Wednesday, March 07, 2012

第八回︰白川鄉へ

來到行程的第五天,也即是說這趟旅行已過了一半(好了好了,遊記終於寫到一半了)。

經過昨天一整天待在金沢完全沒有坐過車之後,這天要連跑兩個地方,早上先到白川鄉合掌村,下午回到金沢後再前去加賀溫泉。


這天時間要控制得很好,尤其是從白川鄉回到金沢後的那五分鐘,要跑回旅館取過行李再直奔車站,否則就趕不上開往加賀溫泉的電車。要是錯過這班車,就會晚了一個小時才到達這晚投宿的溫泉旅館。為求萬無一失,前一晚我們已經反覆測試 Dormy Inn 與車站之間的距離,又再確定月台的位置。


吃過早餐和把行李寄存好後,就來到車站前面的 2 番線巴士站。


一如所料,這天開往白川鄉的巴士乘客只有小貓三兩隻,除了我們之外就只有另外一名乘客,大家同樣在開車不久後就齊齊找周公去。


經過個多小時,巴士準時十點鐘來到白川鄉。下了車,我們即時跳上旁邊開往展望台的另一輛巴士。其實要是時間充裕的話我會選擇從合掌村那邊走路上去展望台,可是這次來白川鄉只停留一個上午,還是乖乖付上 200 円,好爭取多一點時間。


從展望台望出去,畫面跟幾年前看過的沒有很大分別。


不過細心看,也不難找到些不同之處,例如是讓人拍照的日期板,已經變做合掌屋的形狀。


這裏早幾天下過一場雪,不過積雪大都融化掉,只剩下遠處山頭的一點點殘雪。


又是來早了,第二天這裏就開始下雪,而且還下過沒完沒了。


白川鄉的合掌屋部落一早已經登錄成為世界文化遺產,有些較大而且保存得很好的合掌屋都會開放給人參觀,不過就要付入場費。唔,其實合掌屋最為人熟悉的就是那個茅草屋頂,就在外面觀賞好了。


要進入合掌屋見學一點都不難,有些更不用花費你一分一毫,例如是這個在觀光案內所後面的公眾便所。


是餓壞了腦嗎?怎麼一看到這些形狀奇特的植物就會聯想到雞肉腸呢?


不管是放在水道上的鴨子還是在暢泳的魚兒,合掌村給人的感覺就是很悠閒。


這合掌屋三兄弟是白川鄉其中一個取景熱點。


在合掌村除了遇上不少香港和台灣同胞,還有很多拿着重型裝備的龍友。我沒有什麼攝影觸覺,跟着他們應該錯不了哪裏。噢,這個在拍樹上的柿子,那個在拍合掌屋在水中的倒影。看,我的構圖也很不錯啊!


這次除了 iphone 之外帶了三部相機,給團友罵到我狗血淋頭。其實團友你有所不知了,每部相機都有自己的功用,缺一不可。自家的 Panasonic Lumix DMC-FZ18 有強勁的 zoom 功能,如小妹所言用長焦鏡去捕捉細節就最適合不過。


從名x屋旅遊大使借來的女友一號具備大光圈,能夠做出主體清晰但背景模糊的效果。


Canon IXUS 870 IS 則輕便細小,可以放在衣袋裏方便隨時拿出來拍張 snapshot。


至於 iphone,當然就是用來拍過照後隨即把照片上載到面書,向一眾營營役役辛勤工作的友人炫耀一番。所以當我把這張飛驒牛朴葉味噌的照片上傳到面書後,友人即時說受到很大的刺激,膚淺的我真的為此樂上了半天。


話說回來,飛驒牛跟朴葉味噌真是絕配,不過如果白飯可以無限追加就更好了(我當然不會妄想飛驒牛可以無限追加)!


回金沢的巴士還有一個小時才開出,就繼續四處逛和到土產店買些手信。


走過這條であい橋就算是離開了合掌村的範圍。


上次來白川鄉是五年前的事,下次再訪應該不會是五年後吧!

22 comments:

jokelib said...

最後揀咗邊間呢? 下回分解

ayclui said...

反覆測試 Dormy Inn 與車站之間的距離 -->點解唔將行李寄存喺車站D locker 呀?唔駛跑住去咁頻撲嘛?

咁快又有update, 讚! 比心機唔好爛尾呀~

largeheadboy said...

Jackson︰依家分解咗先喇(擔心無下回嘛),住咗山中温泉嘅吉祥やまなか,山代温泉嘅無何有貴咗啲~

ayclui︰放 locker 要畀錢架嘛,唔符合經濟原則呀,雖然可能要跑到身水身汗~
繼續努力緊架喇,不過唔知仲捱到幾多篇呢?

ayclui said...

山中温泉點都要寫呀, 我都會去呢度~
我會住呢間-->http://www.jalan.net/yad340340/

慳得一yen得一yen呀~^^"

naruto said...

帶三部機?你都得啦

卡臣 said...

啲屋感覺好忍者

Cat said...

帶三部相機呀??
唔怪得你D相咁靚啦。
哈哈,第十二張又真係好似腸仔!

largeheadboy said...

ayclui︰好唔錯咁喎你呢間~
我去到旅館四點幾已經天黑,無再出去行,係第二朝校晒鬧鐘晨咁早去附近嘅鶴仙溪遊步道兜左個圈。你幾時出發呀?

naruto︰係喇,重到哩想掉減一兩部~

卡臣︰但係啲屋頂咁斜忍者佢地唔可以咁容易飛嚟飛去喎。

cat︰失禮失禮,好多時撞手神架咋~
其實我仲覺得佢地似燒烤叉個把手添。

韻味熊貓 said...

咁寧靜的地方,晚上做乜?悶到發慌?

joeyee said...

所以話呢, 想一次過滿足三個願望係要付重沉重的代價架.^^

TY said...

哇...三部機...使唔使咁多部呀?? 不過去日本我都會帶長短火...不能錯失任何一個美境呀!!

期待你的遊記..千祈唔好爛尾!!!

L L said...

菲林年代,我都係孭相機孭到隻狗咁,依家又老又懶, DC 仔搞掂。

largeheadboy said...

佛爺︰呢度好似好多民宿連電視都無,夜晚就睇下星呀等下瞓覺咁囉,所以我咪無喺度過夜囉 ^^

joeyee︰唯一可以一次過滿足晒三個願望嘅應該就只有 kinder 出奇蛋~

TY︰係哩,去日本又或者去旅行梗係想拍啲好野返嚟可以以後回憶下,所以我諗住下次抬多部單反過去架 :p
仲喺度努力中,希望呢個埋到尾喇~

laulong︰依家啲 DC 都唔講得少架,不過其實去旅行抬咁多野過去好好辛苦架~

名x屋旅遊大使 said...

終於有得睇啦~

我覺得搭車上展望台係一個正確嘅選擇囉!

其實你應該掉咗部相機, 咁我又可以收到架新相機呀嘛~

largeheadboy said...

名x屋旅遊大使︰係呀,呢 200 円完全唔慳得呀,尤其係我呢啲時間唔多嘅人,你就更加唔駛講喇~
我都有諗過掉咗佢喺白川鄉,等你自己去攞返囉 ^^

五珍 said...

個溫泉好唔好浸?有冇特別療效?

ROY said...

果時如果俾我睇到你upload飛驒牛張相,我應該@*&^%$#!#$%^&*!!!!!

largeheadboy said...

五珍︰加賀溫泉個溫泉都唔錯呀,尤其係行左成日之後浸一浸人都爽晒。功效方面就無乜留意呀,我諗都係神經痛呀消化呀之類喇~

roy︰你夠三日埋唔就 post 啲燒肉相放毒咯~

ayclui said...

大頭, 仲未有新 UPDATE 嘅? 快D, 快D~^^

largeheadboy said...

係咪就出發喇?
寫好字但仲未整相
希望呢一兩晚喇
等我~~

ayclui said...

大頭: 係呀, 四月頭出發啦...等住睇你山中溫泉果篇呀~心急呀...(我沖繩遊記都出咗啦)

largeheadboy said...

ayclui︰我幾聽話即刻整咗篇出嚟喇
下一篇都會講到山中溫泉,不過唔知出唔出到貨喎~