Monday, April 12, 2010

再見了~

還沒有正式開始裝修,我已經為着之前的預備工夫而煩惱。家裏的雜物實在堆積如山,裝修工程展開之前必須好好處理它們,有什麼可以保留,有什麼是時候放手,就要在這段短短的日子裏來個了斷。

十年前那一次搬家,已經忍痛扔了過百本雜誌,那些陪伴我成長的英國流行雜誌 Smash Hits、The Face、Sky 很多都被我拋棄。想不到當年逃過那一劫倖存下來的,十年後最終還是要面對同一命運。這些曾經帶給我娛樂的雜誌,再過幾天應該會為我換來兩袋一公斤白米和兩三卷廁紙。


這件陪伴了我近二十年但只穿過一兩次的孖襟西裝外衣是時候扔棄了。到了現在,我還是不太清楚為什麼那個時候會買下這件金色鈕扣的孖襟外衣,大抵是那個時候有人說穿這類西裝很時髦很新潮吧!現在穿起它,還是覺得大了一兩個碼,那時候我不是應該比現在苗條得多嗎?


KPS 這家曾經是全港最大規模的影音連鎖店給我最深刻的印象,就是中環太子大廈、旺角創興廣場那些很巨型的分店,以及結業前的燃燒套票大行動。那段日子,為了用盡真金白銀買回來的套票,一天連氣看三兩齣電影絕對是等閒事。至於 KPS 之後的Blockbuster,我就已經沒有印象原來我也曾經是會員了。


我的第一部 walkman 是我上大學後不久在觀塘某家電器店買的,而第一部 gameboy 就是畢業後在中環置地廣場的萬寧買的。這些都曾經令我愛不釋手的寵兒,都隨着口味的改變和日新月異的科技陸陸續續被打入冷宮。三年前瘋魔着我的 nds,前路應該也是一樣。


要走的始終要走,怎樣也留不住。再見了我的青春。

17 comments:

光.軍 said...

我屋企都重有部GAME BOY喎!! 離開是為了回來, TAKE CARE & ENJOY THE NEW LIFE :D

maymay said...

一早就應該掉啦~~~

naruto said...

好蹝呀。。。。。。我講咁多野可以分開寫10篇

ps:好多咸書呀

歐巴桑 said...

件西裝好四哥feel呀:-p
我都唔捨得掉舊物
但係唔清倉又點迎接新貨來臨呢~~哈哈

小彭 said...

下次著件孖襟出黎睇下先掉啦~
我仲有食鬼遊戲機... nds一早已經比左人, psp就仲好可憐咁跟住我.

largeheadboy said...

光.軍︰但係你部 gameboy 仲有冇玩呀?
呢啲野掉咗,就唔好再返嚟喇!嗚~~

maymay︰係喇,如果一同就掉咗,依家就少樣野煩。以後都少啲買立雜野至得。

naruto︰你話好嘥,係話想要我呢啲野吖,定係呢啲野可以分多幾日寫呀?:p
話時話,咸書真係有好多呀,要唔要吖?

歐巴桑︰似後生時嘅四哥咋~
其實睇返啲舊野可以有好多回憶,記返起原來以自己做過乜,可以的話,我都唔想掉咗佢地。

小彭︰咁熱,唔好卦,會出疹架!
我以前仲有部 game boy colour,之後畀咗個小朋友,我諗佢都一早掉咗 lu。nds 早幾個月仲有摷出嚟過玩馬里奧賽車架~

supageti said...

萬般帶不走,唯有業隨身,善哉 ~ 善哉 ~

naruto said...

唔駛客氣呀真係

galaxy said...

keep the suit ah, the trend would come back.

光.軍 said...

佢退役好耐喇...

lau2tang said...

大頭仔,
張blockbruster應該仲用得,我見悉尼都仲有舖頭開!
仲有你床底個啲一張張架呢,你幾時要掉唔該通知聲,我飛的來攞~

largeheadboy said...

意粉︰本來無一物,何處惹塵埃,善哉善哉~

naruto︰唔駛唔好意思喎!:p

galaxy︰或者個潮流返嚟嘅時候我都叮咗喇!老實講,呢啲野我全部都想 keep 低~

光.軍︰哈哈!如果你話我知你仲玩緊就真係好得人驚喇~

劉鄧︰我無續會架喇,應該都用唔到架喇!
一張張嗰啲,有啲仲未返到家鄉,畀你都唔要喇~

紅米奇 said...

你的年齡表露無遺呀...hahaha
你套老西最正呀, 當年應該係排骨身形先著呢D老西架, 係好型架, 記得阿梅艷芳的一字膊嗎? 勁hit呢
唔好拋呢D懷舊寶呀, 好有紀念價值呢~

largeheadboy said...

紅米奇︰係喇,好明顯我今年十八歲卜卜脆喇!:p
當年"long"唔起件衫,今時今日都一樣"long"唔起呀!又真係好有記念價值嘅~

Rempei said...

小時候聽聞金色鈕扣、關刀大領的孖襟西裝上衣,曾幾何時的確瘋摩本地一時!帥哥年紀似乎不輕喎~~

ROY said...

我都有成幾棟公仔書唔捨得丟,跟左我搬幾次屋添呀~

largeheadboy said...

薯嘜︰嘿,潮流興懷舊,我都係早幾年貪得意買嚟玩下之嘛~

roy︰我都有啲公仔書,早幾日摷返出嚟有少少發霉,不過我都唔會掉咗佢地,有感情嘛~