Friday, April 03, 2009

新手機

之前的手機用了兩年,其實對要求不太高的我來說算是挺合用的。奈何我的手機也須兼任隨身聽一職,1G 容量來來去去就只可以儲存百多首歌曲,結果每天播來播去的就只有陳奕迅的《明年今日》或者《落花流水》,即使怎樣喜歡也開始感到有點生厭。

好,是時候來個轉變了。

這部新手機內置 8G 容量,應該可以儲存過千首歌曲,正合我的心意。昨天我就花了一整個晚上,不停把新歌舊歌灌進手機裏去,兩三個小時下來就佔用了將近四分之一的容量。


這晚到九龍城吃火鍋,也乘機測試一下新手機那具備三百萬像素的攝影功能。


想不到這天也收到禮物,再次謝謝老師師姐


火鍋過後,怎樣也要吃些甜品才覺得圓滿。


在回家的巴士上,把弄着這部同時令我有點身處日本感覺的手機,耳筒轉出來的,仍舊是陳奕迅的歌。

15 comments:

Ellen老師 said...

まるこ係借比你,唔係送比你呀!

supageti said...

哈哈,我啱啱都想講 ~

帥哥似乎真係好鍾意部手機 ~ 睇黎啲相都可以呃下人既 ~~

咦 ~ 原來我入左鏡,哈哈 ~~~

naruto said...

咁咪入隻小丸子又有心事嚟聽下囉!

rempei said...

部手機影出來的相所質數都幾好喎,可惜手機外面那一張半剝落的膠紙,有點剎風景!

歐巴桑 said...

我都係用緊呢款!Yeah!!!
是去年用出back pay時買給自己的禮物
去旅行時用佢來聽歌真係好方便

maymay said...

d相真係唔錯喎~
你就好啦,又有新野玩~~

ROY said...

有邊爐打唔嗌我,哼!

largeheadboy said...

老師︰咦,係喎係喎!有借有還呀,我唔會好似有人咁明明無還就話自己還咗架~ :p

意粉︰係喎,你隻纖纖肉手入咗鏡添~ ^t^
今日攞咗部機去換,因為聽聽吓歌會 hang 機,趁十日之內希望換返部正正常常嘅返嚟喇~

naruto︰無呢支歌呀我,你有就畀我喇~

rempei︰啲相嘅質素勉強都叫 ok 呵~
我會除咗塊膠紙架喇,好娘啊呵~ ^g^

歐巴桑︰舊年 back pay?咁部機真係幾舊款喎!唉,睇怕今年都無 back pay 呢支歌仔唱 lu~
裝滿佢成千幾歌真係好開心架!你部機好健康無 hang 啊呵?

maymay︰如果相機有埋微距功能再有埋 wifi 就仲好喇~

roy︰呢間真係好得呀!不過打邊爐喎,有啲難度喎~ :p

歐巴桑 said...

部機還好呀
唔敢妄想有back pay啦,不再減人工都偷笑囉
自己通常一部手機用幾年,用到發現跟街上的阿伯阿婆同款才會想起要換,所以新不新款也無所謂啦^o^

largeheadboy said...

歐巴桑︰係喇,希望唔駛減喇~
我就通常用到部機殘晒就想換喇,之前嗰部機舊電池一兩日就要叉一次,很不方便,所以就生了換機的念頭。

supageti said...

行左 3G 之後啲手機好快無電,睇黎以後你都好快又換機咯,哈哈 ~~~

rempei said...

嗱~~我都話呢個品牌的手機品質有點商確,信未?

supageti said...

啲人唔知點用野啫 ~ 我用開一啲問題都無喎(touch wood ~)~ 嘿嘿 ~~~

supageti said...

加入左 twitter 三日都唔寫野既?

largeheadboy said...

意粉︰我好正常咁用啫嘛,聽聽吓就 hang 機,都唔知點解。好彩依家呢部仲未出事(我又 touch wood)。
唔記得咗 twitter 個 password 吖嘛!^t^

薯嘜︰我之前諗住轉落機呀部 5800,但見評語又係麻麻至轉咗呢部。手機呢家嘢其實又好撞手神~