Tuesday, April 28, 2009

末吉

今天出門前忘了求籤,如果有求的話,我想我一定會得到“末吉”。


下班後開始覺得肚子不太舒服,但我一直沒有試圖解決這個問題。然後晚上跟一眾友好飯聚時,肚子開始越來越痛,連帶什麼胃口都沒有了,只能勉強扒了半碗飯和吃了幾件肉。那時候我有想過即使不吃飯,還可以繼續跟大家說說笑笑,可是越坐就是越不舒服,不馬上回家的話恐怕就會失禮於人前。真的很不好意思,這晚飯未吃完就要先行離去。幸好,要到手的還是到手了。謝謝大家!


在日本時沒有帶牠回家,這晚終於可以替牠贖身。不過,今晚牠還未能放任地在家裏四處亂走,因為我還欠缺了一枚 3A 電池。

15 comments:

小彭 said...

無電?! 唔係吓化... 都叫左你架啦... 實左令人太失望喇!
不過好明顯你係錢一到手就想走...

rempei said...

擺明係借x遁,哈哈~~

lau2tang said...

都話你財多架啦~
幾時入黎元朗交學費呀?
肚唔舒服就唔好亂食嘢嘞,呢兩日食清啲啦~

largeheadboy said...

小彭︰屋企得兩粒 3A 電咋,2A 就大把~
哈哈!拎咗一億円,仲唔速逃咩!^o^

rempei︰你都唔知幾悲壯呀場面!

largeheadboy said...

劉鄧︰又入嚟元朗?好喎!^t^
今日飲咗兩杯玫瑰茶,同事話對腸胃好,點知一飲就見效啊!
係唔係我都要開始食清啲,我越嚟越肥呀~

lala said...

玫瑰茶?主治排毒,好靈kiang架!仲要兩杯!梗係啦!

largeheadboy said...

lala︰我都唔知關唔關佢事,不過尋日下晝又食咗好多零食,我諗都有啲影響~

maymay said...

做乜咁失禮架,唔好吃咁多肥膩野呀~~

小妹 said...

喂~無既...? 我黎睇片o架!

largeheadboy said...

maymay︰係喇,都係食清啲好啲。我仲要減吓肥,今個禮拜要打足兩個鐘波唔休息!:p

小妹︰仲未搵到第三舊電呀我~ >_<

Ellen老師 said...

打足兩個鐘波~~~睇下點?

largeheadboy said...

老師︰聽日有選手缺席,又有人會遲到,點唔會唔打足兩個鐘吖~

小頭 said...

保重保重,長假期不能病啊。
打完兩個鐘之後唔好大開食戒喎,否則前功盡廢。

Ellen老師 said...

聽日你又缺席呀?今晚帥哥飯局未玩咁夜啦!

largeheadboy said...

小頭︰有心有心,我仲好健康兼且肥大肉厚~ :p
打完波唔食嘢無乜細藝喎,唔通又要大戰四方城?

老師︰尋晚都唔算好夜啫~
我又點會缺席哩,我仲可能第一個到場添呀!^t^