Friday, May 04, 2007

兩個星期五

上星期五沒有上班,十一點前到了將軍澳飲早茶,然後把一些食物和餸菜速遞到天后,交給一位新任的媽咪。從天后穿過維多利亞公園,再由崇光徒步往伊利沙伯體育館,乘巴士到了山頂。吃過半份雙重芝士漢堡包後便沿山徑走到薄扶林水塘。午後的山徑人迹罕見,在陽光下出了一身汗。



在薄扶林乘巴士到了深水埗,買了些東西又吃了些東西後走路到了太子,然後再前去九龍城晚飯。即使走遍港九新界,這天一點倦意也沒有,回到家還沒到九點。

這個星期五如常上班,沉悶的工作加上沉悶的天氣,令人精神異常委靡。要不是中間冒着細雨跟同事走到灣仔吃了頓不錯的午飯,真不知道下午怎樣撐下去。晚上吃過飯後整個人已倦得要命,不得不即時跳上的士。回到家同樣還沒到九點。

兩個星期五,兩種截然不同的精神狀況。我想,我又要放假了。

14 comments:

supageti said...

我天天都想放假呢 ~

lau2tang said...

唔放得假,plan吓旅行個人都無咁悶!
試吓啦!

largeheadboy said...

意粉︰唉,有邊個唔想天天都放假呢?為咗有假放,就要繼續返工,真命苦啊!

劉鄧︰我成日都有做做吓嘢發吓夢架喇!啲同事耐唔耐都見到我目光呆滯 ^t^

lau2tang said...

發夢無用o架喎!要實際啲,有啲行動、例如、check吓機票啦、諗吓去邊好啦、或者摷個calender出來睇吓幾時會放到假啦等等!
我黐線到試過在網上找萬年曆查出年同後年的公眾假期,睇吓放唔放到假添呀!

Anonymous said...

大頭: 有工返, 有糧出, 有假放, 不是太命苦, 或許只是辛苦呢! 六合彩買極都唔中, 命苦啊! ^.^

劉鄧: 我也曾是'黐線'人呢, 因為要換免費機票, 要算準時機去換票!

Anonymous said...

劉鄧︰你真係好過分喎 ^u^
咁下年有冇攞三日放十幾日的黃金假期呀?
或者我在年尾前都冇得出埠了,夾唔到呀,嗚~~

小彭︰係呀,其實我是很幸福了。我有個朋友日日很晚才收工,工作很忙,我每次話我點點點,佢就會話我的小兒科了。不過,有時都要發洩一下,唔係人都傻呀 ^t^
六合彩,成日唔記得買 >_<

Wordy said...

劉鄧、小彭:
原來黐線既唔止我一個,唔該哂 ~ !

大頭:
咪就搵個明你既發泄囉,小唔小兒科好難講既,人人標準、際遇都唔同。
幅相用手機影架?

lau2tang said...

越難放假代表你越來越位高權重囉!
查過出年農曆年攞三日假便可以放成十日咁多!諗諗佢!^.^

小彭、Wordy,
原來我地呢班人大部份都有少少問題!哈哈!

Wordy said...

劉鄧:
係呀,所以啱傾囉!而家個 project 出年農曆年前後要定稿,冇可能放假,目標反而係 4 月,但未 check 時間。

lau2tang said...

Wordy,
出年的復活節是在三月喎!

Anonymous said...

wordy︰相片質素很差吧 :p 那天忘了帶相機出街,搞到周身唔聚財!
project 完了怎樣也要給自己放個長假啊!

劉鄧︰對我呢啲假期多的人來說(不要說我曬命,我都唔想架 ^t^ ),如無必要都唔會揀旺季去旅行,所以暑假前只剩下六月,而暑假後又可能無得放假。
高級人就成日放假喇,我小職員一名咋!
農曆年,我同你一樣好少外遊呀!

Wordy said...

劉鄧:
產品三月中面世,到時候要做人肉佈景板一排,而且仲有一堆手尾跟,唔可以即刻走。

大頭:
當然。

Anonymous said...

哎,我今年的假期很緊,每放一日都要想清楚,下半年都應不能外遊了.想發夢都無得發, {{好慘呀}}

Anonymous said...

小妹︰唔緊要喇,有我陪你,況且工作要緊嘛!不過夢要繼續發! ^^