同事們從來歷不詳的地方訂購海味雜貨，當我聽到這裏的臘腸和膶腸都是供應給本地某家高級食肆時，就連忙搭單訂了幾斤回來，雖然一年之中我留在家裏做飯的日子應該不到十天。
每逢農曆新年前後，就是新奇士 4012 甜橙上市的時候。今年的 4012 售價好像比往年便宜，一般十塊錢就有三大個，所以現在堆滿家裏冰箱的，就是一個又一個 4012。
蘿蔔糕是我很喜歡的賀年食品，今年我就買了兩個八珍的蘿蔔糕，準備大年初一回娘家拜年時煎給大家一起分享。
雖然四方八面都在提醒我快要過年，但不知怎樣，即使昨天跟家人吃過了團年飯，但我還沒有很濃烈過節的感覺。會不會是今年農曆新年來得比較早，心理上還沒有準備好呢？
然後今天回到家裏，把老師轉贈的水仙花插好放到窗前，突然之間真真實實感覺到新的一年即將到來了！
17 comments:
算你啦, 責數過年好唔老黎架!
你幫趁中移動?
d臘腸閏腸放晌你度唔知幾時先食，一於分晒俾我地啦~
我都FEEL唔到過年, 只係知道五連休. 不過又聞到一屋水仙花香, 又應該係時候過年囉喎.
小妹︰畀你提一提，聽日一定要找埋張信用卡卡數，唔單只係唔想責數，更大原因係唔想又畀佢罰~
roy︰人仔台即係中移動囉，幾好架~ ^t^
下次每人畀一孖你地喇，不過要自備密實袋喎！
小彭︰原來我地都有五連休黃金周架，好簡動呀！除咗通街都係人，真係唔係好覺得過年囉~
我呢盤水仙，真係唔知初十開到花未？
我都唔多感覺到過年, 可能初一會feel到
我初八先返工, 唯有係家裡 hea ^^
水仙要曬太陽，否則淨係識標高 ~
d臘腸閏腸放晌你度唔知幾時先食，一於分晒俾我地啦~ X2
幾斤？明年今日都可能還在大頭帥哥的雪櫃！
好好湊大水仙花，行個桃花運！哈哈！
年花最喜歡水仙花!
牛年快樂!事事順心^^
忘了祝大頭過一個好年，事事如意，餐餐好味 ^^
祝大頭日日都唔使做到頭大如斗，日本長去長有！
牛年行好運
想果樣得果樣
想去日本就即起行
祝大頭同阿邊果身體健康！全年順景！股市亨通！
開門亞叔都有利是，睇怕我都有呀呵~^^
水仙一定要照燈同放暖水呀，我果棵就開花喇~
祝牛年行好運，身體健康，學業進步！
謝謝大家，也祝大家牛年一切順景，笑口常開！
紅米奇︰初八至開工，實在太幸福喇！咁多假，點解唔去一轉呀？^t^
意粉︰呢兩日都冇乜陽光，冇計喇~
小頭︰我已經送咗五斤出去，自己剩返三斤，駛唔駛留返一孖嚟畀你炒飯呀？
老師︰我會好好養大佢地架喇，你放心過去寶島喇~
歐巴桑︰你好準時呀！
水仙好香，我都好鍾意，最緊要係唔駛點打理吖嘛！^t^
劉鄧︰係，最緊要長去長有！我顛到訂咗房喇，哈哈！
maymay︰你又冇幫我開門~
你果棵大得咁快呀，我都要煲下佢先得~
學業進步呢句，竟然幾廿年後可以用得返~ ^t^
你訂房都唔幫襯我?
劉鄧︰我都係訂東橫 inn 之嘛，同埋都係訂住先霸咗間房先咋~
Post a Comment