Wednesday, October 29, 2008

comfort food

心情鬱悶的時候,最好找來些 comfort food,那管是一排朱古力、一包薯片、一個蘋果,又或者一個新鮮出爐的菠蘿包。

早陣子吃自助餐,自創了一種新的雪糕食法,就是在雪糕球上澆上一層朱古力噴泉的朱古力醬。

在雪糕的低溫下,朱古力很快就凝固成一層薄薄的脆皮,覆蓋整個雪糕球。用匙羹弄破脆皮,然後連同雪糕放進咀裏,感覺就像吃脆皮雪條,同樣叫人興奮。喜歡的,還可以加些杏仁片,刺激味蕾。



這天,大家也不妨找些能夠令自己開懷大嚼的 comfort food。

15 comments:

supageti said...

雪糕 … 朱古力 … 得個恨字,哈哈 ~

帥哥又放假牙?

maymay said...

係咪玩野,明知人地d咳未好番!>_<

Anonymous said...

肥上加肥!

Ellen老師 said...

心情鬱悶~~~~最佳療治~~~~係旅行!

largeheadboy said...

意粉︰放假?我都想呀~~
少少放縱一下自己都得啩?

maymay︰仲未好呀?咁要戒埋啲壽司之類嘅生冷嘢至得喎!

rempei︰唔,肥上加肥,你係講雪糕加朱古力醬吖,定係暗指網主呀?

老師︰就得架喇,十二月好快到架喇!

maymay said...

仲有兩聲咳,我咳親都好長手尾架,雪柜d雪糕都唔咁吃!
因為就黎去旅行,一定要睇好佢,尋晚放工又去覆診,攞藥嗰時護士同我講,話醫生今次收我平d喎~

largeheadboy said...

maymay︰又會有得收平咁好嘅?係喇,你又就飛喇,唔好啲好返點過去刷餐飽啊~~
早兩日終於食咗杯白桃雪糕,有啲失望囉~

Anonymous said...

comfort food, 我無個喎! 不過會買比人地食.
心情鬱悶, 只要搵人食餐飯就好容易開心番, 唔理食咩都得!

largeheadboy said...

小彭︰你冇嘅咩?嗰啲蜜瓜呀広島蠔呀明太子呀都唔算呀?
搵人食餐都得,不過有時未必搵到人同你食飯架嘛~~

Anonymous said...

呢d野一個人食唔會開心個喎!

maymay said...

我又轉左醫生喇,今次病總共睇左六次,醫生就三個,最貴同最平兩個都醫唔好,最後呢個先攪得掂,診金共$1,830,激死我!

白桃雪糕唔好吃咩?冇理由架喎,你x唔臭都唔好吃個喎,hehe~~

Anonymous said...

哈哈哈~~~~Maymay,我俾你笑到儍!

largeheadboy said...

小彭︰咁又係,點都係同人一齊分享最開心~~
我終於食咗時新喇!^t^

maymay︰嘩,又幾張金牛喇!乜得你有咁多嘅?依家好返晒就最好喇!
白桃雪糕普通喇,我寧願食白桃啫哩~
哈哈,咁講嘢呀!尋晚我食嗰餐飯就好難吃喇,唔知點解海鮮意粉係甜嘅~~不過我都食晒!

rempei︰唉,係喇,世風口下,女仔人家講埋啲咁嘅嘢~ ^t^

Anonymous said...

我尋日都去左時新食早餐呀!

largeheadboy said...

小彭︰禮拜六都有諗過去時新食早餐架我,不過最後去咗食摩斯漢堡~