Saturday, October 18, 2008

記憶重來了

做事從來無有條理的我這天心血來潮,打算整理一下這幾年旅行時拍回來的照片。拼拼湊湊之間,赫然發現唯獨不見了兩年前走過北海道關東關西的七月夏の旅的照片。

我開始慌張起來,因為要是真的失去了那一輯照片,除了那個爛尾的遊記之外,就再沒有其他東西可以讓我緬懷那次蠻特別的旅程了。我的回憶,也彷彿會出現一段長達十七天的空白。

就在我萬念俱灰之際,我想到公司的電腦有可能還藏着這次旅行的照片。雖然不是百分百確定,我還是急不及待跑回公司去。

很幸運,最後在我的圖片以至從來沒有清理過的資源回收筒中找回大部分照片,只是最後幾天的還是不知所蹤。不過,我已經很感恩了。



坐在沒有人的辦公室裏重溫這輯照片,一幕幕美好的片段又重現眼前。我又記起了知床的蝦夷鹿、富良野的花田、京都的祇園祭、高山的飛驒牛,還有一張張給太陽曬得通紅的笑臉。

14 comments:

Anonymous said...

咁個遊記就真係要加緊再寫啦.

supageti said...

爛尾?閒樹啦,哈哈 ~~

largeheadboy said...

lala︰啲相又唔齊,想寫都唔得喇,註定架註定架~~

意粉︰爛尾我當食生菜架,開得頭就預咗會爛尾架喇 ^t^

Anonymous said...

除左要有番d條理外,唔好一年去幾次旅行可能有幫助(講笑~)
好多時d野一多左就少左份珍惜......

largeheadboy said...

roy︰所以我諗住買番部外置 harddisk,用嚟好好收藏啲相,依家實在太亂啊!
啲嘢多咗就冇咁珍惜呢句真呀,人有時就係咁犯賤~~

lau2tang said...

咁再去多一次啦~
你呢個藉口又幾好喎~

Ellen老師 said...

無左D相~~作為遊記爛尾藉口,好有創意!

Anonymous said...

唔緊要啦!
最重要的是自己親身經歷過那個旅程嘛

Anonymous said...

就是怕失去d寶貴相, 我之前買做外置harddisk做backu
去過影翻求之不得, 係個年紀已不是當年, 翻唔到轉頭, 殘念 XD

largeheadboy said...

劉鄧︰都好難咁樣再去返一次囉!
雖然事隔短短兩年,我諗我依家未必可以踩足一日單車 lu~~

ellen︰哈哈!又畀你狠狠的踢爆了!^0^

歐巴桑︰係就係咁講,之不過有啲嘢喺手點都好啲架嘛,依家就點都好過無~~

紅米奇︰雖然唔係成日會攞返啲相出嚟睇,依家冇咗啲點都有啲若有所失。好,harddisk 今次一定唔少得!
又係呵,人老珠黃啊!^t^

maymay said...

麻煩呀你,又唔寫埋佢,等人地睇到到喉唔到肺,吊癮呀!

supageti said...

算罷啦,師妹,人地一年去咁多次旅行,係香港又多節目,邊寫得切唧 ~

lau2tang said...

唔踩單車咪揸車囉~~
快啲去考番個車牌啦~

largeheadboy said...

maymay︰你真係有追架?真係多謝捧場啊!事隔咁耐,真係乜都唔記得晒囉~ >_<

意粉︰我平時唔係好多節目咋嘛,我只不過係懶,仲要係超級懶,就算得閒都係對住個 mon 發呆。^p^

劉鄧︰我真係好想去北海道揸車呀!不過揸車呢樣嘢,唔知喺我待辦嘅事項中排第幾~~