Thursday, June 07, 2007

我想我想

我……我……我……我想睡我想放假我想去日本我想去英國我想回到那年夏天我想整整齊齊我想修肚腩我想忘記我想離開我想記住我想吃下午茶我想提早退休我想抱你入眠我想平淡我想去意大利我想炎夏快些過去我想了無牽掛我想看到藍天白雲我想一個人我想吃松記雜果杯杯冰我想有你在旁我想發達我想放慢腳步我想學日文我想學車我想買東西不用考慮價錢我想聽楊宗緯我想消失我想躺在青草地上我想跟你去日本我想換電腦我想大裝修我想去西班牙我想打爆孖寶兄弟我想吃牛肉麵我想去看 Brett Anderson 我想寫好呢個 blog 我想大家都身體健康我想你。



我……我……我……我想真的假不了我想路遙知馬力日久會見人心我想謙遜慎言沉默會是金我想好人有好報我想明天會更好我想偽善者早晚會露出狐狸尾巴我想有麝自然香我想沉實低調勝於浮跨賣弄我想有志者事竟成不勞者不會有收獲我想言行一致是對自己和對別人的基本要求我想你怎樣對人人便怎樣對你。

我……我……我……我想我不算想得太多。

23 comments:

Anonymous said...

唔好凈係想, 有D野可以一想到便去做,好快完成,就試下在你的list內刪去「想」字(當然是指那些可以達成的項目啦), 你就會有動力去實濺了。

Ellen老師 said...

傻大頭又發作啦~~
上次想兔兔尋死,今次想得總多,
要美食治療嗎?周休台北行都得喎!哈哈!

Anonymous said...

唔怪得你個頭咁大啦!

supageti said...

有志者事竟成,老友…

largeheadboy said...

galaxy︰你呢個 perspective 又幾好喎!好,就周末去吃下午茶牛肉麵和雜果杯杯冰!

ellen︰我沒有發作啊!平時我也是這樣啊!
台北我隨時行得喎!

maymay︰冇錯,原來我真的很大想頭 ^t^

意粉︰我專登寫錯架,睇吓你地邊個咁乖逐個逐個字睇吖嘛!改了,謝謝! ^p^

supageti said...

大頭:依篇唔逐粒字睇點明呀?

Anonymous said...

意粉︰其實我篇篇都差唔多,有時睇標題就可以了! ^e^

Anonymous said...

大頭係時候要去旅行散散心了 ^^

Anonymous said...

估唔到你有咁多你想喎!你想理想你想...點呀?哈哈 :P

lau2tang said...

你漏了最基本的「我想身體健康」和「我想開開心心、快快樂樂」喎!

Wordy said...

今天 sick leave 在家,看完你想這一大堆,個頭真係暈多兩轉……

不少理想已經在你手中,慢慢來吧 ^_^

Anonymous said...

我想叫大頭一口氣讀出... 無病都睇到眼花頭暈喎!

Anonymous said...

貝拉︰有諗過七一假期去轉架,可惜機位日子搞唔掂,所以依家我仍然好想去日本!

光.軍︰我相信我地每一個都有好多好多嘢想,會唔會有一口我地可以做到無欲無求呢?至少我相信我唔得。

劉鄧︰身體健康有寫到架,佢不嬲都係我的重點希望之一!其實只要我的眾多願意其中一二成真我都已經會很開心快樂了!

wordy︰你沒有什麼大礙吧?想早點睡多多什息的話就再讀多一遍吧!^r^

小彭︰呢個應該難過“雙層牛肉巨無霸……”一些 ^t^ 不過呢啲都係我的心願,對我應該冇乜難度!

Anonymous said...

大頭, 你寫晒我想d野出來, 留番d好喎...
發洩完, 有無覺得好d呢?

supageti said...

大頭:唔好空想,行動最實際呢 ~

Ellen老師 said...

咁就去台北啦~~

Wordy said...

留心讀一次都好夠喇。唉,你 d 野唔知邊句真邊句假(但以我所知有部份確係真既),都唔敢咁認真。

largeheadboy said...

小妹︰我知道你都仲有好多其他“我想”,是哪些呢?影相不 out-fo ?唔駛再入關?
其實又唔算發泄,只不過這些確是我思我想的。

意粉︰我已經決定今日去食下午茶……大 x 樂嗰啲 ^r^

ellen︰乜你同意粉一齊上網既?^t^
台北有你呢個地膽帶路一定樂趣很大啊!

wordy︰休息了一日好了些吧?我寫得出嚟既緊係句句真喇!

Ellen老師 said...

我同意粉心有靈犀,嘻嘻!

Anonymous said...

係, 唔知點解六月十幾號個程同七月頭個程D機位爆晒, 激死..... 去第二度羅

Anonymous said...

ellen︰所以你們是好姊妹!

貝拉︰你也有出埠計劃嗎?六月十幾號近端午、七月回歸假期,機位好緊張啊!除咗日本,我唔識去其他地方了!

Anonymous said...

Hi, 我想做到隨心所欲就好了..

Anonymous said...

光.軍︰有邊個唔想呢……