Sunday, August 13, 2006

夏日大埔

今日天清氣朗,決定到戶外走走。乘巴士到了大埔,先找地方醫肚,在大埔墟找上 supageti 介紹過的一樂燒鵝,點了燒鵝叉燒和燒鵝燒腩飯。





燒鵝還可以,只是份量太少;燒腩則皮脆肉滑,很不錯。

根據《飲食男女》介紹,隨後到了太和邨附近售賣有機農產品的假日農墟。農墟只有十來檔攤檔,售賣的東西也不多,但本地農夫怎樣也要支持一下。買了一包有機種植紅豆($26 + 布袋 $3),打算在炎夏裡學小妹弄紅豆冰消暑。





之後沿林村河走到大埔海濱公園,從這裡可以欣賞吐露港的景色。走上回歸紀念塔,看看久別重逢的藍天白雲,只是這些日子似乎越來越少。



回歸紀念塔上有很多告示,禁止做這些禁止做那些。其實有必要弄出這麼多大煞風景的告示出來嗎?真的要吸煙要攀爬又誰會理你的告示!草地不可踩踏,水池也不可玩水,那弄出來有什麼用?草地不是給我們踩還有啥用?難怪人們都說香港人從小到大都不知道踏足草地上的滋味。公園的水池很淺,要是可以讓人嬉水,定必是炎夏裡一項不錯的玩意。可惜我們又沒有這種福份。



最可笑的還是掛滿在單車鋪前的警告。



其實大埔海濱公園真的不錯,站在這裡,不禁幻想自己就在美瑛……

18 comments:

lau2tang said...

我也要襯假期來個香港一天遊!^-^

supageti said...

呵呵 ~ 竟然夠膽入o黎大埔踩場!

假日農墟我都未去過,because 星期日太晏起身喇!海濱公園唔錯嫁,因為依度係國內及本地團熱點之一,所以比較大陸化(標語化)!不過,香港已經漸漸大陸化啦!^^

Anonymous said...

咦!咁o岩o既...我也是想去大埔公園+假日農墟一日遊喎? 不過看來很曬呢...還是涼d先好了!

在此搭單問問supageti, 大埔還有邊間食肆可以推介給從沒來過的小妹呢? 我不大好燒味的.

supageti said...

小妹想食邊類野先?

largeheadboy said...

劉鄧,
好好利用這個星期假期了!

意粉,
大埔我得閒都會入吓嚟架!我都想知多啲有乜好嘢食。街市熟食市場除咗平記之外仲有乜推介呀?東記係唔係豬扒麵出名架?

小妹,
真係好曬呀,本來白番而家又黑番啦!

lau2tang said...

大頭仔,
你句說話好似另有所指喎!
收到!我會盡力!

largeheadboy said...

劉鄧,
冇呀,你會以為我在指什麼呢?

lau2tang said...

可能我誤會了!
我以為你追我寫遊記!

supageti said...

東記豬扒麵(上海粗麵),豬扒係即炸,又大件,好正!o岩晒大頭仔咁有食力o既人!

可睇睇:
http://www.travellereyes.com/index.cfm?Action=h_recommendview&type=4&member_id=5714
如未評分,唔該順手幫幫忙!^^

其他好o野(看 comments):
http://supageti.blogspot.com/2006/08/sabbath.html

largeheadboy said...

劉鄧,
既然你不打自招,咁幾時有 update 呀?

意粉,
收到!那天見東記冇乜人,怕不是那間,沒有試啊!

lau2tang said...

快喇!放假重忙過返工!日日都有地方去!明天我要做導遊,同劉維尼及她中二去英國遊學團認識的台灣學生Amy來個港島一天遊。Amy 指定要遊西港城和中區警署,除此之外,你這個中環通有沒有其他提議,可以讓我帶她去呢?

largeheadboy said...

去食野喎,去勝香園食茄牛通,去蘭芳園食撈丁囉!只要避開午飯時間便可以了!不過都係嗰句,好熱呀!

supageti said...

中唔中呀?

largeheadboy said...

你話呢?

lau2tang said...

乜你地的對話咁難明嘅!
大頭仔,勝香園在哪裏?亞囡話有興趣試試茄牛通喎!

largeheadboy said...

我地講緊上期中唔到的金多寶之嘛!
勝香園就在九記牛腩對面,我可以飲晒成碗番茄湯!佢地既豬扒脆脆都唔差架!

supageti said...

食茄牛通不如去蘭芳園,唔駛去到九記咁遠 ~

http://www.openrice.com/big5/sr2.htm?shopid=1814

largeheadboy said...

勝香園嘅番茄湯香濃好多架!