Friday, December 21, 2007

第六章︰永觀堂夜間拜觀

雖然每天的行程可以按實際情況隨意加加減減,但唯獨這個晚上的行程絕對不可以改,因為這個地方今晚不來就要等到明年。

永觀堂的夜間特別拜觀十分有名,但每年只開放到十一月三十日,比之後會到的清水寺和高台寺都要早完結。定好出發日子後,發覺剛好可以趕及在今年夜間拜觀最後一天到永觀堂夜賞紅葉,這個機會當然不可以錯過。永觀堂日間的拜觀料金是 1,000 円,在京都云云寺院當中算是十分昂貴,現在夜間拜觀料金才是 600 円,可以說是十分超值。

第一次在黑夜裏看紅葉,感覺又是那麼新奇。




為求快捷方便,這晚只用了相機的 iA 功能,拍出來的效果當然不太理想。事實也證明,以傻瓜模式而言,canon 的表現確實比 panasonic 好。不過無論如何,眼前的景色,即使你用什麼快門什麼光圈都不能原汁原味地拍下來。




離開永觀堂,跟着人潮走到車站,等了兩班車才擠得上回四条的公車。在新京極下車,原先計劃到かつくら寺町通店吃炸豬扒,但不知道是否眼裏只有紅葉,走完整條寺町通都找不到這店,唯有走到木屋町店(噢,這店剛剛在星期日起閉店!)。名物かつくら膳果然不同凡響,沒有枉費我們的腳骨力。



晚上十時二十五分,坐在往大阪的特急電車上,我在想,能夠在京都過夜便好了。

13 comments:

Anonymous said...

我有睇o架,嘿嘿,第一個留言,終於唔使比人講o左我想講o既說話 ......

夜間拜觀係唔係唔可以用腳架?

出年,唔 ......

Anonymous said...

由其係行左成日,真係唔多想坐火車返大阪......

largeheadboy said...

小娜︰你第一次留言啊呵?歡迎你啊!^t^
其實好多寺院就算日頭都話明唔畀用腳架,永觀堂就唔見有人用,但係清水寺有很多人用,阻住晒。可能係人太多,跟本理唔到。
好呀,你又出年過去吖!

roy︰這一天由朝行到晚,個人散晒咁濟,好彩在總站上車有位坐,如果唔係仲要企足全程人都顛呀!有心去京都賞紅葉,一定要早幾個月訂房啊!

Anonymous said...

遊京都真係要住京都, 雖然京都離大阪不算遠. 但整個感覺會好d! 上次去賞櫻都要早幾個月訂房.

maymay said...

黎緊呢程,劉鄧企問有冇book京都酒店俾你住?

我好怕夜晚的日本,令我冇晒方向感,所以還未計劃賞夜櫻及紅葉。

Ellen老師 said...

咁劉鄧就book京都酒店俾大頭自已住啦~~

lau2tang said...

好彩都有一晚滿足到大頭少爺仔的欲望唧!

largeheadboy said...

小彭︰真係呀,個心情都好緊要架!咦,係賞櫻的話真係要依家開始訂房喎!

maymay︰其實嚟緊個行程除咗一晚我訂的東橫 inn 之外,其餘住邊我都唔係咁清楚。
唔駛怕喎,跟住人行唔駛方向感都去到你想去的地方啊!

ellen︰呢位團友唔好玩分化喎,唔係冇人幫你拖喼架!^t^

劉鄧︰今次唔係睇紅葉,又唔一定要住京都喎!哈哈,啲團友真係難服侍!

Anonymous said...

我們去夜間拜觀遇上行程上最大的一次「蝦碌」XD
遲些一定要冒死寫出來!呵呵!
(大叔話要是我說出真相就殺人滅口咁話....)

largeheadboy said...

細細聲話過我知吖!唔通你地 12 月 1 日至去永觀堂?

Ellen老師 said...

難服侍的團友係邊個呢下?

largeheadboy said...

應該唔係我囉!

Anonymous said...

京都紅葉有另一番味道 ^^