Monday, June 18, 2012

第十章︰再訪鰺ヶ沢

千里迢迢來到青森県最西端的不老不死溫泉,當然不要錯過每一個浸湯的機會。吃早餐之前,就再到那聞名全國的露天風呂去浸過夠。


七點多,混浴這邊沒有太多人,不用像昨天看日落時有點人擠人的樣子。


裸着身體浸在日本海旁邊的溫泉,這樣算是跟大自然來個全接觸嗎?


昨天來浸湯的時候暮色沉沉,現在置身藍天下,感覺又截然不同。


六月日本東北地區一早一晚還有點涼意,即使浸在熱湯也不會中暑的感覺。


如果每天都可以到這裏浸一浸然後才上班去,應該是件很幸福的事。


這次沒有賣肉,會不會令到大家有點失落呢?


早餐以自助餐的形式供應,食物選擇算是豐富,同時也很合我的心意。最討我歡心的,是那帶點鹹鮮的筋子,配上白飯我可以連吃幾碗啊!


退房時出示北東北旅遊優待卡,房租可以打九折。省下來的錢,就到賣店買下有不老不死溫泉旅館標誌的汗衣吧!


旅館的送迎巴士把我們載回 WeSPa 椿山駅,離我們預約了的 Resort 白神號還有一個小時。


WeSPa 椿山度假村開業十多年,地方很大也很空曠,除了有住宿設施外,還有物產館、昆蟲館、玻璃工房和展望風呂,不過給人的感覺很冷清,大概這個時候還有點早,而且大多數來到這邊的人相信都會選擇到不老不死溫泉投宿。


其實 WeSPa 椿山度假村的風光蠻不錯的。


わさお,待會我們就來探你啊!


這裏還有登山纜車前去白神展望台,樣子還參考了 Resort 白神號中的青池。


至於真正的青池,就準時到站接載我們繼續向五能線進發。


列車來到深浦停留四分鐘,大家又趕忙爭取時間下車暢遊一番。


三款 Resort 白神號列車中還沒有坐上的くまげら這個時候剛好要進站。下午前去青森時,應該就會坐上這輛列車。


深浦和千疊敷一帶相信是五能線上風景最好的一段,這裏怪石嶙峋,列車也是貼着日本海行走,感覺就像被外面的天和海包圍着。這兩天我們來來回回在這一段路走上好幾回,肯定是賺透了。


坐在駕駛室後面的展望車廂,可以盡覽外面翠綠的風光。


碰上迎面而來的普通列車,上面的乘客紛紛探頭出來為我們拍照。


經過了一個鐘頭的車程,日本海的風景也看得七七八八,就來到每日只有三百多人使用的鰺ヶ沢駅。


我比較擔心究竟這裏的的士司機有沒有錢賺呢?

這天再訪鰺ヶ沢,目的有兩個,首先是到滿是燒魷魚店又有燒魷魚街之稱的一段 101 號國道吃燒魷魚,然後探訪現在已經成為青森県名物的長毛種秋田犬わさお。


在觀光案內所跟很友善的女職員確認好要走的路線後,就在猛烈的陽光下展開半小時的長征。


起初路上還有不少房子,但隨後越走越荒涼,連行人路也似有還無,不得不令人擔心是否走錯路。


不過當看到第一家燒魷魚店出現在眼前,就知道離目標應該不遠了。


鰺ヶ沢盛產魷魚,新鮮捕獲的魷魚清洗乾淨後就掛出來風乾,再放上炭爐上烤熟,就成為美味的燒魷魚。在鰺ヶ沢,就有很多家這樣的燒魷魚店滿布在 101 號國道上。


在碧海藍天下,這個平平無奇的臨海休憩處很討我的歡心。


再向前走不遠,就看到七里長浜きくや商店那很醒目的黃色招牌,也即是說終於來到わさお的家了。


噢,我們走了不知多少里路才來到這裏,わさお你不要只顧着睡覺啊!

31 comments:

卡臣 said...

睇完啲相好想放假!!

naruto said...

個不老不死溫泉比你浸完,變左半死不活溫泉呀,屎水咁嘅?

最尾仲衰,狗都玩死埋

Cat said...

又真係幾荒蕪......
個場景同套戲又真係幾似喎,套戲又真係成日都有烤魷魚架。

最尾わさお真係顧住瞓唔理你呀?
有無攬住佢影張相呀?

largeheadboy said...

卡臣︰我都好想放假出去走轉呀,好耐未放過假喇我~

naruto︰我要儲咗好多日貨先至可以搞到個池咁架,哈哈!
狗狗瞓咗啫,會醒架,下一集~

cat︰咦,你都有睇套戲呀?我都係因為わさお先至去睇咋。
わさお跟住緊係有醒喇,我咁嘈,之後仲有同佢影相呀,詳情可以睇呢度~

小妹 said...

走完這轉風光明媚的五能線, 回到香港應該會哭吧?!

瘋膏 said...

naruto 嗰幾句我喺公司大笑咗~

其實都想問, 點降d泉水咁黃...

個鎮好靜, 郊區得嚟又好整齊, 係日本先有咁情調。

隻狗俾妳嘈醒? 我會直接去摸佢, 嘿嘿。

韻味熊貓 said...

我去過東京和大板,從大板乘坐旅遊巴士經過不少市鎮返回東京,從無想過日本有如此寧靜的地方。

為何那隻吠吠狗如此出名?

supageti said...

我就一定唔會浸落黃泥水度嘞 ~~~

joeyee said...

都好涼爽下喎!

maymay said...

呢隻黃色泉水滑唔滑架呢?

見到わさお好開心呀呵~^^

紅米奇 said...

隔咁耐都無新blog, 居然無肉照, 下篇好好補償呢 ^^

largeheadboy said...

小妹︰雖然未至於哭,不過日日坐地鐵見到咁多人,我係會黑面囉!

瘋膏︰大叔唔係 c 就係 l,無新意呀~
啲溫泉水話含有豐富鐵質所以至咁嘅色,對神經痛呀皮膚病好架。
呢度人都唔多個,係車站外面間超市至見到多啲人咋~
我淨係行埋去同わさお影相,唔敢摸佢,驚佢咬呀~

佛爺︰東京至大阪中間都應該有好多地方好寧架,不過日本東北就確係鄉下好多,年輕人都去晒大城市,所以好多地方人都唔多個。
可能係わさお個樣可愛卦,當然佢嘅故事都好感人,話說佢本來係流浪狗,跟住畀好心主人收養咗咁囉~

意粉︰黃咁咁對皮膚好呀,不過就有乜污糟野都睇唔到囉~

joeyee︰仲好好陽光添!唉,呢個遊記已經一年前喇啱啱。

maymay︰啲泉水又唔覺特別滑喎,不過呢度個重點係日本海嘛,無相干喇~
見到わさお緊係開心,好彩早啲到咋,遲一陣佢出咗去散步就見佢唔到。

紅米奇︰呢期懶呀,你都係喇呵~ :p
成日露肉就唔矝貴,要吊下大家癮嘛~

l.minor said...

我都想講,個不老不死泉d水咁嘅?

l.minor said...

見到d筋子,真係想大淡大淡咬佢地

largeheadboy said...

l.minor︰啲泉水重鐵質,吸收晒日月精華嘛~
筋子送飯超正呀,不過香港好似唔常見有得賣,有都一定好貴啊!

ROY said...

猛烈陽光下食燒魷魚,唔好預我喇~

隻狗綁住既?

the inner space said...

去到啲好鄉下的地方別有風味!

小彭 said...

點睇都係想去北海道多d囉我~

largeheadboy said...

Roy︰咁你可以搵個有瓦遮頭嘅地方食架嘛。
係喎,唔知係咪驚太多人睇佢怕佢會激動咗啲呢?

the inner space︰所以我好鐘意日本東北,好純樸又好天然~

小彭︰唔好講笑,可能遲下真係有北海道睇。我今日突然研究緊日航新出秋天嘅特惠機票,可以用 $450 買一程飛北海道~

ayclui said...

早餐以自助餐的形式供應 --> 呢個最得~^^
日本東北我去過下半部, 上半部都睇怕要過2 年先去啦~

largeheadboy said...

ayclui︰唔知幾時再有得喺日本食自助餐早餐呢?希望好快喇~
上半部唔駛等多兩年喎,隨時都去得喇!

joeyee said...

你決定左乜野呀?! ^^

largeheadboy said...

Joeyee︰日本へ決定しました!:p
(咁樣講啱唔啱?)

the inner space said...

去到日本海方面的小漁村

唱唱:
斜陽裡氣魄更壯
斜陽落下不必驚慌






俺たちの旅 中村雅俊

largeheadboy said...

the inner space︰我好鐘意夕陽海岸嗰張相。你提到中村雅俊嘅俺たちの旅,我就諗起山口百恵嘅いい日旅立ち~

jokelib said...

日本への旅行を決定しました
日本旅行の計画、決定しました

largeheadboy said...

jackson︰ありがとう!^^

the inner space said...

いい日旅立ち 當然好歌
在懷緬 momoe 的網誌
我選了:
山鳩
秋櫻
伊豆的踊子

largeheadboy said...

the inner space︰其實百惠姨啲歌我識得三兩首,好多淨係聽過歌名,佢嫁人嗰時我仲未懂性~ :p

Anonymous said...

而我 。。。鄧麗君的歌也是在她去世後,才正式開始聽and收藏!




sPace

largeheadboy said...

space︰咁我都算喺鄧麗君在生時買過一隻佢嘅 cd,雖則依家唔知去咗邊。