我攞返差額？^t^
不過，當然我都想佢見返 6 ，但係好似唔係咁易啊！>_<
我名古屋返呀！
去到8喇... 唉... 豁出去...
晚餐食麵總覺得唔係好(襟)飽..你係北方人嚟o架?
ellen︰咁你又話想去路一路過大阪 shopping 嘅？咁唔該都照幫我執吖！^_^
小彭︰睇怕我就快要上街要求港元同美金脫勾喇！我咁大個仔都未見過 8 架！唉！
光．軍︰我唔係北方人呀！食麵都可以食好多食到飽架嘛！不過話時話，食完麵嗰晚好多時我都會摷零食！:p
下次用飯煲煮完飯用水浸完先,之後再洗容易好多. 我好多時都會第二日至洗架...
貝拉︰我都有即刻用水浸架喇，不過始終都要好用力去洗。留返第二日，我又怕會引來小強啊！
路過大阪之時，重有好多日先返香港喎！過期你要唔要呀？ ^^
ellen︰咁呀，淨係要 tiramisu 朱古力喇！幫我食多啲伊万里屋嘅腸仔呀！
我都好掛住伊万里屋嘅腸仔呀！
我呢次真係有諗過專登搭程新幹線落大阪架！之前仲上網 check 過名古屋有冇伊万里屋添！:p
大頭, 我鼓勵你晌名古屋搵D新野, 返咩去大阪呀, 要同番你D夢幻團友一齊再去先有意思架嘛! ^^
小彭講得好！
無夢幻團友同行，伊万里屋嘅腸仔一定無咁好食~
所以聽晚老師應該唔去伊万里屋食腸仔~~~ ^^
小彭︰咁名古屋除咗鰻魚飯仲有乜好介紹呀？(你應該知道我食量架喇！)^_^
大阪，就下次喇！
劉鄧︰年尾喇年尾喇，希望成團喇！不過依家至係三月……
ellen︰對，嗰次去伊万里屋真係好正，再加埋第二次再去碰上沒有開門，令我地對佢印象特別深。聽晚在大阪要食好啲呀！
同一個道理, 雖然我好鐘意福岡, 都唔會飛撲去個度!
如果大頭一個人食晒個hitsumabushi, 我就讚你叻仔!
食過親子丼未呀, 再去名古屋的話, 我會再食多一次. 同埋以你實力, 可以分散投資, 對自己好d, 食多幾餐啦!
小彭︰係喇，你應該知道我嘅實力去到邊，所以鰻魚飯對我應該係零難度，擔心嘅可能就係太多人等位。
親子丼又係名古屋名物呀？又係飽肚嘢喎！
我呢期都好鐘意福岡……嘅草莓！
Post a Comment