Thursday, January 15, 2009

lunch break

對於在金鐘上班的人來說,找地方吃午飯從來是件很頭痛的事。即使走到灣仔,很多食肆還是要大排長龍,有時候花在等候入座的時間比坐下來吃東西的時間還要長。結果,一個小時的 lunch break 可能比在辦公室工作所消耗的精神和體力還要多。

昨天,友人帶我到了駱克道的酒吧 White Stag 午飯。這裏的顧客大多是洋人,很容易就找到座位。我們坐在行人路旁,外面就是人來人往的駱克道,然而耳邊傳來的卻盡是英文對白,氣氛很熱鬧但又不覺得嘈吵。那一刻,我突然感覺自己身處的地方不是灣仔,而是倫敦的 Camden Town 或者 Covent Garden。

今天,我帶了同事再來 White Stag。昨天 set lunch 的主菜是 lasagne,今天的是很香脆的 chicken kiev 伴上很大塊的薯條。同事和我都剛從日本旅遊回來,在這一個小時的 lunch break 裏,大家都分享了不少日遊的趣事。同事又無意中提到這天正是她的生日,而我當然很樂意請她吃這頓很豐富的午飯。


這天我真真正正享受了一個小時的 lunch break,整個人像充滿了電,早上剛起的感冒也彷彿散去了。

29 comments:

supageti said...

剛起感冒,要休息多啲喇 ~~~

Ellen老師 said...

叫左你著多件衫啦!懶叻!

largeheadboy said...

意粉︰尋晚十一點鬆啲我就瞓喇,食完啲藥好眼瞓~

老師︰我諗住懶瀟湘吖嘛~ ^t^
今日着嘅衫比早兩日仲厚,不過行到返公司就覺得有啲焗。

lau2tang said...

係日本8日咁凍,又唔見你作感冒?
無我呢個亞媽級係身邊就出事嘞!
你呢個午餐好熱氣架,又油膩,唔可以食太多架~

galaxy said...

lasagne好肥喎 !

光.軍 said...

傳聞中o既『偷得浮生半日閒』係咪咁意思呢?您就好啦 重要有兩日閒o忝!

Anonymous said...

近排真係好易病
最緊要都係睡多些
平日午餐只能在辦公大樓獨市的100分食堂解決...悶呀:-p

supageti said...

100 分早餐還可以,100 分午餐除左一哥焗豬扒飯,真係無咩好食 ~~

Anonymous said...

退左燒未呀? 還是仲晌食晏張sofa度昏睡呀?

Ellen老師 said...

大頭叔~~
好番D未呀?發燒就未返工啦!

largeheadboy said...

劉鄧︰我一返咗嚟就發病喇,你話我呢隻係乜嘢病呢?呀,唔知幾時又可以畀你“看管”呢?^t^
話時話,我呢兩日真係標咗粒青春豆出嚟~

galaxy︰的確係好肥呀,所以我呢排成個人都漲大咗一個碼,條褲又緊咗~

光.軍︰平時食飯好趕咁,呢度就感覺幾悠閒,不過哩,如果 lunch hour 再多半個鐘就仲好啊!:p

歐巴桑︰係喇,呢排咁凍好易冷親啊!今朝臨天光我仲喺被窩連續打咗好多個噴嚏,凍凍呀!
100 分都唔差吖,不過日日食又係幾慘嘅~

意粉︰排骨菜飯都可以呀,早餐我反而好少食佢~

小彭︰仲未呀~
今日你走咗冇耐我都走咗,之前有攞咗本書出嚟揭咗一兩下,但係又冇乜心機。正如你所講,仲有好多日至下個禮拜三嘛~

largeheadboy said...

老師︰有心啊!仲未好啊~
今日返到公司又凍又完全做唔到嘢,咁咪攞咗下晝假囉,結果我去咗吉吉島買餸~

maymay said...

有冇飲夏桑菊?
我上個星期有d喉嚨痛,飲左兩次就攪掂,
不過要初起至有效~

maymay said...

呢碟午餐個樣好得,不過你感冒真係唔啱吃喎!

largeheadboy said...

maymay︰唔記得咗飲添,依家至飲應該冇用個呵?
我尋日仲未有今日咁嚴重架,係沾寒沾凍咁之嘛~

maymay said...

快d睇醫生啦,過年唔好病呀~~

largeheadboy said...

maymay︰充足嘅睡眠都好緊要啊!今朝瞓到成十二點先起身,如果唔係畀電話嘈醒可以再瞓耐啲呀。
一陣再拍多兩粒藥先~

Ellen老師 said...

【拍多兩粒藥】
咁~~即係無睇e生啦!點得呀!

Anonymous said...

大頭,以您平日的作風,都肯"樂意請她吃這頓很豐富的午飯",更能於一頓飯後"整個人像充滿了電",唔~~我估計這位"她",殊不簡單呢~~

Anonymous said...

係law, 係咪等緊機會再單獨食lunch, 所以等到病左呀

Ellen老師 said...

大頭~~
仲未好番呀?おたいじに!

largeheadboy said...

老師︰呢兩日共 48 個鐘,我竟然可以瞓咗 23 個鐘,我自己都覺得好叻呀!今日下午之後叫做好咗啲喇,啱啱仲食咗兩球雪糕添!(H 記雪糕又做緊買二送二優惠呀~)

薯嘜︰她係我好同事啊,況且,有來有往,到我生日佢就應該會~~(哈,唔知佢會唔會睇到呢?)

紅米奇︰我應該係早個禮拜超凍嗰幾日攝親,好彩今日叫做好番七七八八~

Ellen老師 said...

好心你啦!病就聽話D啦!又雪糕,又燒賣!戒下口啦!

largeheadboy said...

老師︰我成日都冇戒口架,禮拜六晚仲食咗壽司同埋 pizza~

maymay said...

咁唔聽話,病都唔抵可憐呀!

Anonymous said...

哦~~原來呢位同事就是少數知道你擁有這網誌的那位,"她",確是殊不簡單呢~~

largeheadboy said...

maymay︰好返好多喇,係仲有啲鼻水咁啫,下次見到我又肥咗又靚咗架喇~ ^t^

薯嘜︰我光明正大,呢度又冇乜秘密嘢,我唔介意畀我信得過嘅同事知道呢度架!

Anonymous said...

原來大頭病咗,好番未? 下星期過年喇,唔好病呀!

largeheadboy said...

茄︰叫做好返晒喇,可以精精靈靈咁逗利是~ ^t^