Sunday, December 16, 2007

第三章︰東福寺、伏見稲荷大社

紅葉之旅的第一站,是京都其中一個熱門紅葉名所東福寺。東福寺之所以在紅葉季節遊人絡繹不絕,除了是接近京都站交通比較方便之外,紅葉的密集程度也是首屈一指。



東福寺的範圍其實不算很大,但每個地方都可以令你的腳步停下來,即使你之後還要趕幾場。



來到東福寺,不拍一張通天橋的照片,可不算來過這裏。



我在拍你你在拍我。



噢,被偷拍了!



站在紅葉下,你自然明白到為什麼一輛又一輛旅遊巴士不斷把旅客載到這裏。



紅葉除了要抬頭看,也要垂下頭看。



看,連麵包超人也來趁熱鬧。



離開東福寺,乘電車到附近的伏見稲荷大社,看同樣是橙紅色的鳥居。



伏見稲荷大社是日本眾多稲荷神社的總壇,除了以滿山的鳥居聞名,狐狸造型的繪馬也是特色之一。今年元旦頭三天,就有二百多萬人來這裏祈福,是關西最多人參拜的神社。2008 年元旦,我會是其中的一份子嗎?



這穴子蛋飯蒿麥麵定食很重要,沒有它,下午的行程就撐不下去了。

14 comments:

Anonymous said...

蜜柑晌香港真係賣得平過日本個喎!

Anonymous said...

哎呀... 點解post左晌呢篇! :p

大頭點解唔係用型仔攝影法架?! 比我見到咁多紅葉, 好有可能要影足一日先走... 我見到一棵紅葉都影佢半個鐘! ^.^

supageti said...

係啦 ~ 仲以為你揸新機會好有型添 ~ 呵呵 ~~~~

Anonymous said...

東福寺紅過我上年去時~

Ellen老師 said...

紅葉真係多得咁誇張呀~~

largeheadboy said...

小彭︰我前日真係去過城市超級諗住買蜜柑,但係冇貨呀!>_< 咁我以後過去齋食草莓算喇!
用 lcd mon 仲扮型仔我怕畀人打呀!我都想慢慢拍紅葉,但奈何行程緊湊啊!

意粉︰乜我揸新機個 look 唔型咩?哈哈!

roy︰未去前我以為東福寺係普通貨色,去到才發現原來真係可以紅得很過份。我好好彩,失驚無神成到團仲可以看到這樣美麗的景色。

ellen︰係呀,的確紅得好誇張,當時不斷有o架妹在我身邊講 SUGOI-NE!

光.軍 said...

當眼紅紅之際.突然有件麵飽超人出現.實在搞鬼呀 :P

Anonymous said...

簡直令人眼紅紅呀.

我前年去既時候通天橋前既紅葉都掉得七七八八喇, 不過原來落葉時既地下係好靚架, 我地靜係影地下都影左兩粒鐘先走呀.

largeheadboy said...

光.軍︰麵包超人件紅衫,襯晒啲紅葉呀!^t^

wendy︰係呀,遍地落葉都好靚啊!如果再有些雨水,令紅葉感覺不那麼乾,仲正啲啊!
真係難怪東福寺全日都咁多人。我地九點去到都算幾多人,十一點離開時入口排晒長龍。

Anonymous said...

傻大頭: 有雨水d紅葉會落晒, 地下個d又爛架嘛! 要濕水, 自己帶個水壺靜雞雞噴濕佢啦! :p

Anonymous said...

天氣好好呀!上次我去伏見稲荷大社有少少雨落,使更增添多幾分陰沉!

largeheadboy said...

小彭︰唔係呀,地上的紅葉太乾旱了,濕潤少少靚好多架。我在貴船那天早上便下雨,地上的紅葉濕咗感覺新鮮啲架!^t^

薯嘜︰其實伏見稲荷大社如果無乜人氣氛真係幾恐怖吓,落埋雨仲更加添。

Anonymous said...

我出發前咪就係落過雨, 紅葉期比預期GE短! >.<

largeheadboy said...

咁看到紅葉嗎?