Sunday, March 08, 2009

不太理想的星期天

完成了兩星期一次的清潔家居工作後,就跑到尖沙咀的伊呂波吃燒肉。近這一兩次來,覺得這裏嘈吵了很多,食物的質素也每況愈下,或者下次想吃燒肉還是走回和宴去。


另一個不太喜歡伊呂波的原因,就是盛載雪糕的碗子是暖暖的,雪糕送上來後很快就溶掉。正因為吃得不夠痛快,之後我們走到 Häagen-Dazs 再吃過夠。原來現在用獅子銀行信用卡買雙球雪糕有買一送一優惠,看來我又大有機會增磅了。


在天星碼頭前看見星巴克在派發免費珈琲,我們當然不會放過。除了珈琲,還送上贈飲券,雖然只限星光行的店子使用,但總算聊勝於無。


乘天星小輪來到中環,從前的天星碼頭當然已經不見了,前面的維多利亞港現在也變成了一個大地盤,實在令人有點滄海桑田的感覺。


十多廿年前香港還沒有 hmv、page one 的年代,售賣外國雜誌的地方不算多,那時候其中一家我常到的雜誌社就是位於現在已經完完全全被外籍傭工佔據了的商場內。沒見那麼多年,雜誌社老闆的樣子好像沒有太大改變,還一如以往很專業的即時告訴我們想買的那期雜誌已經售罄了。


個多星期前吃過備長只賣半價的串燒,覺得性價比蠻高,晚上決定再來光顧。一杯啤酒再加上十多支串燒,吃得飽飽才是一百幾十,挺超值的。這裏我一定會再來,不過只會是星期日至星期四。


回家之前,還要多吃一個雙球雪糕嗎?

21 comments:

Anonymous said...

咁多野食又周圍去都叫不太理想 ......

largeheadboy said...

娜娜︰餐晏唔係咁好,之後又買唔到想買的雜誌,梗係唔太理想喇~

supageti said...

都係算罷啦 ~~~

maymay said...

唔好再食雪糕喇,塊面已經好飽滿喇!

Anonymous said...

明太子雞翼果然係你"飛佛"!

光.軍 said...

咁吸引o既雙球冰淇淋 係可一!可再的! 乜個皇后搞成咁呀? 如果個角度影斜D 話係貨櫃碼頭都有人信o羅.. :X

Ellen老師 said...

實在太貪心了~~~~

Anonymous said...

如果夜晚只係食個d d野, 就梗係要再來雙球雪糕啦!

Anonymous said...

咁快返兜備長?
一百幾十係兩個人合計呀?

Anonymous said...

一日內食咁多個球, 你都好識嘆喎
$33股價的信同card有買一送一真是好抵呀

largeheadboy said...

意粉︰係邊方面算罷啦呢?係伊呂波吖?買唔到雜誌吖?備長吖?抑或係我整個人呢?:p

maymay︰但係我又忍唔到口呀!最多下次要多啲雪葩囉~

薯嘜︰我地一共食咗四客雞翼,好變態啊呵?不過真係好好食啊!

光.軍︰好,就聽你話,趁優惠完結前食多幾廿轉雪糕先~ ^t^
見到郵政總局對開依家變咗一個好巨型的地盤真係好替我地個維港可憐,有需要填咁大塊地嗎?

老師︰係喇,填海填到咁出,真係好貪心啊!^o^

小彭︰同你比呢餐真係唔算多啊,下次可以再加多個炒飯~

roy︰好想食明太子雞翼吖嘛!一百幾十如果係兩個人我今晚又會去咗食 lu!^v^

紅米奇︰一日四球都唔算好多啫呵~
$33 又真係好得人驚啊!要食多轉雪糕定吓驚先~ :p

maymay said...

唔知典解哈記好耐都冇出醉酒櫻桃,
好懷念,好想食呀!

largeheadboy said...

maymay︰係呀,好似未食過添,咁不如食住提子冧酒頂住先囉,我都覺得唔錯架~

Anonymous said...

四客雞翼?????佢蝕俾您啊~~講講吓我都想食啊~~

largeheadboy said...

rempei︰我一面食一面諗,pizza hut 呀意粉屋呀一客雞翼得四五隻都要幾廿蚊喇,依家有埋明太子梗係仲抵喇~
哈哈!你又想去咩?

Anonymous said...

雙球雪糕買一送一,好像兩球其中一必須是士多啤梨味,是嗎?

largeheadboy said...

小頭︰無錯呀,其中一球必須要係士多啤梨味,不過我無問題吖~ :p

supageti said...

你覺得係邊方面咪邊方面囉 ~~~

largeheadboy said...

意粉︰我覺得你講緊我各方面囉,哈哈!

Anonymous said...

多謝介紹,半價好吸引,訂了位啦...^^

largeheadboy said...

小頭︰到時睇下你嘅評價又如何~ :P