Tuesday, October 02, 2007

十月.再起步

今年秋風初起,便已很想即時到郊外走走。

國慶的三天假期裏,終於抽出了一天郊遊去。不想走得太遠,便選擇了比較接近市區的九龍水塘和石梨貝水塘。這兩個水塘雖然是從前小學秋季常會到的旅行地點,但我還是第一次踏足。走呀走,最後再沿山路一直走到城門水塘,全程花了近五個小時。



初段經過的幾個水塘遊人不算多,但風景卻最美麗。從草木間看着藍綠色的水,幻想自己就走在五色沼或者是奧入瀨溪流。



一天內經過了多個大大小小的水塘,也走過多個歷史悠久的水壩上。這些水壩,默默地見證着時代的變遷。



十月,是時候重新起步。

20 comments:

supageti said...

親近一下大自然,心境也會開朗好多。

希望再見到鬼鬼馬馬的大頭。^_^

lau2tang said...

相影得好靚!可能我換戴了副老花眼鏡啦!
鬼馬大頭昨天已回來了!

小妹 said...

一個健康的新開始, 好!

largeheadboy said...

意粉︰我諗住呢個秋冬會多啲去行山,成日泡尖咀旺角銅鑼灣其實好悶!依家計劃緊下轉去邊。
鬼馬嘅大頭?我份人平時好沉實個喎!^o^

劉鄧︰天氣好拍出來的相自然靚啲,你都搵日好天出去行吓山拍些更靚嘅相返嚟喇!^t^
我尋日好鬼馬咩?我又唔係好覺嘅!

小妹︰我會重新做人架喇!咁,要出去食餐勁慶祝一下先!

lau2tang said...

有人兼職sale信用咭囉~~
成個鬼馬貪小便宜師奶樣~~幾乎要踎低噴飯!

Ellen said...

傻大頭幾時變左鬼馬大頭呀~~
你份人平時真係好沉實咩呀~~
出去食餐勁來慶祝,記住搵埋我呀!

maymay said...

大頭師奶:尋日嗰餐仲唔夠勁牙?!

去馬騮山小心d呀,d齊天大聖好惡架!

supageti said...

原來大頭都影到紅蜻蜓喎 ~ ^_^

largeheadboy said...

劉鄧︰我追緊 quota 呀,唔夠數飛唔到呀!^t^

ellen︰就快有餐好食架喇!^t^

maymay︰平時我戰鬥力強啲架,會添飯架!最衰星期日吃了個很豐富的早餐,食力大減。
其實那天碰上咁多馬騮都有啲驚架,尤其是去到四野無人的地方,真係你眼望我眼架。

意粉︰你的紅蜻蜓大隻好多。
呢輪有很多蜻蜓在空中盤旋。見到咁多蜻蜓,知道秋天的確來了。

joeyee said...

祝你起步成功!
我也要起步了!

largeheadboy said...

joeyee︰這幾天一切都很好,我會小心的走前面的路。我地一齊努力吖!^o^

galaxy said...

大家咁話,我都要起步。

largeheadboy said...

galaxy︰希望你近排都事事順利,不會再鬧情緒啊!加油!

光.軍 said...

小學時候跟學校去過兩次, 情景唔係好記得, 只記得有馬騮, 怕怕.. ...

巴貝兒 said...

真係好鬼佩服你,行成五個鐘,我最叻都係同老公落城門河踩下單車,仲要係一個月先一次。

largeheadboy said...

光.軍︰我小學去過大埔林村旅行,同樣現在也對那裏的風景完全沒有印象。你記得有馬騮已經好厲害了!^o^

巴貝兒︰其實頭一兩個鐘都係平路,繞着水塘走,只是後段多上斜路,走得比較辛苦。這幾天太熱了,不宜行山。
踩吓單車總好過什麼運動也沒有啊!保重保重!

Ellen said...

現在小學旅行唔去行郊野公園啦~~~

largeheadboy said...

咁係去太空館定係維多利亞公園呀?

Ellen said...

1,2年級隔年去大埔海濱公園同烏溪沙啦~~
3-5年級XX渡假村~~
6年級大尾篤公園~~

今年我又快要去烏溪沙啦~~
唉!都唔好玩~~

largeheadboy said...

烏溪沙行兩步就係馬鞍山,仲有乜好玩呀?